بجد ... حاجة تغييييظ!

[meso76]

كان فى استطلاع رأى من حوالى 10 ايام على موقع contact cars عن اكثر السيارات تطورا ورواد الموقع اختاروا رينو من بين الماركات المذكورة فى الإستطلاع.
المهم راح واحد من الناس علق على الخبر وكتب "رينو ايه اللى قطع غيارها نار وفيها مشاكل كتيرة جدا فى الكهرباء".
انا من غيظى رديت على التعليق بتاعه وقلت ايه دخل اسعار قطع الغيار بموضوع الإستطلاع اللى هو بيتكلم عن التطور والتكنولوجيا الى فى العربيات!
ده لينك الموضوع والتعليق
ContactCars | &#34رينو&#34 الأكثر تطوراً بالعالم

وبعدين نفسى اعرف بالظبط ايه المشاكل الكتييييرة جدا اللى فى الكهرباء، اصل انا يظهر من حسن حظى انى بركب عربيات رينو من سبع سنين متواصلة (كليو ثم ميجان) وماقابلتنيش اى مشكلة فى الكهرباء!!

بالمناسبة واحد صاحبى فى الشغل كان معجب جدا بالفلوانس وكان على وشك يشتريها لولا تدخل بعض الزملاء اللى خوفوه منها وخصوصا من الوحش الكاسر اللى جوا عربيات رينو واللى اسمه "الكومبيوتر" (مع انى مش عارف ليه الوحش ده أليف جدا معايا)

موضع "الفتى" ده فعلا حاجة تغيظ!

[mostafabakry]

و لا تزعلش نفسك يا باشا
للأسف احنا كشعب بنعشق حاجة اسمها فتي و تخريف و تأليف
و اللي بيفكر بالطريقة دي و بياخد قراراته بناءا علي اشاعات و مجرد كلام ناس لا عندها خبره و لا معلومة حقيقية يبقي ما يستاهلش انه يركب رينو

[abasse]

و لا تزعلش نفسك يا باشا
للأسف احنا كشعب بنعشق حاجة اسمها فتي و تخريف و تأليف
و اللي بيفكر بالطريقة دي و بياخد قراراته بناءا علي اشاعات و مجرد كلام ناس لا عندها خبره و لا معلومة حقيقية يبقي ما يستاهلش انه يركب رينو

+1111111111111111111

[mahamedaraby]

احنا شعب حافظ مش فاهم هى دى المشكله

وقول لصاحبك اشترى لانسر بومه عربيه تنفعه