قررت اكون ميجانوي و حجيب مستعمل يلا بقا الهمة يا شباب

[dr90]

انا حاليا بدور على رينو ميجان من 2005 ل 2009
مستعملة بحالة كويسة
و يا ريت لو لون اسود :)))))

يا ريت اللي اتعامل معاها قبل كدة يقول تجربته
بصراحة كلام الناس هنا عنها سبب رئيسي و كمان هيا مع واحد صاحبي بيشكر فيها جدا
او يعرف حد بيبيع يقولي

[bobo2009]

انا معايا 2005 العربيه ماشاء الله بس عايزة اهتمام زى اى عربيه

وقطع غيارها مش غاليه بالنسبه لامكانيتها

وربنا يوفقك

انا تحت امرك لو عوزت حاجه

[triton]

العربيه تحفه بس محتاجه اهتمام عشان هي بنت ناس مش وش بهدله .. وقطع غيارها متوفره جدا

[dr90]

اية يا رجالة فين الردود يالا عشان قربت اشتري

[yalahwy2010]

العربية ما شاء الله زى ما أغلب الناس بيقولوا ركوبة وبرستيج عالى
والمستعمل منها سعره كويس جدا
واللى بشترى مستعمل ما يخسرش كتير لما يبيع.....فا ما تقلقش من الريسيل.......
قطع الغيار متوفرة ورخيصة....وانا بالنسبالى ما بحبش التوكيل خالص....ومن رأى التوكيل ممكن يكرهك فى العربية,.,,,,,
ومش كل حاجة فى قطع الغيار لازم تشترى الاورجينال.....يعنى ممكن تشترى أسبانى زى تيل الفرامل والحاجت دى....وسعرها كويس جدا
والحرفيين مليانة.....أهم حاجة تعملها قبل ما تشترى.....تكشف عليها كويس....وبلاش تركز فى لون معين....عشان ما تزنقش نفسك فى عربية مش حلوة....المستعمل عيبه انه مش بتاع ألوان.....وبالتوفيق وابقى طمنا عليك

[د.محمود صلاح]

احسنت الإختيار ورحلة البحث ليست سهلة وتحلى بالصبر والتريث

[am79]

أهم حاجة تعملها قبل ما تشترى.....تكشف عليها كويس

يعني التوكيل هيجيبوا من الاخر هيبان لو فيها عيب من اي نوع
لان فيه توكيلات لسيارات تانيه للاسف وماركه جامده عندنا في مصر مش بتعرف وكله اي كلام

ولو راحت التوكيل واتعمل ليها تقرير كامل عن حالتها يتكلف كااااام

[yalahwy2010]

يعني التوكيل هيجيبوا من الاخر هيبان لو فيها عيب من اي نوع
لان فيه توكيلات لسيارات تانيه للاسف وماركه جامده عندنا في مصر مش بتعرف وكله اي كلام

ولو راحت التوكيل واتعمل ليها تقرير كامل عن حالتها يتكلف كااااام

هو اللى أعرفه انه فى كشف على ميكانيكا العربية تقريبا ب 200 جنيه...وفى كشف شامل على الكهربا والميكانيكا والعفشة وكله....يوصل ل 500 جنيه....
وما تنساش ان الميكانيكيون العرب برضه بيعمله الكشف ده....ومتهيألى أرخص...تقريبا ب 250 جنيه....الشامل....بس مش متاكد
هو لما انا اشتريت عربيتى....كان معاها تقرير عن حالتها.....يعنى مثلا كان مكتوب....الطنابير حالتها 50%.....علبة الدريكسيون فى البداية....تقريبا فى بداية البوظان....:)
تيل الفرامل الخلفى محتاج للتغيير....(خلصان)
كدة يعنى.....فا الكشف بيطمنك...ويحميك من أى حد يضحك عليك....وفى نفس الوقت العربية برضه بتبان من شكلها....بس هى زيادة تأكيد
فا مهم جدا الكشف عليها...ما تستخسرش المبلغ....وممكن تسأل فى الميكانيكيون العرب...هم كويسين
وبالتوفيق ان شاء الله

[gebreel]

هو اللى أعرفه انه فى كشف على ميكانيكا العربية تقريبا ب 200 جنيه...وفى كشف شامل على الكهربا والميكانيكا والعفشة وكله....يوصل ل 500 جنيه....
وما تنساش ان الميكانيكيون العرب برضه بيعمله الكشف ده....ومتهيألى أرخص...تقريبا ب 250 جنيه....الشامل....بس مش متاكد
هو لما انا اشتريت عربيتى....كان معاها تقرير عن حالتها.....يعنى مثلا كان مكتوب....الطنابير حالتها 50%.....علبة الدريكسيون فى البداية....تقريبا فى بداية البوظان....:)
تيل الفرامل الخلفى محتاج للتغيير....(خلصان)
كدة يعنى.....فا الكشف بيطمنك...ويحميك من أى حد يضحك عليك....وفى نفس الوقت العربية برضه بتبان من شكلها....بس هى زيادة تأكيد
فا مهم جدا الكشف عليها...ما تستخسرش المبلغ....وممكن تسأل فى الميكانيكيون العرب...هم كويسين
وبالتوفيق ان شاء الله

انا ماتعاملتش مع الميكانيكيون العرب خالص بس اعتقد اني كنت قريت في المنتدى هنا ان فيه واحد اشترى ميجان و كشف عليها هناك و قالولو العربية زي الفل و بتعمل صيانتها كلها هنا و بعد ما اشترى لقى ان العربية حالتها تعبانة قوي و محتاجة تغير حاجات كثير و طلع ان صاحب العربية كان مظبط مع حد جوة

فاعتقد التوكيل اضمن و 250 جنيه زيادة مش قصة قصاد راحة البال و الالوفات اللي هتندفع اللي اكيد حضرتك تعبان فيها

ده رأيي بصراحة

[أحمد كمال]

التوكيل برقبة الميكانيكيون العرب

[M_samir]

طبع الواحد قبل ما يشترى الميجان سمع عنها مافى الخمر لكن اخدت قرار واشتريت وماهمنيش كلام الناس خالص وبصراحة ماندمتش ع الاختيار ابدا معايا من شهر 10/2009 لحد دلوقتى عامل بيها 30 الف كيلو والعربية ماشاء الله
هو بس زى ما الوحوش قالو اكشف عليها قبل ماتشترى لان العربية دى بالذات لوطلع ملعوب فيها خصوصا فى الكهرباء هتتعبك
ثانيا الصيانة لازم فى ميعادها كل 10 الف يعنى كل 10 الف علشان العربية تمشى معاك تمام
وربنا يوفقك ان شاء الله
وبعد ما تشترى لينا عزومه

[am79]

طيب العربيه لو استيراد فرنسا وخالصه جمارك مويل 2008
دي هل بيكون ليها حق بالمتمتع بالضمانات زي مثلا 100 ألف علي الجير بوكس ؟

[Col. Eng. Khaled]

طيب العربيه لو استيراد فرنسا وخالصه جمارك مويل 2008
دي هل بيكون ليها حق بالمتمتع بالضمانات زي مثلا 100 ألف علي الجير بوكس ؟

لازم إللي يسجلها في ضمان رينو مصر إسم مالكها إللي إشتراها من فرنسا ، و إن شاء الله بتبقى زيها زي المباعة داخل مصر بنفس ضمان 3 سنوات أو 100 ألف كم أيهما أقرب ، ضمان

الفتيس 100 ألف كم غير محدد المدة .

بالتوفيق إن شاء الله .

[nomercy22]

اختيار موفق ان شاء الله

[am79]

لازم إللي يسجلها في ضمان رينو مصر إسم مالكها إللي إشتراها من فرنسا ، و إن شاء الله بتبقى زيها زي المباعة داخل مصر بنفس ضمان 3 سنوات أو 100 ألف كم أيهما أقرب ، ضمان

الفتيس 100 ألف كم غير محدد المدة .

بالتوفيق إن شاء الله .

يعني المفروض ان الكلام ده كان حصل اول ما العربيه وصلت من الخارج
ولو هو معملش كده معني كده ان العربيه مش ينفع يتعمل ليها ضمان ولا تتمتع بحقوق السيارات المحليه