مساعده من وحوش الميجان

[Hany Saad]

مشكور جدا وانا موضوع التكيف ده حقولو هو يعملوويدينى العربيه سليمه وباذن الله خير وهى ماشيه 58 الف وحالتها كويسه بس حضرتك قلقتنى فى موضوع التكيف

بس حضرتك موضوع ماشية كام ده مش مقياس لنظافة العربية حضرتك شوفت دفتر الصيانات بتاعها على الأقل فى 3 سنين اللى هما بتوع الضمان و بيكون ختم التوكيل موجود و هل عمل الصيانات اللى بعد الضمان فى التوكيل و لا لأ؟؟

خد بالك إن التكييف ساقع و سخن و عليك تجربة الدورتين و هل بيأثر على العربية (رجرجة أو سحب للكهرباء -ضعف الكشافات العالية مثلا لو شغلت التكييف- أى صوت غريب)

جرب الكاسيت خصوصا الcd و جرب فتحة السقف و شوف بتفتح و تقفل بسهولة و لا لأ و هل فى أى صوت تزييق و هى ماشية فى المجرى بتاعها و هل بتصل للأخر و لا لأ؟

جرب مساعدين الشنطة
جرب مساعدين العربية الأربعة عن طريق الضغط على أطراف العربية الأربعة ثم تركها مرة واحدة إذا طلعت بشويش يبقى كويسيين أما لو طلعت بسرعة و نزلت تانى تبقى بايظة.

خد بالك جنوط موديل 2005 كانت بتتعوج من المطبات الجامدة فتأكد من عدم وجود لحامات بها أو تعوييج و يا ريت تجربها على سرعة عالية علشان تكشفلك عيوب كتير بعفشة العربية.

فى حاجات كتير لازم تتفحص مش قادر أحصرهالك دلوقتى لكنى مازلت بنصحك بكشف التوكيل.

ربنا يوفقك إن شاء الله.

[ahmed1_com]

ما المشكله انى عربنت من غير ما اكشف فا مبنفعش ارجع اقوله اكشف هو الموضوع الوحيد هو الى اقدر اتكلم معاه موضوع التكيف فا ياريت لو تقدر تنصحنى باى حاجه فتحة السقف شغاله كويب بتفتح وتقفل بس بتفتح للاخر ازاى اصلها حته صغيره الى جوه ولما بتفتح من بره برده مش حته كبيره قوى وكمان ياريت تقدر تقولى ايه الى ممكن يبوظ فى التكيف غير الكمبروسور والحجات دى ايه الحاجه البسيطه الى تبوظ فى التكيف وبجد تعتبتك معايا ومشكور جدا

[Hany Saad]

ما المشكله انى عربنت من غير ما اكشف فا مبنفعش ارجع اقوله اكشف هو الموضوع الوحيد هو الى اقدر اتكلم معاه موضوع التكيف فا ياريت لو تقدر تنصحنى باى حاجه فتحة السقف شغاله كويب بتفتح وتقفل بس بتفتح للاخر ازاى اصلها حته صغيره الى جوه ولما بتفتح من بره برده مش حته كبيره قوى وكمان ياريت تقدر تقولى ايه الى ممكن يبوظ فى التكيف غير الكمبروسور والحجات دى ايه الحاجه البسيطه الى تبوظ فى التكيف وبجد تعتبتك معايا ومشكور جدا

مفيش تعب و لا حاجة بس أصل الميجان بالذات بتبقى صعبة لو ملعوب فيها أو اللى كان سايقها مهمل و مش فاهم فيها و بيصلحها عند أى ميكانيكى تحت البيت.

بالنسبة للتكييف هو شغال و المروحة شغالة و الشاشة شغالة و مفيش تسقيع و لا فيه مشكلة تانية علشان أقدر أساعدك.

هل التسخين شغال و لا برده لأ ؟

لاحظ ال rpm لما تدوس زرار التكييف هل فيه تغيير ولا لأ ؟

منتظر إجاباتك...

على فكرة موضوع الكشف بعد دفع العربون ميزعلش إنت مش بتشترى سندوتش معجبكش مش مشكلة مش هتشتريه تانى دى عربية بكذا ألف و المفروض هتقعد بيها شوية و المفروض تعرف كل اللى فيها قبل الشراء و ديه حاجة متزعلش.

[ahmed1_com]

موضوع التكيف انا شغلته بس مكنش فى حاجه بتطلع من فتحات التكيف بس الشاشه بتاعت التكيف كانت شغاله وكنت بنقص وعلى درجة الحرارة بس مكنش فى حاجه وكمان انا مخدش بالى من rpm فا ياربت تشرحلى موضوع اrpm ومجربتش اسخن برده وكمان موضوع لكشف انا و كشفت اكشف فى بنزينه وكده ولا اكشف فى مركز صيانه لرينو ولا فى التوكيل بس هو شكله مكنش بيصين فى التوكي

[Hany Saad]

موضوع التكيف انا شغلته بس مكنش فى حاجه بتطلع من فتحات التكيف بس الشاشه بتاعت التكيف كانت شغاله وكنت بنقص وعلى درجة الحرارة بس مكنش فى حاجه وكمان موضوع لكشف انا و كشفت اكشف فى بنزينه وكده ولا اكشف فى مركز صيانه لرينو ولا فى التوكيل بس هو شكله مكنش بيصين فى التوكيل

الزميل العزيز من الواضح أن العربية دى فيها إنه...

الميجان لو معملتلهاش صيانة فى التوكيل بتتبهدل بيها بعد كده

واحد بايع عربية عامله 58000 كيلو موديل 2005 لازم حالة العربية تبقى فورة و الصيانة فى التوكيل و الكتالوجات فى مكانها و على الأقل صيانات ال3 سنين بتوع الضمان معمولة كلها مع فواتيرها.

طيب فكرت تبص على الإستبن شكله إيه....

على فكرة سهل جدا عداد الكيلو متر يتلعب فيه مش ده أبدا المقياس.

إنت عندك مرايات لوحدهم ب 5000 جنيه و التكييف ممكن يخش فى الشىء الفلانى ده غير بأه مفاجات الميجان الجميلة لو إنك مصلحها بره التوكيل و دم قلبك اللى ممكن تصرفوا عليها.

أصلا موديل 2005 كان أكتر موديل فيه مشاكل و حكاية مقاومة التكييف و فيوز المرايات و كود الكاسيت كلها علامات مطمنش خالص!!!!!!!!!!!!

لو العربية دى حاسس إنها لقطه خدها التوكيل و التوكيل فقط و أطلب فحص شامل ب 500 جنيه و أسأل عن تكاليف صيانة التكييف و المرايات و شلهم من تمن الشراء و ده حقك... المفروض يسلمك عربية سليمة أو يخصم تمن الإصلاحات.

نصييييييييحححححة أخيرة متشتريش ميجان ملعوب فيها بره التوكيل... كهربتها كتير و شغلها بالكمبيوتر و الفتاوى بره التوكيل بتودى فى داهية.

و ربنا يوفقك لما فيه الخير.

[ahmed1_com]

مشكور جدا وانا ححاول اكشف عليها بس مش عارف اقولو ايه ححاول معاه هو قالى خد ارفعها فى اى حته اخويا عم ناصح والعربيه ضيفه ولسه جديده فحشوف كده تانى معاه وحبقى اقولك عى الاخبار وهل فى عربيات بيبقى ادواخل لونها فارق عن الخوارج شويه

[Hany Saad]

مشكور جدا وانا ححاول اكشف عليها بس مش عارف اقولو ايه ححاول معاه هو قالى خد ارفعها فى اى حته اخويا عم ناصح والعربيه ضيفه ولسه جديده فحشوف كده تانى معاه وحبقى اقولك عى الاخبار وهل فى عربيات بيبقى ادواخل لونها فارق عن الخوارج شويه

منتظر اخبارك لو عرفت حاجة....

دهان و صاج الميجان من الحاجات النظيفة جدا جدا

من المستحيل إختلاف لون الدواخل عن الخوارج فى الميجان بالذات و ده عن ثقة لأن الدهان عليه ضمان 10 سنين ضد عيوب الصناعة أو الصدأ.

[ahmed1_com]

لا هو انا سالت قالولى فى عربيات زيرو بتبقى نازله الون ادواخل بتعها فارق عن الخوراج بتبقى نزله كده وكمان انا اسمع اميجان صعب انك تلعب فى عداد الكيلو متر

[Hany Saad]

لا هو انا سالت قالولى فى عربيات زيرو بتبقى نازله الون ادواخل بتعها فارق عن الخوراج بتبقى نزله كده وكمان انا اسمع اميجان صعب انك تلعب فى عداد الكيلو متر

سألت ناس و لا سألت مهندس السمكرة و الدهان فى التوكيل تفرق كتير.....

كل العدادات الديجيتال بيتلعب فيها زيها زي العادى بيعملولها حاجة إسمها فلاشينج فبيطلع أى رقم عشوائى على العداد و بيقعد يحاول كذا مرة لغاية لما رقم كويس يطلعله بيوقف على كده..

على العموم عن طريق كمبيوتر التوكيل بيقدر يعرف العربية عاملة كام بالضبط.....

[didomotors]

اسهل حاجة فى الدنيا انك تلعبفى عداد الكيلومتر
بيتغير باى عداد استيراد فى اقل من5 دقايق

[ahmed1_com]

سؤال اخير عشان انا قلقت جدا فى واحد انهارده كان معاه ميجان 2005 ستيب ترونيك بيقل فيها عيب فى الفتيس وعمله فى التوكيل ورجعت باظت بع شهرين وكمان فيها عيب فى التكيف بيبوظ علطول فا ياترى الكلام ه حقيقى فى الميجان 2005 فا ياريت اعرف منكم فعلا فيها عيوب ولا ده حاله فرديه ومشكورين جدا على الاهتمام

[Ahmed Selim]

سؤال اخير عشان انا قلقت جدا فى واحد انهارده كان معاه ميجان 2005 ستيب ترونيك بيقل فيها عيب فى الفتيس وعمله فى التوكيل ورجعت باظت بع شهرين وكمان فيها عيب فى التكيف بيبوظ علطول فا ياترى الكلام ه حقيقى فى الميجان 2005 فا ياريت اعرف منكم فعلا فيها عيوب ولا ده حاله فرديه ومشكورين جدا على الاهتمام

حالة فردية

بس حالة العربية اللى انت بتقول عليها دى تقلق

لازم كشف فى التوكيل خصوصاً أن مفيش حاجة أسمها العربية نازلة من المصنع و فيها فرق لون برة عن جوة........دى ممكن تطلع عاملة حادثة كبيرة و متظبطة برة التوكيل

سؤال أخير سعرها كام ؟؟؟؟؟

[Hany Saad]

حالة فردية

بس حالة العربية اللى انت بتقول عليها دى تقلق

لازم كشف فى التوكيل خصوصاً أن مفيش حاجة أسمها العربية نازلة من المصنع و فيها فرق لون برة عن جوة........دى ممكن تطلع عاملة حادثة كبيرة و متظبطة برة التوكيل

سؤال أخير سعرها كام ؟؟؟؟؟

أنا كمان مع حضرتك... العربية دى شكلها مقلوبة و رشة جوه و بره و رايحه فى داهية.

أنا لم أسمع فى حياتى عن سيارة دواخلها فارقه عن خوارجها لا فى الميجان و لا فى أى سيارة أخرى إلا إلى عمله حادثه موت.

يعنى حضرتك هما بيرشوا جوا لون و بعدين يرشوا بره لون تانى (حاجة ما تخشش العقل طبعا).

بص من الأخر خد الراجل صاحب العربية معاك فى الكشف فى التوكيل و لو طلعت العربية معكوك فيها و إنتا واقف قول له هات فلوس العربون و سيبك من العربية دى خالص.

العربيات النظيفة بيبان عليها و بصراحة العربية دى مقلقة جدا.

[ahmed1_com]

مشكورين جدا وانا رايح بكره بس هو لون الدواخل مش فارق عن الخوارج هو مدى على بنفسجى بس العربيه كانت متوسخه اوى من بره اكنها بقلها سنه متغسلتش فا اون كان فارق من جوه لكن هى كصاج كويسه نا كل خوفى بس من شغل اعفشه والكهرباء ولميكانيكا السعر هو كان بيتكلم فى 70 بس انا نزلت الفين عشان الشغل الى فيها بس بس كنت عايز اتاكد من حاجه موديلات 2005 و 2004 اسمع فيهم عيوب فا ياريت اعرف ايه اعيب والناس عناله تقلقنى من الفتيس

[abasse]

العيب الى كان فى الفتيس بيتعمل بسوفت وير وهو عبارة عن نتشه فى الفتيس بس مسمعتش أنه بيرجع تانى
( بس بصراحة العربية الى معاك ديه مقلقه جامد أكشف فى التوكيل كشف دقيق لان حاجتها مش رخيصة لو طلعت بايظة فكك منه علطول )