الtrade in داخل توكيل رينو

[Hany Saad]

أعضاء المنتدى الأعزاء

حبيت أشارككم بموضوع الTrade In فى توكيل رينو و هو أن تكون سيارتك الرينو القديمة مقدمة لسيارة رينو جديدة ثم دفع الفرق نقدا أو بالتقسيط.

أعتقد هو موضوع ظريف للأشخاص اللى مابتحبش تتعامل مع التجار فى السوق أو الأشخاص اللى بيحبوا يغيروا عربياتهم سريعا دون الحاجة للإنتظار.

طبعا سعر التوكيل فى الشراء هيكون أقل شوية من لو بعتها لشخص لكن الميزة فى سرعة البيع و طبعا لو الصيانات معمولة عندهم بيكون البيع أسهل.

الميزة الظريفة فى الموضوع أن الناس اللى مش بتحب تركب زيرو و بتفضل كسر الزيرو أو اللى عايز يشترى مستعمل نظيف ممكن يدور فى التوكيل أو على الأقل يسيب رقم تليفونه و هما لما يلاقوا حاجه يكلموه.

منتظر مشاركتكم و أرائكم لكى يستفيد الجميع.

[blazer]

لسه انهارده متصل بتوكيل رينو قالولى معندناش اى ميجان 2 مستعمله للبيع وقالى معرفش اذا كان هتجى عربيات ولا لا

[Hany Saad]

لسه انهارده متصل بتوكيل رينو قالولى معندناش اى ميجان 2 مستعمله للبيع وقالى معرفش اذا كان هتجى عربيات ولا لا

حاليا فيه إقبال كبير على الميجان المستعمل خصوصا لو الحالة نظيفة نظرا لإمكانيات العربية بالنسبة لسعر بيعها.

إنتظر قليلا حتى يبدأ حاجزى الفلوانس فى الإستلام تقريبا على شهر 6 لأن كتير منهم بيجددوا من الميجان فهتلاقى المعروض كتير علشان هما بيبيعوا و يدفعوا الفرق.

[د.محمود صلاح]

منذ سنتين وأثناء بحثي عن الميجان كلمت التوكيل وقالوا لا يوجد معروض مستعمل ولكن عندهم الفكرة دي مطبقة بالفعل

[Imhotep]

اوبشن ممتاز طبعا للى مبيحبش وجع الدماغ بتاع البيع و الشراء..... عقبال ما توكيل دايهاتسو يعمل كده هو كمان

[Hany Saad]

هو جمال الفكرة فى بيع سيارتك الرينو القديمة لو إنت مستعجل و عايز تجدد من رينو برده بدون تضييع وقت من غير عربية.

كل اللى عليك تعملوا إنك تروح تتمن عربيتك فى مركز الخدمة عند المهندس المسئول و الرقم اللى هيقوله بيتكتب كمقدمة للسيارة الجديدة ثم عليك أن تقرر الباقى كاش أو تقسيط و تستلم سيارتك الجديدة فورا.

[blazer]

حاليا فيه إقبال كبير على الميجان المستعمل خصوصا لو الحالة نظيفة نظرا لإمكانيات العربية بالنسبة لسعر بيعها.

إنتظر قليلا حتى يبدأ حاجزى الفلوانس فى الإستلام تقريبا على شهر 6 لأن كتير منهم بيجددوا من الميجان فهتلاقى المعروض كتير علشان هما بيبيعوا و يدفعوا الفرق.

شكرا لحضرتك على المعلومه
هو ينفع اديلهم رقمى و يتصلو بى لما يجي ليهم عربيات ؟

[hishammb]

انا راي بلاش
انا كان معايا كليو ٢٠٠٢ التوكيل قدرهالي ب ٣٦ الف و انا بعتها بره ب ٤٠ الف
اعتقد الفرق يستاهل انك تتعب شويه

[nomercy22]

والله حاجه ممتازه جدا

[Hany Saad]

انا راي بلاش
انا كان معايا كليو ٢٠٠٢ التوكيل قدرهالي ب ٣٦ الف و انا بعتها بره ب ٤٠ الف
اعتقد الفرق يستاهل انك تتعب شويه

أنا مع حضرتك تماما، لو بعت العربية بنفسك غالبا هتقدر تزود على السعر من 3-5 ألاف جنيه. لكن الفكرة ده معمولة للأشخاص اللى متقدرش تعد من غير عربية يوم واحد أو بمعنى أخر عايزة تركب علطول الجديد متنساش إن بيع الرينو مش زى الهيونداى مثلا، تقيله شوية فى بيعها.

أنا بعتبر الفكرة دى زى فكرة اللى بيدفع أكترمن ثمن العربية فى معارض السيارات علشان ميستناش إستلام التوكيل بعد شهور و يركب على طول فبيدفع أزيد على تمن العربية من 3-5 ألاف جنيه علشان يستلم فورى.

[mah_khourshid]

دي حاجه جميله جدا بس المفروض والله اعلم اني انا الاقول انا عايز فيها كام علي حسب سعر السوق مش هو اليحدد
بس انا معجب بالفكره جدا ومن مقيديها
ولو بعمل صيانه دوريه عندهم يبقي المفروض يراعو ويخدوها بسعر عالي عاشان كده العربيه تعتبر بنتهم
شكرا

[Hany Saad]

شكرا لحضرتك على المعلومه
هو ينفع اديلهم رقمى و يتصلو بى لما يجي ليهم عربيات ؟

ينفع طبعا بس عليك تتابع معاهم كل شوية علشان مينسوش و يا سلام لو عرفت أسم واحد من المبيعات علشان دايما تسأله على الموضوع بس زى ما قلت لحضرتك حاليا الميجان مطلوبة جدا و مفيش نظيف كتير معروض لكن بعد تسليمات الفلوانس هتلاقى العرض زاد.

أنا كنت بحكى مع واحد من المبيعات عن عربيتى و لو بيعتها تجيب كام و كده لما شفها كان نفسه ياخدها و قالى إن عنده مشتريين كتير ليها.

[Hany Saad]

دي حاجه جميله جدا بس المفروض والله اعلم اني انا الاقول انا عايز فيها كام علي حسب سعر السوق مش هو اليحدد
بس انا معجب بالفكره جدا ومن مقيديها
ولو بعمل صيانه دوريه عندهم يبقي المفروض يراعو ويخدوها بسعر عالي عاشان كده العربيه تعتبر بنتهم
شكرا

بس حضرتك مشكلة الرينو إنك لو بعتها لتاجر هيخسف بتمنها الأرض علشان السوق الضايع بتعنا غير مثلا الفيرنا أو اللانوس بتقول السعر اللى أنت عايزه و حاتت رجل على رجل.

لكن لو بعتها لواحد عايز يركب رينو هنا ممكن تسمع أسعار كويسه لكن نسبة هؤلاء الأشخاص قليلة.

التوكيل لازم يقلل فى السعر لأنه يعتبر وسيط أو سمسار و هيبيع عربيتك مرة أخرى فلازم يكون سعر بيعه منافس علشان يعرف يحرك العربية بسرعة + لازم يكسب من الطرفين على عملية الوساطة أو السمسرة متنساش إنك بتأخد فلوسك كاش من مكان محترم.

طبعا بصفة إن العربية بنتهم و حضرتك عامل الصيانات عندهم ده بيخلي بيعها عندهم سلس جدا و السعر بالنسبة لسعرهم من الأسعار العالية.

[mah_khourshid]

بس حضرتك مشكلة الرينو إنك لو بعتها لتاجر هيخسف بتمنها الأرض علشان السوق الضايع بتعنا غير مثلا الفيرنا أو اللانوس بتقول السعر اللى أنت عايزه و حاتت رجل على رجل.

لكن لو بعتها لواحد عايز يركب رينو هنا ممكن تسمع أسعار كويسه لكن نسبة هؤلاء الأشخاص قليلة.

التوكيل لازم يقلل فى السعر لأنه يعتبر وسيط أو سمسار و هيبيع عربيتك مرة أخرى فلازم يكون سعر بيعه منافس علشان يعرف يحرك العربية بسرعة + لازم يكسب من الطرفين على عملية الوساطة أو السمسرة متنساش إنك بتأخد فلوسك كاش من مكان محترم.

طبعا بصفة إن العربية بنتهم و حضرتك عامل الصيانات عندهم ده بيخلي بيعها عندهم سلس جدا و السعر بالنسبة لسعرهم من الأسعار العالية.

شكرا جدا علي سرعه الرد ياباشا

[Hany Saad]

شكرا جدا علي سرعه الرد ياباشا

لا شكر على واجب و مشكور جدا على مشاركتك.