::: أعطـــال الميجـــان من مالكى السيارة :::

[د.محمود صلاح]

زملائى فى عمان ( 2 أطباء ) عندهم ميجان منذ 6 أشهر فقط 2009 فوجئت بأنهم غيروا لهم البطارية وزر ال start - stop فى الضمان وغيروا مفصلات الباب لأنها تطقطق مع الفتح والقفل وجارى التفاوض مع الوكيل لتبديل السيارات الميجان بنيسان تيدا ( نفس الوكيل ) وذلك لعدم وجود كمبيوتر كشف اعطال فى عمان الا واحد فقط بيلففوه على مراكز الصيانة فى المحافظات بالدور , مع محاولة اقناعى لهم بأنه لايمكن مقارنة الميجان بالتيدا

[chato_eg]

أنا متشكرا جدا على ردك يا هانى
والله أنا لسة أبيض فى موضوع العربيات
أنا عايز بس نوع كويس يستحمل الشوارع ويكون مناسب للعربية ونفس الوزن عشان ما يفرقش فى العربية والسحب والوزن ويكون ألومنيوم مش الجنط الاسبور بتاع الميجان الومنيوم ؟؟
وبالنسبة للجنوط أنا مش عارف هعمل بيهم أيه فلو بيعتهم أى حاجة يجيبوا كام ؟؟؟
على العموم أنا هسأل أيمن بأشا ...

جنوط الميجان الأصلى ال 16" ألمنيوم...بس فى جنوط ألمنيوم زى إللى فى العربيات الألمانى مثلا بتكون أقوى شوية...لكن بيكونوا 5 خرم غالبا...فمش هينفع يركبوا فى الميجان
لكن لا تقلق....ناس كتير جدا جدا مغيرين الجنوط ال Sport الأصلى فى الميجان بغيرهم ...
لكن أنا حاسس إن سعر 1200 فى الواحد ده كتير...ده كده بثمن الأصلى فى التوكيل...
لا يكون 1200 جنيه ده سعر ال 4 جنوط و إنت فهمت غلط إنه سعر الجنط الواحد...!!
على كل جنوطك الحالية لا أعتقد إنها هتجيب ثمن له معنى...مين هيشترى جنوط أصلى بتوع ميجان مستعملين و سابق تصليحهم ؟؟...خصوصا إنك مغيرهم لسبب وظيفى مش جمالى...

بس الحمد لله أنه طلع جنوط الميجان كلها كده !!!!

الجنوط ال 15" بتاعتى حديد مش ألمنيوم....مافيهومش مشاكل خالص
و لا أعقد عند أحمد عبد المقصود و رامى طنطاوى عاملين أى قلق
لو حابب تريح دماغك من الجنوط الأمنيوم السبور عموما ممكن تغير بجنوط 15 مش 16 و يكونوا حديد
لاحظ إن الألمنيوم كخامة طبيعتها أكثر ليونة من الحديد بغض النظر عن الميجان أو غيرها...لكنها أخف وزنا...فقدرتها على التحمل بشكل عام أقل من الجنوط الحديد...يعنى لو فعلا مش فارقة معاك حكاية الشكل...يبقى خليك فى الجنوط الحديد
و ما تخافش....مش هيحصل حاجة للثبات و السرعات و الكلام ده مع ال 15 .....
و بالتوفيق

[aly_elhawary]

أنت كده حسبتها غلط تماماً........

هى الأعطال دى كلها ظهرت عند كل الناس ؟؟؟؟

الأعطال دى ظهر بعضها عند بعض الناس....و بعضها الأخر عند ناس تانية و ناس تالتة محصلش عندهم حاجة خالص.

لعلم حضرتك.....
بى أم موديل من 99 الى 2004 الفئة التالتة كان فيها مشاكل فى مكن الزجاج ( كانت مشكلة شائعة جداً )
بى أم من موديل 99 الى 2001 الفئة التالتة كان فيها مشكلة فى الفتيس الأوتوماتيك.

لما يبوظ موتور مياه مساحات عند واحد من حوالى 45 واحد معاهم العربية يبقى ده مش عيب شائع فى العربية
ممكن تكون الموتور عنده فيه عيب تصنيع.....و ممكن يكون أتسد لأى سبب.

أولاً أحب أشكرك على ردك
ثانياً أنا لا أقصد الهجوم على السيارة لكن من الأعطال فى حجات أتكررت عند كذا واحد زى علبة الدريكسيون عند خمسة وزى كويل الأشعال عند ناس كتير وكمبريسور التكيف ده المفروض مايبقاش ولا حالة لكن حصل مع أثنين
وده يمكن يكون راجع لأن إعتمادية بعض مكونات السيارة مش بالقدر الكافى وده علشان يقدرو يقدموا سيارة أدائها متميز ومميزاتها أكتر من عيوبها وبسعر يعتبر قليل على ما تقدمه السيارة

عموماً لو أنت خايف من العربية بلاش منها عشان مش هتعرف تستمتع بيها.

أنا مش خايف ولا حاجة بالعكس أنا مازلت أعتبر الميجان صفقة رابحة لكن زى ما بيقولوا ما خاب من استشار

[Ahmed Selim]

أولاً أحب أشكرك على ردك
ثانياً أنا لا أقصد الهجوم على السيارة لكن من الأعطال فى حجات أتكررت عند كذا واحد زى علبة الدريكسيون عند خمسة وزى كويل الأشعال عند ناس كتير وكمبريسور التكيف ده المفروض مايبقاش ولا حالة لكن حصل مع أثنين
وده يمكن يكون راجع لأن إعتمادية بعض مكونات السيارة مش بالقدر الكافى وده علشان يقدرو يقدموا سيارة أدائها متميز ومميزاتها أكتر من عيوبها وبسعر يعتبر قليل على ما تقدمه السيارة



أنا مش خايف ولا حاجة بالعكس أنا مازلت أعتبر الميجان صفقة رابحة لكن زى ما بيقولوا ما خاب من استشار

العفو يا باشا

و أنا مش بقول أنك بتهاجم العربية ولا حاجة.....بس أنت لميت عيوب العربيات كلها مع أختلاف مرات تكرارها أو قلة تكرارها و أعتبرت أنهم فى كل العربيات.......و ده غير صحيح.

عموماً المشاكل اللى الكل تقريباً أجمع عليهم هما
1- البطارية ( موديل 2005 و بعض 2006 )
2- الكويلات ( موديل 2005 و بعض 2006 )
3- الجنوط.....أعتقد مستمرة الى موديل 2007 كمان

باقى المشاكل هتلاقيها ظهرت عند نسبة قليلة من الناس.....طيب عيب صناعة ولا عيب أستخدام و لا عمر أفتراضى ( متنساش أن العربية بقالها 5 سنين دلوقتى ) ؟؟؟؟
دى قصة تانية يطول شرحها........ليه لأنها ممكن تبوظ من واحد و العربية لسه جديدة ( عيب صناعة ) و ممكن تبوظ من واحد عشان بيهبد و يرزع العربية فى المطبات ( سوء أستخدام ) و ممكن تبوظ من واحد ماشى بالعربية 200 ألف كم ( عمر أفتراضى )

[Amr_Moh]

عين العقل يبوحميد.......... الكبير كبير

[islgamal]

i chenged the spark plugs in the 20,000 service before that every thing was fine but after that i noticed that when i start the car early in the morning i feel some rocking movement that immediately disappear when the car moves. Does this have any significance ?

[Amr_Moh]

ياريت توضيح أكتر

[drmostafa10]

ميجان اوتوماتك2008في عمان فيها صوت طقطقة مع فتح وقفل الابواب ورجرجة بالدركسيون ف الطرق المكسرةوالتوكيل هيغيرالمفصلات وبيقولو ان مفيش حاجة ف الدركسيون؟؟؟.وكمان العربية سحبها ضعيف ولماتدوس كيك دون مرة تسحب ومرات مفيش اي تسارع بالمرة ولماشكيت للوكيل قالى دا طبيعي؟؟؟؟؟؟؟؟؟التكييف ضعييييف؟؟.ليااربع زمايل معاهم نفس العربية كلهم اشتكو من سحب العربيةو والتوكيل بيقول ان كله تمام!!

[Col. Eng. Khaled]

خدمة العملاء (رينو فرنسا) :

contact.client@renault.com

حضرتك مشكورا إكتب رقم شاسيه و رقم موتور العربية في الشكوى

بالتوفيق إن شاء الله

[drmostafa10]

نسيت اقولكم انها عاملة10000ك والزمل عاملين من15الي20الفوواحدمنهم الازاز نزل ماطلعش والتوكيل قاله ان مكن الازاز فيه عيوب والشركة بفرنسا خبرتهم بتغييره

[drmostafa10]

شكرا اخ خالد بس ىاتري هيعملو حاجه

[Col. Eng. Khaled]

إن شاء الله حيعملوا

عن تجربة شخصية لي و أخوة أخرون

[Ahmed Selim]

ميجان اوتوماتك2008في عمان فيها صوت طقطقة مع فتح وقفل الابواب ورجرجة بالدركسيون ف الطرق المكسرةوالتوكيل هيغيرالمفصلات وبيقولو ان مفيش حاجة ف الدركسيون؟؟؟.وكمان العربية سحبها ضعيف ولماتدوس كيك دون مرة تسحب ومرات مفيش اي تسارع بالمرة ولماشكيت للوكيل قالى دا طبيعي؟؟؟؟؟؟؟؟؟التكييف ضعييييف؟؟.ليااربع زمايل معاهم نفس العربية كلهم اشتكو من سحب العربيةو والتوكيل بيقول ان كله تمام!!

بتحط بنزين كام ؟؟؟

[د.محمود صلاح]

فى عمان العادى 96 والممتاز 98 أوكتين بسعر يوازى 160 قرش للأول و170 قرش للتانى

[أحمد كمال]

فى عمان العادى 96 والممتاز 98 أوكتين بسعر يوازى 160 قرش للأول و170 قرش للتانى

حرام عليك خليتني اعيط