نظام تعليق خدمة شاقة

[wawoo]

عندكو فكرة يا شباب اية هى حكاية كلمة "نظام تعليق خدمة شاقة معدل للطرق الغير ممهدة "
اللى نازل فى الفلونيس و الميجان الجديدة دى

..يترى فعلا نظام التعليق فيه اى تعديلات للخدمة الشاقة زى ما هما كتبين كدة ؟؟؟ ...و لا هى اشتغالة تسويق و السلام

[Hany Saad]

عندكو فكرة يا شباب اية هى حكاية كلمة "نظام تعليق خدمة شاقة معدل للطرق الغير ممهدة "
اللى نازل فى الفلونيس و الميجان الجديدة دى

..يترى فعلا نظام التعليق فيه اى تعديلات للخدمة الشاقة زى ما هما كتبين كدة ؟؟؟ ...و لا هى اشتغالة تسويق و السلام

للأمانة الكلام ده أنا سمعته من التوكيل من فرعين مختلفين بس الشخصين اللى أنا سمعت الكلام ده منهم تربطنى بهم علاقة شخصية.

إن أوائل موديلات الميجانII كانت نازلة مواصفات أوروبى بالنسبة للتعليق و الإسكترا و ده معناه طرق ناعمة جدا و طبعا إبتدت تظهر مشاكل لما نزلت مصر نتيجة لطبيعة الطرق فتم تعديل العربيات فى اللوطات الأجدد علشان يلافو المشكلة دى بنظام تعليق خدمة شاقة متنساش إنه فى الأخر الإسكترا و المساعدين أغلبهم كان بيتغير فى الضمان فعملية التعديل بالنسبة للشركة أوفر و هى مش تعديل design لكن تعديل نوع المساعد و الإسكترا و مواصفتهم ليتحملوا أكثر الطرق الصعبة.

بالنسبة للفلوانس أنا ما عنديش فكرة لكن أعتقد إن الشركات الكبيرة بتعمل كود (NORM) لكل بلد فيه مواصفات خاصة تلائم هذه البلد من حيث نوع الطرق و حرارة الجو و الأتربة و الكماليات المطلوبة و هكذا...

فلا أعتقد إنها هتنزل العربية الميجان تعليق خدمة شاقة و بعدين ترجع تشيلو فى الفلوانس.

على فكرة موضوع الخدمة الشاقة ده مش إختراع هو كمان موجود فى الأوكتافيا و فى عربيات كتيرة و علشان كده كتير من التوكيلات بترفض تتعامل فى الضمان فى عربيات غير إستيرادهم لإختلاف ال (NORM ) من بلد لأخر و على فكرة الموضوع ده بمعرفة و موافقة الشركة الأم.

طبعا ده على حسب معلوماتى البسيطة.

[wawoo]

و هى مش تعديل design لكن تعديل نوع المساعد و الإسكترا و مواصفتهم ليتحملوا أكثر الطرق الصعبة..

شكرا يا باشا على التوضيح ..لكن هو اية المقصود ب "الاسكترا " دى ..
و التعديلات دى بتفرق فعلا مع الطرق المصرية

[Hany Saad]

شكرا يا باشا على التوضيح ..لكن هو اية المقصود ب "الاسكترا " دى ..
و التعديلات دى بتفرق فعلا مع الطرق المصرية

الإسكترا هى الوصلة ما بين عامود الدركسيون و العجل و تكون على شكل حرف t و فيها شوية وصلات وتروس لنقل الحركة من الوضع الرأسى إلى الوضع الأفقى.

التعديلات دى بتفرق جدا مع الطرق المصرية لأنها ببساطة مصممة لتلائم حالة الطرق السيئة فى مصر فتقدر تقول بمنتهى البساطة إنها بتديك عمر إفتراضى أطول لأنظمة التعليق قبل أن تحتاج لتغييرها طبعا ده غير الإهتمام بتصفيح أسفل السيارة.

[cementman]

كمان بتبقى العفشة انشف بكتير