استفسار رينو ميجان

[ahmed1_com]

كنت عايز اعرف من وحوش رينو ايه اخبار العربيه الميجان

1- هو فى منها بانوراماهاى لاين وعاديه وكنت عايز اعرف البانوراما العاديه الى مفهاش مثبت سرعه بس استيب ترونيك تعمل كام

2- هو فى شكلين للميجان فى واحد من موديل 2005 وشكل تانى احدث شويه كنت عايز اعرف الشكل التانى ده من موديل كام وايه الاختلاف فى عن الشكل القديم

3- سعر السياره البانوراما العاديه الى هى ستيب ترونيك بس من غير مثبت سرعه تعملها حسب موديلاتها

4- كنت عايز اعرف دلوقتى مفيش ميجان جديد

5- وكنت عايز اعرف كمان مشكلة الكويل انا ملاحظ كله بيتكلم على مشكلة الكويل فا ياريت حد يعرفنى ايه المشكله دى وكنت عايز اعرف كل حاجه عن العربيه وقطع الغيار

6- وهل هى افضل ولا فورد فوكس ومستنى ردودكم سريعا وشكرا

[M0dY]

انا مش وحش من وحوش الميجان بس هجاوب على قد مقدر
1- هو فى منها بانوراماهاى لاين وعاديه وكنت عايز اعرف البانوراما العاديه الى مفهاش مثبت سرعه بس استيب ترونيك تعمل كام

كل البانوراما فيه مثبت سرعه و استيب ترونيك

2- هو فى شكلين للميجان فى واحد من موديل 2005 وشكل تانى احدث شويه كنت عايز اعرف الشكل التانى ده من موديل كام وايه الاختلاف فى عن الشكل القديم

الشكل اتغير من 2007 فوانيس و شبكه و اضائه الطابلوه

3- سعر السياره البانوراما العاديه الى هى ستيب ترونيك بس من غير مثبت سرعه تعملها حسب موديلاتها

2006 75000 2008 85000 تقريبا

4- كنت عايز اعرف دلوقتى مفيش ميجان جديد

الهاتشباك بس هى الى بتنزل ميجان السيدان بقى اسمها فلوينس

5- وكنت عايز اعرف كمان مشكلة الكويل انا ملاحظ كله بيتكلم على مشكلة الكويل فا ياريت حد يعرفنى ايه المشكله دى وكنت عايز اعرف كل حاجه عن العربيه وقطع الغيار

المشكله دى ظهرت فموديل 2005 و مش كل العربيات
بالنسبه لقطع الغيار الموضوع ده فيه كل حاجه عن الميجان http://www.nilemotors.net/Nile/24062-ii.html

6- وهل هى افضل ولا فورد فوكس ومستنى ردودكم سريعا وشكرا

مقدرش احكم معرفش اى حاجه عن الفوكس

[ahmed1_com]

مشكور جدا على ردك اصلى فى واحده 2008 بس نور التابلوه اورنج فا مش عارف دى بقى الشكل القديم ولا ايه مع انها 2008

[chato_eg]

مشكور جدا على ردك اصلى فى واحده 2008 بس نور التابلوه اورنج فا مش عارف دى بقى الشكل القديم ولا ايه مع انها 2008

تبقى العربية مش موديل 2008....بالكتير 2006 إلا إذا غير كل إضاءة النابلوه من اللون الأبيض إلى اللون البرتقالى...طيب عداد لفات الموتور و عداد السرعة..مين على الشمال و مين على اليمين ؟
و لما العربية بتدور..بتطلع رسالة تقول "Oil level OK " و لا "oil level correct " ؟؟

[ahmed1_com]

طب ياريت فعلا تفهمنى الحجات دى لانى انا لسه رايح اشوفها دلوقتى هو بيقلى 2008 بس الاصدار القديم فا معرفش يا ريت تفهمنى الحجات دى وهى بانوراما من غير مثبت سرعه وهى فرنساوى فا ياريت تفهمنى الفرق

[chato_eg]

مافيش حاجة اسمها 2008 الإصدار القديم
العربية حصلها بعض التعديلات فى النصف الثانى من عام 2006
منها الخارجية زى
شكل الفوانيس
الشبكة الأمامية
أشكال الجنوط و الطاسات
و منها الداخلى زى تبديل أماكن عداد السرعات و ال RPM (كان اللفات على اليمين و السرعة على الشمال و أصبح السرعة على اليمين و اللفات على الشمال )
لون إضاءة التابلوه (كان برتقالى و أصبح أبيض )
تيل الفرامل
البانوراما إللى من غير مثبت سرعة دى تبقى موديل 2005 تحديدا لإنه الموديل الوحيد إللى كان فيه العربيات البانوراما من غير ال Cruise Control
و بعدين لازم لازم تكشف على العربية فى التوكيل الكشف الشامل ب 550 جنيه...و هناك هتعرف أصلها و فصلها
علشان لو هى فيها مشاكل كهرباء على وجه الخصوص هتكلفك كتير و هتتعبك كمان علشان تتصلح...
بس عموما البداية مش مبشرة و لا تشجع على إنك تدفع ثمنها و لا حتى الكشف فى التوكيل.....
]دى صور أمامية وخلفية ل 2005



و دى لموديل النصف الثانى من 2006 و 2007 و 2008

[chato_eg]

بالمناسبة..أنا شفت عربيات متغير لها الاكصدامات و الفوانيس...بحيث إن العربية فعلا 2005 و 2006 و لكن شكلها الخارجى زى 2007 و 2008
بس طبعا ده ممكن يكون عامل حادثة ة بالمرة و هو بيغير قام معدل الشكل
نقطة كمان...فى 2005 و 2006 لم يكن هناك كلمة رينو مكتوبة على الشنطة..فقط اللوجو و كلمة ميجان

[Ahmed Selim]

طب ياريت فعلا تفهمنى الحجات دى لانى انا لسه رايح اشوفها دلوقتى هو بيقلى 2008 بس الاصدار القديم فا معرفش يا ريت تفهمنى الحجات دى وهى بانوراما من غير مثبت سرعه وهى فرنساوى فا ياريت تفهمنى الفرق

غالباً هتلاقى العربية دى موديل 2006 مترخصة فى 2008

يعنى كانت موديل سنة و شوية فاتو ساعة الشراء

أبتداء من 2007 هتلاقى أضاءة التابلوه لونها أبيض مش برتقالى
و هتلاقى عداد ال rpm على الشمال و السرعة على اليمين
و هتلاقى الشبكة و الفوانيس الأمامية زى دى بعدسات

[chato_eg]

لك وحشة يا كبير و الله :b4_007:

[TAMER2020]

متابع باهتمام
سبحان الله لسه انهارده واخد القرار النهائى انى اجيب ميجان 2008 تكون حاله كويسه فى حدود 85000

[Ahmed Selim]

لك وحشة يا كبير و الله :b4_007:

و أنت والله يا فنان :)

[ahmedmaklad]

لو العربية دي معمولها اعلان في كونتكت فالعربية دي معمولها اعلان من زمان جدا و اكيد في ناس كتير شافوها و كان نفس الشخص ده عامل اعلان على فولكس باسات فده تقريبا تاجر و بعدين ليه مش عارف حاسس ان في حاجة غلط مش عارف كان ترخيصها خلص يعني حاجات كده غريبة فيها

[ahmed1_com]

مشكورين يا وحوش انا رحت شفت العربيه والعربيه مطمنش خالص اولا هى الشكل الجديد بس التابلوه الاورانج والعربيه موديل 008 مستورده من فرنسا بس العربيه متبهدله جدا متحسش انها 2008 وهو بيقول فابريكه بالكامل بره وجوه ماعدا اكصدام ورفرف لكن العربيه فيها رش فى القايم كمان الموتور كله زيت وشكله كده غريب مش معقوله عربيه ماشيه 45 الف ويمون موتورها بالشكل ده كمان بيقول العفش عايزه تتظبط وعايزه مساعد يتغير العربيه لحقت تغير مساعد فى الوقت ده ومن جوه تحس انها متهانه شويهبعنى متتسريحش لعربيه خالص ويارتنى ما رحت شفتها حصلى كوارث وعملت حادثه بالعربيه بس خير الحمدلله وشكرا على اهتمامكم

[ahmedmaklad]

مشكورين يا وحوش انا رحت شفت العربيه والعربيه مطمنش خالص اولا هى الشكل الجديد بس التابلوه الاورانج والعربيه موديل 008 مستورده من فرنسا بس العربيه متبهدله جدا متحسش انها 2008 وهو بيقول فابريكه بالكامل بره وجوه ماعدا اكصدام ورفرف لكن العربيه فيها رش فى القايم كمان الموتور كله زيت وشكله كده غريب مش معقوله عربيه ماشيه 45 الف ويمون موتورها بالشكل ده كمان بيقول العفش عايزه تتظبط وعايزه مساعد يتغير العربيه لحقت تغير مساعد فى الوقت ده ومن جوه تحس انها متهانه شويهبعنى متتسريحش لعربيه خالص ويارتنى ما رحت شفتها حصلى كوارث وعملت حادثه بالعربيه بس خير الحمدلله وشكرا على اهتمامكم

مش عارف ليه قلبي كان حاسس:b4_556: يعني مفيش عربية بالكلام ده و السعر ده اللي بيبع ده مش اهبل و لو هي لقطة و مزنوق في فلوس ينزل اي معرض و هياخدها منه فوري لقطة بقى ربنا يستر بس و ما يعرفش يوقع حد فيها انا قلت تاجر لما كلمته في التليفون ما استريحتش و الاعلان نفسه ما يريحش
معلش بقى ضيف تقيل من عصابة الاوبل و بدور على ميجان عشان كه متابع اعلانتها ربنا يوفق ان شاء الله