عاوز اركب ارضيه جلد للعربيه بنفسى

[zkralla]

أنا كنت واقف مع السروجى وهو شغال .. الفك بسيط ..
الكراسى الأمامية بمسامير مثبتة فى الأرض ، بس مش عارف عندك المفتاح اللى مقاسها واللا لأ ..
والكنبة هى اللى فيها تكة كده إن ليها مشأبية عايزة فن شوية فى تخليصها

الكرسيين اللى قدام فى كل كرسى 2 قضيب ماشى عليهم

حتى لو جيت ترجع وتقدم الكرسى هتلاقى طبعآ ماشى عليهم رايح جاى رايح جاى
المهم بص على القضيبين دول هتلاقى عند بداية كل قضيب مسمار
وفى اخر القضيب من ورا مسمار
يعنى الكرسى فيه 4 مسامير
بس مش بيتفكو بمفك لانهم عايزين مفك اللى هو شبه الالنكيه
بس المثلث اللى فيه 8 زوايا .. انما الالنكيه 4 زوايا بس
المهم اسأل عليهم هما بيتباعو بالطقم اشترى طقم هينفعك
لان العربيه كلها مساميرها كده
فكهم وارفع الكرسى بأيديك هتلاقيه اترفع
بس فى جنب الكرسى حته بلاستيك ( الجناحات ) دى ليها مسمار ( مفك صليبه )
وهتشيل برضو الحته اللى فى النص اللى هى قاعدة الفتيس كلها بالزراير بتاعة الازاز اللى ورا
برضك مسامرهم فى الاخر كده مكان مخرج هوا التكييف من تحت ( مفك صليبه )
الكنبه اللى ورا دى بقى بتطلع عافبه .. وتدخل حشر
لو فتحت الشنطه ورا هتلاقى الكنبه داخله حشر ما بين صاج العربيه
ودى تركيبها وحلها صعب لازم يكون حد معاك عشان يساعدك
وبعد كده خلاص فكيت الكراسى كلها والبلاستيكه بتاعة الفتيس بالطفايه بالولاعه بكله
هتلاقى العربيه طبعآ على الفرش بتاعها الاصلى ( اللى هو الموكيت )
تركيب الجلد بقى شغلانه لانك هتفك كمان الجلد بتاعة الباب من تحت كلها
عشان تدخل من تحتها الجلد بتاع الارضيه
وعلى فكره العربيه ارضيتها فيها عالى وواطى كتير اوى اوى
يعنى مش هينفع تجيب جلد وتحطه حته واحده كده
السروجى بيقطع الجلد وياخد المقاس ويخيط وبعدين يركب ويلصق حتت معينه بالكوله
نصيحه منى عليك ان تتقبلها او لا
بلاش تعمل الحوار ده عشان مش هتعرف تعمله
ولو عملته شغلك مش هيطلع مضبوط فيها
مش هتخسر حاجه اما تروح لسروجى وتقوله محتاجه كام متر جلد
يا تجيبه انت على حسابك وتنقى النوع اللى انت عايزه
يا اما تسيبه هو يشتغل فيها برحته
على فكره انا لما عملت جلد عند السروجى قعدت جمبه 24 ساعه وهو بيعملها
لدرجة انى كنت بساعده فى الشغل بتاع العربيه كله
والموضوع صعب جدآ جدآ ومعقد
وربنا يوفقك يا معلم

+111111111111
انما الكنبة ممكن تتفك عادي مش خناقة يعني
هي متثبتة بأربع مسامير برده بس مكانهم في الحتة اللي طالع منها الجزء اللي بيركب فيه حزام الامان
بتفكهم وخلاص شد

يا جماعه أنا عاجز عن الشكر بس ده العشم
طالما كده كده يوم ضايع يبقى نروخ للسروجى وامرى لله وانا عارف سروجى كويس بس المشكله أنه جنب الشغل فى الضاهر يعنى لازن اروح يوم اجازه خميس ولا جمعه مع أنى فيه يوم فيم باخرج واليوم التانى باقول اريح بس ماشى الحال يا شباب طالما أنتم شايفين أن ده الصح يبقى ماشى كلام الرجاله

[Eng.Geo]

الافضل سروجي
لأنها شغلانة رخمة
ومش هياخد يوم ولا حاجة
ان شاء الله تعجبك بعد التركيب

[zkralla]

الافضل سروجي
لأنها شغلانة رخمة
ومش هياخد يوم ولا حاجة
ان شاء الله تعجبك بعد التركيب

يا ريت يا باشمهندس
والله من اكتر الحاجات الى بكرهها فى الدنيا الوقفه عند الصنايعى
يا رب يهدى الصناعيه والشعب المصرى كله والمسلمين جميعا

[amruzo]

عايز اقولك حاجه في مثل مصري بيقول ادي العيش لخبازه

يعني كده كلامي طلع صح ولا ايه رايكم

[zkralla]

يعني كده كلامي طلع صح ولا ايه رايكم

صح يا باشا والف شكر على اهتمامك
بس ادعيلى الخباز يعمل شغله كويس ويحمى على الشغل وما يسبش العربيه عنده لغايه ما تخمر ويسبنى ملطوع جنبه لغايه ما استوى على نار هاديه

[amruzo]

ان شاء الله الخباز يعملك شغل حلو بس انت خليك معاك علشان يخلص الشغل ولا تنسي تصورنا الشغل اثناء التركيب

[zkralla]

ركبت ارضيه جلد بس بناء على نصيحتكم لم افك الكراسى ولا الكنصول ولكن قصيت الجلد على مقاس الدواسات بالظبط وتقريبا مبقاش فيه حاجه بانينه من الموكيب ودخلت الجلد تحت العتب وبالنسبه للكنبه رفعتها بس ودخلت الموكيت تحتها ودمتمت
الموضوع اخد اقل من ساعه واتكلف 2 متر جلد * 25 جينه للمتر بس طبعا معملتش الشنطه
المميزات : سهوله رهيبه فى تنظيف العربيه بدل الموكيت الغلس الى بمسك فى التراب مش عاوزيسيبه

[Eng.Geo]

الف مبروك يا باشا

[zkralla]

الف مبروك يا باشا

الله يبارك فيك يا هندسه