أنتشار الفلوانس

[elmadawy]

النهارده يا جماعه كنت في القاهرة في مشوار عند الاهل وقالت انزل منطقة مصر الجديدة وغير المتوقع ان اشوف الفلوانس ماشية علي الارض بصراحه عربية شيك جدا وهي ماشية علي الطريق غير لما الواحد شافها في المعرض يا جماعة ولم اشاهدها مرة واحدة لكن كانت مرتين وكنت سعيد جدا ان الناس مش خايفة من حاجه وال عايز العربية مش بيسمع الكلام الغير صحيح عن اي مشاكل كانت حدثت مع اي موديل لرينو من قبل
واثنا السفر ايضا علي الطريق الصحراوي فؤجئت ايضا بالوحش الفلوانس وكنت بحاول امشي خلف العربية علشان اشوف ارتفاع العربية من الخلف وبصراحه العربية عالية من الارض مثل باقي السيارات الاخري وكان صاحب العربية بيجري جري جامد اوي وانشاء الله الواحد يستلم ويفرح زي باقي اصاحب الفلوانس ونستمتع بالعربية ان شاء الله

[Col. Eng. Khaled]

إن شاء الله تستلم على خير في أقرب وقت و تستمتع بيها في الخير

لما تنزل مصر الجديدة تاني يا ريت تشرفني برؤية حضرتك

[AirForces]

العربية دى خيااال ربنا يحفظها لأصحابها

[elmadawy]

إن شاء الله تستلم على خير في أقرب وقت و تستمتع بيها في الخير

لما تنزل مصر الجديدة تاني يا ريت تشرفني برؤية حضرتك

ان شاء الله لما انزل القاهرة مافيش مانع نتقابل ونتعرف علي بعض وليه الشرف

[zkralla]

خلاص يا باشا الشعب ابتدا يغير رأيه عن رينو 180 درجه
أن شاء الله تستلم على خير وربنا يباركلك فيها

[wal]

اصلا انت لو مشيت ورا كلام الناس يبقى عمرك ما هتركب عربية محترمة انا شايف ان كل واحد يشوف السيارة اللى مقتنع بيها ويجبها على حسب امكانياته لان الناس بتتكلم كلام عشوائى بدون خبرة وغير مستند الى اى دليل يعنى مثلا انا كنت هاجيب فورد فوكاس قبل الفلوينس ولما سألت احد اصدقائى عليها قعد يقولى دى عربية تعبانة حد يركب العربية دى وقعد يشتم فيها لغايت لما شفها بالصدفة فى معرض سيارات فى مدينة نصر والله العظيم اتوهم بالسيارة وقالى دى جامدة جدا دى عربية ملهاش حل انت لازم تجيبها على طول وماتفكرش فى اى حاجة تانية- شفت بقى قمة (التناقض) فى الرأى وطبعا غير الناس اللى كانت بتفرسنى وبتحسسنى بقمة الجهل يعنى اقولوهم فورد فوكس يقولولى لأ هات لانسر احسن بصراحة ببقى عايز اديلهم باى حاجة فى دماغهم وطبعا قيس على كدة لوكنت سألت على الرينو ومواقف كتير كمان اكدتلى ان الناس بتقول اى كلام وخلاص علشان لازم تقول رأيها بالعافية ومن النادر جدا انك تلاقى حد بيفهم بجد

[د.محمود صلاح]

سعرها حلو وهتعمل شغل جامد مستقبلا ان شاء الله

[bukla]

انا شوفتها مرة واحدة بس ماشية على الكورنيش ناحية الفور سيزون و بما انى بقيت خبير فيها من قبل ما استلمها بمجرد نظرة عرفت علطول انها الفئة اللى 125000 المهم جريت وراة لحد ما حصلتة و قعدت اجى مرة من يمينة و بعدين اهدى و اجى من وراة وبعدين اجرى اسبقة و اطلع قدامة و بعدين اهدى و اجى شمالة لدرجة ان الراجل لاحظ و شكلة استغرب واكيد كان بيقول لنفسة بيعمل اية دة فعلا العربية جميلة و كبيرة قوى و تحس انها ليها هيبة كدة و كمان شكلها فى الشارع مختلف خالص عن ما تشوفها فى المعرض
ربنا يوفقنا جميعا و نستلم عن قريب ان شاء الله و يكفينا شرها و يعطينا من خيرها

[mah_khourshid]

اصلا انت لو مشيت ورا كلام الناس يبقى عمرك ما هتركب عربية محترمة انا شايف ان كل واحد يشوف السيارة اللى مقتنع بيها ويجبها على حسب امكانياته لان الناس بتتكلم كلام عشوائى بدون خبرة وغير مستند الى اى دليل يعنى مثلا انا كنت هاجيب فورد فوكاس قبل الفلوينس ولما سألت احد اصدقائى عليها قعد يقولى دى عربية تعبانة حد يركب العربية دى وقعد يشتم فيها لغايت لما شفها بالصدفة فى معرض سيارات فى مدينة نصر والله العظيم اتوهم بالسيارة وقالى دى جامدة جدا دى عربية ملهاش حل انت لازم تجيبها على طول وماتفكرش فى اى حاجة تانية- شفت بقى قمة (التناقض) فى الرأى وطبعا غير الناس اللى كانت بتفرسنى وبتحسسنى بقمة الجهل يعنى اقولوهم فورد فوكس يقولولى لأ هات لانسر احسن بصراحة ببقى عايز اديلهم باى حاجة فى دماغهم وطبعا قيس على كدة لوكنت سألت على الرينو ومواقف كتير كمان اكدتلى ان الناس بتقول اى كلام وخلاص علشان لازم تقول رأيها بالعافية ومن النادر جدا انك تلاقى حد بيفهم بجد

بمناسبه كلامك ياستاذ wal انا سمعت كلام كتييير موت عن مشاكل الميجان لحد مركبت الفلونس وسقتها طبعا غيرت رائي تماما واقتنعت بيها جدا عربيه فوق الوهميه

وامبارح كان صاحب مكتب ايجار العربيات الشركه البشتغل فيها كان معايا في العربيه وانا مروح المهم جت سيره الرينو لان السواق كان عارف اني بعت السيراتو وان شاء الله هجيب الصاروخ الفلونس فكان رائيه انه جاب قبل كده للشغل رينو ميجان 2008 هاي لاين وكان كل 4 شهور يروح يربط عفشه وقلي برده علي حاجه اسمها اسكترا برده غيرها وقلي دي حاجه مشهوره في المبجان السبب الرئيسي ان الطريق للشغل كل يوم مكسر ومطبات بالهبل بس هو قارنها ببقيت العربيات العنده التويوتا2008 -2009 (خليجي بيقول ممتازه) و ال A5
بس مقلتله اني سقتها وعجباني قالي متسبش حاجه انت مقتنع بيها مدام حبتها اتكل علي الله وهيا شركه رينو مش عبيطه انها تكرر مشاكلها (بس هو كان قصده ان العربيات الفرنساوي متنفعش في مصر) هو شايف انها فخمه جدا بس مش حماله قاسيه

رائي ان الفلونس عربيه جباره

[woOdy]

انا شفت في مدينه نصر ما يقارب 10 فلوانس بالألوان بتاعتهم وي ميجان 3 لونها اسود او بترولي مش مجمع اللون قوي عشان كان بليل ... وي من اسبوع شفت فيراري جديدة إلى هيا فوانسها من الخلف دائريه ...... واسكاي لاين ال 2010 بشوفها في الزمالك على طول ...بيجيبو العربيات دي ليه هنا مش عارف