شكوى من مركز خدمة المقطم

[sameh_zenhom]

تم تسبيم السيارة يوم الثلاثاء 23 فبراير2010 و إستلامها يوم الخميس 25 فبراير وذلك لتغيير ترس الديفيزر والكشف على حساسات الفتيس تم الإصلاح ولكن اليوم اليالى 26 إكتشفت العيوب التالية:
· الكاوتش الأمامى يمين بة مثل حرق شديد وقد قمت بتغييرة وكان التقرير هو سائل حمضى مثل "ماء النار" !!!!!!!!!!!!!
· الإكصدام الأمامى غير مثبت تماما والسبب هو نقص مسمارين التثبيت الموجودين بالكارتيرة اليمنى "برجاء تركيب مسمارين كالمسامير الأصلية تماما"


· مرة أخرى ذهبت لورشة السمكرة أمس 28 فبراير وذلك لإكتشاف كشاف الشبورة الأمامى يمين لا يعمل وعند الكشف على الكشاف وجد أنة سليم واللمبة سليمة فتم إصلاحة وذلك عن طريق فك الإكصدام الأمامى من الناحية الشمال و خلع الفيشة وعمل "كوبرى أو وصلة" بين سلك الشبورة الشمال و اليمين و إشتغل الكشاف و لكن أنا غير راض على هذا الإسلوب فى الإصلاح فالمفروض البحث عن السبب الأساسى للمشكلة و ليس بهذة الطريقة الموضعية

· أثناء القيام بالكشف على كشاف الشبورة اليمين بورشة السمكرة تم خلع هواية الشبكة الأمامية لإختبار الكشاف فلاحظت وجود قطعة بلاستيكية بالداخل غير مثبتة وعندما قمت بالسؤال كان الرد " هنثبتهولك على قد ما نقدر, هو المفروض يتثبت بكلبسين بس أنت لما تيجى تعمل شغل تانى قدام هنبقى نثبتة علشان لازم الوش يتحل"
مع العلم أنة تم كل عمل الصيانات بالتوكيل و لم يتم عمل أى شغل تماما خارج التوكيل

[ahmedfozy]

المشكلة كمان حضرتك انهم بياخدو فلوس عمالة كتييييييييير جدا ومع ذلك شغلهم زي ظهر من تجربة حضرتك كده مش نظيف و ميفرقش عن اي ورشة بره بس هو الواحد بيخاف علشان العربية جديدة و علشان محدش يتلكك في التوكيل و يقولك انت عملت فيها حاجة بره و كده خرجت من الضمان ويسقط حقك في الصيانات المجانية

[cementman]

العربية ايه؟؟
لوجان؟؟

[bishoy02010]

لالالا اكيد ميجان

[tamer61]

إيه الإهمال الرهيب ده ....إزاي يحصل كده في توكيل محترم. لازم حضرتك تقابل مدير المركز أو مدير خدمة العملاء و تقدم شكوى شديدة اللهجه للإهمال ده وإوعى تتنازل عن حقك و ما تستلمش العربيه إلا إذا كنت راضي عن الشغل إللي إتعمل فيها ولا هي فلوس على الأرض وخلاص.

[Ahmed Selim]

المفروض أن الشغل اللى كان هيتعمل فيها ملهوش علاقة بالأكصدام خالص......يعنى لا يستدعى فك الأكصدام.....حضرتك متأكد أن الأكصدام تم فكه ؟؟؟؟؟؟؟

بالنسبة للكاوتش غريبة قوى.......

لو حضرتك متأكد ان الحاجات دى مكنتش موجودة عند تسليم العربية أبعت لرينو فرنسا و هما هيقومو بالواجب.

[sameh_zenhom]

العربية ميجان 2006 أتوماتيك
وأنا كنت متأكد من سلامة كل حاجة فيها لأنى بحب عربيتى جدا
هأضحكوا شوية أو يمكن تزعلوا
إمبارح رحت 1 مارس وقدمت الشكوى اللى فى أعلى الموضوع لمدير ورشة السمكرة "ربيع" و أشتكيت من الإكصدام الراجل الحقيقة كان مهذب جدا و قاللى هنظبطة و أشتكيت من شغل الكهرباء السيء واستدعى الكهربائى وسألة لية عملت كوبرى قالة أنا حبيت أمشية بسرعة عموما أنا أسف ثم طلبت إصلاح كشاف الشبورة بشكل صحيح
أما عن عدم تثبيت قطعة بلاستيكية خلف الهواية الأمامية يمين فكان الرد أن تركيبها يستدعى فك الإكصدام وده هيكلفك 150 جنية فقلتلهم كان من الأول المفروض تعملوة كدة
المهم تركت العربية للإصلاح و فى أقل من 5 دقائق قالولى أن وحدة اليو بى سى محتاجة تتغير وعلشان كدة كشاف الشبورة اليمين مش شغال - أنا حسيت بإشتغالة فسألت فى الورشة اللى تحت لقيت مهندس رد عليا و قالى لو الوحدة دى بايظة كان الكشافين إنطفوا عموما يبقى نزلها أبصلك عليها
رحت رايح على المهندس حسام مدير الصيانة وحاكيت لة اللى حصل راح طالع معايا ورشة السمكرة و أعطى أوامر بالإهتمام بالعربية ووعدنى بمعاقبة المقصرين
بعد ساعة وصل التقرير النهائى بأن العربية بها عيب "وحدة اليو بى سى محروقة محتاجة تتغير و الفيشة سايحة والموضوع يتكلف 2000 جنية" أنا رفضت و رحت طالع على ورش صقر قريش بس عايز أتأكد من الكلام دة خصوصا إنى مهندس إلكترونيات و أقدر أصلح البوردة دي لو قطع الغيار متاحة - المهم الصنايعى "أسمة عادل" قاللى تعالى بكرة من أول اليوم بس لو محروقة هى إستيراد بحدود 600 جنية
النهاردة رحت الصبح ولما وصل الكهربائى شال وش الوحدة و بص ملقاش أى أثر لاى حاجة سايحة ولا محروقة و أتأكدت من دة بنفسى - راح فاكك الفيشة و رش عليها كونتاكت سبراى و ركبها وبعدين جرب لقيت الكشاف إشتغل
الغريبة و الله ما كان راض ياخد فلوس " أسمة محمد 0107365028 "
بعدين قلت لازم أتصل بمدير صيانة المقطم و أقولة على الخيبة اللى عندة فى الورش بس معرفتش اوصلة وبينى وبين نفسى بفكر مارحشى التوكيل تانى
لأنهم مش بس مبيعرفش لأ كدب و قلة أدب أسف ولكن أقل ما يجب أن يقال

السلام عليكم

[frhateg]

الكلام ده الواحد لما بيسمعه دمه بيتحرق و كأن الواحد بيلاقي الفلوس في الشارع . يعني المهندس اللي كان بيتكلم من فرع الأقصر بيقول انهم واخدين تديبات علي اعلي مستوي و ده كلامه " اه على فكرة بالنسبة للتدريب اللى انت بتقترح انه يتعمل كل المهندسين والفنيين اللى فى اى مركز صيانه خاصاو تابع لشركة eim بياخدو تدريب على مستوى عالى جدا بمركز التدريب بالشركه كل فترة واكيد دى مش حاجه هاتعدى على شركة كبيرة زى eim " . طيب فين التنفيذ . دي طريقة ناس مدربة .. يعني حيكلفك 2000 جنيه اونطة .. بكدة شغل نصب و شغل حلق حوش . حسبي الله و نعم الوكيل .

[paradox]

رأيي يا استاذ سامح ان حضرتك تقابل حد من الإدارة في المقطم وتعمل شكوى، وكمان تحاول تبعت الشكوى دي على جهاز حماية المستهلك (ولو بالفاكس حتى).
شركة eim شركة محترمة، بس للأسف الصنايعي المصري مافيش فايده فيه. لسه ماشيين بثقافة الفيات الـ128

نصيحة تانية، جرب تروح الميكانيكيون العرب اللي عند السندباد. الناس هناك فاهمين جدا ومش بيقلبوا الشغل ده غير انهم شغالين السبت. بصراحة أنا باستريح لشغلهم عن المقطم

وبالتوفيق ان شاء الله و ربنا يحفظلك عربيتك

[tamer61]

رأيي يا استاذ سامح ان حضرتك تقابل حد من الإدارة في المقطم وتعمل شكوى، وكمان تحاول تبعت الشكوى دي على جهاز حماية المستهلك (ولو بالفاكس حتى).
شركة eim شركة محترمة، بس للأسف الصنايعي المصري مافيش فايده فيه. لسه ماشيين بثقافة الفيات الـ128

نصيحة تانية، جرب تروح الميكانيكيون العرب اللي عند السندباد. الناس هناك فاهمين جدا ومش بيقلبوا الشغل ده غير انهم شغالين السبت. بصراحة أنا باستريح لشغلهم عن المقطم

وبالتوفيق ان شاء الله و ربنا يحفظلك عربيتك

و بالنسبه للميكانيكيون العرب أنا أعرف إنهم مركز صيانه معتمد بس يا ترى لو في أى حاجه محتاجه تتغير تبع الضمان حيغيروها ولا حيقولوا روح التوكيل و يا ترى أسعارهم عامله إيه. و تقبل تحياتي.

[Ahmed Selim]

رأيي يا استاذ سامح ان حضرتك تقابل حد من الإدارة في المقطم وتعمل شكوى، وكمان تحاول تبعت الشكوى دي على جهاز حماية المستهلك (ولو بالفاكس حتى).
شركة eim شركة محترمة، بس للأسف الصنايعي المصري مافيش فايده فيه. لسه ماشيين بثقافة الفيات الـ128

نصيحة تانية، جرب تروح الميكانيكيون العرب اللي عند السندباد. الناس هناك فاهمين جدا ومش بيقلبوا الشغل ده غير انهم شغالين السبت. بصراحة أنا باستريح لشغلهم عن المقطم

وبالتوفيق ان شاء الله و ربنا يحفظلك عربيتك

الميكانيكيون لا تثق فى كل شغلهم و عن تجربة

يعنى صيانة....حاجة فى الكشافات مش شغالة.....شغل عفشة ماشى

بس لو شغل فى الموتور أو الفتيس نصيحة بلاش

و بالنسبه للميكانيكيون العرب أنا أعرف إنهم مركز صيانه معتمد بس يا ترى لو في أى حاجه محتاجه تتغير تبع الضمان حيغيروها ولا حيقولوا روح التوكيل و يا ترى أسعارهم عامله إيه. و تقبل تحياتي.

لو العربية فى الضمان و القطعة المعيبة متوفرة عنده بيغيرهالك عادى.

[Ahmed Selim]

العربية ميجان 2006 أتوماتيك
وأنا كنت متأكد من سلامة كل حاجة فيها لأنى بحب عربيتى جدا
هأضحكوا شوية أو يمكن تزعلوا
إمبارح رحت 1 مارس وقدمت الشكوى اللى فى أعلى الموضوع لمدير ورشة السمكرة "ربيع" و أشتكيت من الإكصدام الراجل الحقيقة كان مهذب جدا و قاللى هنظبطة و أشتكيت من شغل الكهرباء السيء واستدعى الكهربائى وسألة لية عملت كوبرى قالة أنا حبيت أمشية بسرعة عموما أنا أسف ثم طلبت إصلاح كشاف الشبورة بشكل صحيح
أما عن عدم تثبيت قطعة بلاستيكية خلف الهواية الأمامية يمين فكان الرد أن تركيبها يستدعى فك الإكصدام وده هيكلفك 150 جنية فقلتلهم كان من الأول المفروض تعملوة كدة
المهم تركت العربية للإصلاح و فى أقل من 5 دقائق قالولى أن وحدة اليو بى سى محتاجة تتغير وعلشان كدة كشاف الشبورة اليمين مش شغال - أنا حسيت بإشتغالة فسألت فى الورشة اللى تحت لقيت مهندس رد عليا و قالى لو الوحدة دى بايظة كان الكشافين إنطفوا عموما يبقى نزلها أبصلك عليها
رحت رايح على المهندس حسام مدير الصيانة وحاكيت لة اللى حصل راح طالع معايا ورشة السمكرة و أعطى أوامر بالإهتمام بالعربية ووعدنى بمعاقبة المقصرين
بعد ساعة وصل التقرير النهائى بأن العربية بها عيب "وحدة اليو بى سى محروقة محتاجة تتغير و الفيشة سايحة والموضوع يتكلف 2000 جنية" أنا رفضت و رحت طالع على ورش صقر قريش بس عايز أتأكد من الكلام دة خصوصا إنى مهندس إلكترونيات و أقدر أصلح البوردة دي لو قطع الغيار متاحة - المهم الصنايعى "أسمة عادل" قاللى تعالى بكرة من أول اليوم بس لو محروقة هى إستيراد بحدود 600 جنية
النهاردة رحت الصبح ولما وصل الكهربائى شال وش الوحدة و بص ملقاش أى أثر لاى حاجة سايحة ولا محروقة و أتأكدت من دة بنفسى - راح فاكك الفيشة و رش عليها كونتاكت سبراى و ركبها وبعدين جرب لقيت الكشاف إشتغل
الغريبة و اللة ما كان راض ياخد فلوس " أسمة محمد 0107365028 "
بعدين قلت لازم أتصل بمدير صيانة المقطم و أقولة على الخيبة اللى عندة فى الورش بس معرفتش اوصلة وبينى وبين نفسى بفكر مارحشى التوكيل تانى
لأنهم مش بس مبيعرفش لأ كدب و قلة أدب أسف ولكن أقل ما يجب أن يقال

السلام عليكم

أنا لو مكانك هروح مخصوص للمهندس حسام فى المقطم و تدخل تقابله و تسلم عليه و تطلب منه يطلع معاك توريله العربية بعد ما تفكره بنفسك......و تقوله أنك حليتها برة التوكيل من غير ولا مليم و تقوله الصنايعى عمل أيه و أن الفيشة اللى قالو عليها سايحة طلعت سليمة تماماً .

[tamer61]

الميكانيكيون لا تثق فى كل شغلهم و عن تجربة

يعنى صيانة....حاجة فى الكشافات مش شغالة.....شغل عفشة ماشى

بس لو شغل فى الموتور أو الفتيس نصيحة بلاش


لو العربية فى الضمان و القطعة المعيبة متوفرة عنده بيغيرهالك عادى.

ألف شكر يا باشا على ردك و إهتمامك.

[Hany Saad]

يا جماعة نفس الحوار ده حصل معايا فى عربية حماتى كليو 2001 1400cc فى توكيل الإسكندرية العامرية، كانت بتشتكى من تقطيع ساعات فى الدوارة و صوت رجة مع الفرملة.
بالنسبة للرجة غيرولها تيل فرامل أمامى و بالنسبة للتقطيع قالولها عايزة مارش مع إن العربية عاملة فقط 20000 كيلو (عشرون ألف) و ثمنه فى حدود 2000 جنيه مع المصنعية.

طبعا هى غيرت التيل فقط و لما مشيت من التوكيل رجع صوت الرجة تانى.
أخدت العربية منها و سوقتها لقيت الرجة ناتجة من وجود حوالى 9 زجاجات مياة معدنية فى الصالون الخلفى و الشنطة و تحت الكراسى و نصف ممتلئين فبيعملوا صوت مع كل فرملة.
بالنسبة للمارش ذهبت للتوكيل بنفسى و تكلمت مع المهندس و قولتله هل ينفع إن المارش يبوظ بعد 20000 فقط و إزاى مارش و فى صوت دواره فلما أعاد الكشف و نظف الحساس راح التقطيع من الدوارة.
الخلاصة:
مع ضغط الشغل و عدم إستطاعة المهندسين متابعة كل السيارات فى الورشة ، الفنيين بيفتوا فتاوى تودى فى داهية و بياخدوا دايما الحل الأسهل و الجذرى بالنسبة لهم وطبعا مدمر بالنسبة لصاحب السيارة.
-يجب أن يقوم صاحب السيارة أن يحصل على بعض المعلومات عن العطل قبل الذهاب إلى مركز الخدمة و ذللك لتقليل الفتوى و ذلك عن طريق هذا المنتدى الرائع أو عن طريق الإنترنت حيث إن أغلب الأعطال شائعة، لإنه لواحد راح قالهم فى صوت من العجلة الأمامية سوف يغيروا كل شىء له علاقة بهذه العجلة و لن تحل المشكلة لأنهم ليس عندهم وقت للتجربة أو لعملية الإحتمالات.
-يجب أن يقوم صاحب السيارة بالنزول مع المهندس للورشة و معاينة الجزء البايظ قبل التغيير يعنى لو فيشة سايحة أو كارتة محروقة أو قطع مقطوعة أو error على الجهاز تنزل تقراءة بنفسك لتقليل الفتاوى .
طبعا أنا عارف إن الميجانويه أغلبهم بيفهمو كويس فى العربيات بدليل إختيارهم للميجان و ممكن أى حد عنده مشكلة يعرضها على المنتدى و كل اللى حصلت معاهم قبل كده يساعدوه بالتشخيص و ما تم تغييره و هكذا و أعتقد إن ده فعلا موجود بس ممكن نهتم به شوية.
أرجو إنى أكون فدتكم.

[mouraddesk]

على فكرة يابشمهندس ممكن تبعت ميل على الشركة الام فى فرنسا من موقع رينو على النت و هم بيهتموا جدا من هناك و بيعاقبوا المقصرين فعلا علشان كده التوكيل ده محترم لانهم عارفين ان فى رقابة من الخارج