Park Sensor for Renault Megane

[Megane]

السلام عليكم
سمعت كتير عن البارك سنسر ولكن الموجود لونة إسود أى عند تركيبة فى السيارة هيخلى شكل الإكصدام وحش جدا. ساعدونى يا جماعة فى منة ألوان و لا كل الموجود إسود و بيتباع فين و بكام و سمعت إن موجود منة بكاميرة تظهر الصورة على مرأة الصالون ؟؟؟؟؟؟؟؟

[معتز]

عليك وعلى التوكيل.واللون الاسود مش وحش ...لون عربيتك ايه........اعتقد كل الالوان تمشى معها.........وكفاية بنظام الصوتى ...خاصة لو هتركب الشاشة خارج الداش بورد او التابلوه...........الصوت لوحدة فعال .والف مبروك.وبقى احكى لينا عن الميجان 2008 .........

[Megane]

عليك وعلى التوكيل.واللون الاسود مش وحش ...لون عربيتك ايه........اعتقد كل الالوان تمشى معها.........وكفاية بنظام الصوتى ...خاصة لو هتركب الشاشة خارج الداش بورد او التابلوه...........الصوت لوحدة فعال .والف مبروك.وبقى احكى لينا عن الميجان 2008 .........

اللون ذهبى بس خد بالك الميجان 2008 الإكصدام بلون السيارة .
و بالنسبة للعربية أنا لسة معملتش غير 2000 كم لكن هية ممتازة و الأبشن ممكن تشوفة على (معلومات عن سيارات مالكى رينو) فى قسم رينو .

[Megane]

أستاذ معتز السلام عليكم

فيما يلى كل الأبشن الموجودة فى الميجان 2008 و الفروق بينها و بين 2007 باللون الاصفر.


ناقل الحركة:

* مانيوال و أتوماتيك (ستبترونيك).

تجهيزات التشغيل:

** راديو CD و MP3 مع ستة سماعات فى الخلف و الأمام.
* مرايات الرؤية الجانبية يمكن تعديل و ضعها كهربائيا.
* عدد 4 زجاج كهربائى بلمسة واحدة (اتوماتيك).
** إمكانية فتح صندوق الأمتعة بإستخدام الريموت.
* إضاءة امامية و خلفية لحيز الركاب و خاصية تأخير و خفوت غلق الأنوار.
* إمكانية التحكم فى مستوى إضاءة لوحة العدادات.
** تكييف هواء أتوماتيك مع شاشة عرض.
* كارت لتشغيل وفتح السيارة بدلا من المفتاح.
* باور استيرينج كهربائى حساس لتغير السرعة.
** مثبت سرعة و محدد سرعة (التحكم عن طريق عجلة القيادة).
* سنترلوك و تقوم السيارة بغلق نفسها فى حالة تركها مفتوحها لمدة 10 ثوان و فى حالة زيادة سرعة السيارة عن 10 كم .
* ستائر جانبية و خلفية.

تجهيزات السلامة:

* 6 وساءد هوائية.
* نظام الفرامل المضادة للانغلاق (ABS).
* نظام التحكم فى توزيع قوة الفرامل اليكترونيا (EBD).
* عدد 5 مساند رأس.
* عدد 5 أحزمة أمان ثلاثية التثبيت مع محددات لقوة شد الأحزمة فى المقاعد الطرفية.
* تجهيز لتركيب مقاعد الأطفال بنظام ISOFIX.
* نظام ايمبيليزر للحماية ضد السطو و السرقة.
** مصابيح للضباب فى الخلف و الأمام.
* سينسور للإضاءة.
* سينسور لمساحات زجاج.
** الإضاءة الزكية (يمكنك عند ركن السيارة ليلا تبقى الأضواء الامامية تعمل لمدة دقيقتين لتهتدى بها عند تركك السيارة.

التجهيزات الخارجية:

** عدد 4 جنوط اسبور مقاس 16" مع إطارات ميشلان مقاس205/55.
** مقابض الابواب الخارجية و الداخلية من الكروم.
** الإكصدامات مطلية بلون السيارة.
** زجاج السيارة عازل للحرارة و مظلل باللون الأخضر.
* تصفيح السيارة بالكامل من الأسفل.

التجهيزات الداخلية:

* أماكن تخزين كثيرة تصل الى 12 مكان.
** تطعيمات التابلوة من بلون رمادى.
** درج التابلوة مزود بتبريد من التكييف
** عجلةالقيادة مكسوة بالجلد.
** فرش المقاعد و تنجيد الأبواب من النسيج الفاخر.
* لتحكم فى الـCD و MP3 من عجلة القيادة.
* التحكم فى أرتفاع لمض الكشاف الامامى.
* شاشة معلومات توضح (درجة الحرارة - الـ CD و MP3 و الراديو).

كميبوتر معلومات يوضح الأتى:

* متوسط إستهلاك البنزين.
* إجمالى إستهلاك البنزين.
* متوسط السرعة .
* عداد رحلات .
* أعطال السيارة.
* ميعاد الصيانة.
* توضيح فى الشاشة حالة فتح الأبواب أو الشنطة أو غطاء المحرك مع الصوت.

[Ahmed Selim]

السلام عليكم
سمعت كتير عن البارك سنسر ولكن الموجود لونة إسود أى عند تركيبة فى السيارة هيخلى شكل الإكصدام وحش جدا. ساعدونى يا جماعة فى منة ألوان و لا كل الموجود إسود و بيتباع فين و بكام و سمعت إن موجود منة بكاميرة تظهر الصورة على مرأة الصالون ؟؟؟؟؟؟؟؟

باشا

عليك و على التوكيل بس هتدفع كتير... أعتقد كان فى حدود 2000 جنيه بالتركيب

و ممكن تدور عند أرابكوم أو عند اى حد تانى وانت و حظك

أنا شوفت اللى بيركب على المراية عند واحد بس ( ابلينس Appliance ) فى سيتى ستارز فى الدور الأرضى بس فيه مراية بتركب على المراية الأصلية و شكلها معجبنيش بصراحة.

أنا مركب واحد جبته من برة بشاشة صغيرة مركبها فوق مرايىة العربية وشكلها ظريف والسلك بتاعها مش باين
ركبتها عند أدريان مصر الجديدة كل سنسور ب 25 جنيه حسب منا فاكر لأن الكلام ده كان من سنة ونص تقريباً

متنساش تقولنا عملت أيه؟

[Megane]

[quote=Ahmed A.Maksoud;148229]

باشا

عليك و على التوكيل بس هتدفع كتير... أعتقد كان فى حدود 2000 جنيه بالتركيب

و ممكن تدور عند أرابكوم أو عند اى حد تانى وانت و حظك

أنا شوفت اللى بيركب على المراية عند واحد بس ( ابلينس Appliance ) فى سيتى ستارز فى الدور الأرضى بس فيه مراية بتركب على المراية الأصلية و شكلها معجبنيش بصراحة.

السلام عليكم
سألت فى التوكيل قال لى بـ 440 جنية بدون تركيب يوصل 600 بالتركيب (لونهم إسود و لا يتم رشهم)
و سألت فى أربكوم قال لى بـ 1050 بالتركيب خلفى و فى 2100 بالتركيب أمامى و خلفى و الإثنين (اللون إسود يتم رشهم بلون السيارة)

أنا مركب واحد جبته من برة بشاشة صغيرة مركبها فوق مرايىة العربية وشكلها ظريف والسلك بتاعها مش باين
ركبتها عند أدريان مصر الجديدة كل سنسور ب 25 جنيه حسب منا فاكر لأن الكلام ده كان من سنة ونص تقريباً

متنساش تقولنا عملت أيه؟

محتار و الله
طب كان بكام تمنة من برة و ممكن تصورلى شكلة أو تكتبلى نوعة و مركتة علشان أخوية فى السعودية و جاى فى شهر إبريل

[Ramy_Tantawi]

السلام عليكم .
ألف مبروك على العربيه وربنا يباركلك فيها ان شاء الله.....بالنسبه للبارك سينسور انا مركبه من سنه تقريباً أو أقل شويه كان تمنه 350 جنيه وكان وقتها انا فاكر في التوكيل أغلى كتير ............المهم انا اشتريته من محل محترم اوي في ميدان الحجاز اسمه المركز الياباني ..........هو توكيل pioneer , clarion وحاجات كده اليافطه بتاعته اقصد مكتوب عليها كده يعني .......وتركيبه كان عنده برده وسهل جداً والله مافيش فيه اي مشاكل غير اللون وكنت هارشه بلون العربيه لكن في التوكيل خوفوني ان السينسور كده ممكن استجابته تضعف فاقلت مش مشكله...........صحيح نوع السينسور ده سيمفوني واعتقد ده اللي ممكن يكون التوكيل دلوقتي بيركبه طالما بقى بي 400 جنيه..........عموماً عن تجربه الحمد لله ماشي معايا لغاية دلوقتي تمام.

[Karim_Monir]

انا اجيبلك المفيد
عندك نوعين
الاول ماتحولش تجيب اي نوع برة الداش بورد خاصة لو بتركن في شمس هايسيح
وهايخلي شكل العربية نص كم
انا جبت اللي في المراية
هو عبارة عن مراية بتركب فوق المراية الاصلية ونفس الحجم تقريبا وشكلها تحفة طبعة
كان في نوع سمفوني مصري فرحت وقولت كويس وبضمان 5 سنين وب 200 جنية بس بس المراية بتاعتة عبارة عن حتة مستطيل مالوش معالم شكلها وحش قوي ومية المراية اكتر من سيء
لقيت نوع في التوفيقية ب 300 صيني بس الصيني الفاخر عند واحد اسمه بطاح مشهور قوي 4 ورا و 2 قدام انا ركبت ورا بس عشان اللي قدام كل ماهاتقرب من عربية في اشارة هايورشك
و 30 جنية تركيب وخلصت بس ممتاز بقالة اكت رمن 4 شهور وكنت مرة السماعة عطلت روحت غيرلي المارية خالص ومفيش اي سلك باين نهائى يعني اللي هايشوفوة هايقول علية فابريكة
---
النوع اللي بمراية دي كامير ب 300 جنية ولازم يكون عندك شاشة عرض او ديفيدي في العربية
لو معندكش ديفيدش اقل شاشة عرض 3 بوصة ب 700 جنية والكامير ب 300 يبقو 1000
الكاميرا شكلها كبير وانا رغم اني عندي ديفيدي ماركبتهش
بالنسبة للعدسات رشهم عند اي بتاع دوكو او من غير بتاع دوكة هات علبة اسبراي دهبي ب 15 جنية وترشهم قبل التركيب مباشرة وما تقلقش مفيعاش حاجة وش هاتبقي باينة خالص
بس خللي الولد اللي بيرش يبعد ايد 30 سم عن العدة قبل ما يرش
ربنا يوفقك

[Megane]

السلام عليكم
إشتاريتة إنبارح 225 جنية النوع سينفونى و بشاشة بتتركب على المراية و بلون السيارة و موجود جميع الألوان
فى نوع أقل شوية بشاشة صغيرة توضع على التابلوة و بلون العربية 200 جنية.
المكان فى توكيل سينفونى/ كنوود / كلاريون أحمد عرابى
إللى عايز يقول هناك إنة من طرفى و يخدة بنفس الأسعار .
و سيتم التركيب يوم الخميس القادم إن شاء الله فى توكيل المقطم الساعة 8:30 صباحا حسب الميعاد المتفق علية من الكول سنتر
بعد التركيب هصورة و حملة على المنتدى

[amr123]

بالتوفيق يا باشا و مستنين الصور و الاخبار على احر الجمر

[Megane]

بالتوفيق يا باشا و مستنين الصور و الاخبار على احر الجمر

السلام عليكم
دى صورة السينسور بعد التركيب

دى صورة السنسور بلون العربية بعد التركيب

دى صورة المراية بدون تشغيل البارك سنسور

دى صورة المراية بعد تشغيل البارك سنسور

[megane_man]

ألف مبروك ممكن أعرف أقل مسافة يقيسها كام وتكلف كام وخد وقت قد ايه في تركيبه ويفرق ايه عن الي في التوكيل

[Megane]

ألف مبروك ممكن أعرف أقل مسافة يقيسها كام وتكلف كام وخد وقت قد ايه في تركيبه ويفرق ايه عن الي في التوكيل

السلام عليكم
أقل مسافة حوالى 20 سم / التكلفة 250 / الوقت حوالى 5 ساعات / النوع سينفونى نفس النوع الموجود فى التوكيل و لكن الفرق بينة و بين إللى فى التوكيل
1) نفس لون السيارة و لكن فى التوكيل إسود بس.ملحوظة متوفر جميع الألوان.
2) السعر فى التوكيل 295 جنية بدون ضريبة و التركيب 80 جنية الساعة.
3) دة الشاشة بتعتة المراية و لكن فى التوكيل شاشة مستقلة بتتركب على التابلوة مما يودى إلى تشوية منظر التابلوة و تأثرها بالشمس.
4) متوفر اللى بشاشة مستقلة بـ 200 جنية فقط .

[megane_man]

ألف شكر معلش انت ليه مركبتوش عند الي أشتريت منه

[Megane]

ألف شكر معلش انت ليه مركبتوش عند الي أشتريت منه

السلام عليكم
أنا للأسف ركبت فى التوكيل علشان كنت عايز أرش الإكصدام لأنة كان متبهدل :smile: