مفاجأة جديده من رينو "رينو إسكالا"

[mragh]

النهاردة كنت عند السبع بسأل عن حجز الفلونس ، و أنا بتكلم مع مسؤول المبيعات قالي إن رينو هتنزل عربية زي النيسان صني " اللي نزلت من فتره على انها الصني الكوري" بس عليها علامة رينو و هتكون في نفس رنج أسعار الصني المصري الموجوده حالياً
و إن اعلاناتها هتنزل في أهرام الجمعة القادمة و إحتفال نزولها هيكون بعد ٣ أيام إن شاء الله

و ديه صور للموديل ده بس عليه علامة سامسونج

[د.محمود صلاح]

ينفع كده ؟ نيسان مش هتشتكي ؟

[zanativich]

مهو فعلا سامسونج دى بتاع رينو و الموديل دا فعلا سامسونج فى كوريا و رينو فى بعض المناطق

[mragh]

هو فعلاً حسب كلام الرجل نيسان عاملة معاهم مشاكل

[Eng.Geo]

ينفع كده ؟ نيسان مش هتشتكي ؟

تشتكي ليه ؟
رينو ونيسان مجموعة واحدة وانضمت اليهم مؤخرا دايملر

[mragh]

أنا بتكلم على نيسان مصر هي اللي كانت عملة مشاكل مش الشركة الأم

[alf2boshra]

تشتكي ليه ؟
رينو ونيسان مجموعة واحدة وانضمت اليهم مؤخرا دايملر

كدا يبقى زيتهم في دقيقهم
لو نزل مصر وبسعر الصني ممكن يسحب البساط شوية

[Egyzizo]

أكيد هتسحب البساط طبعاً لو كانت فى نفس معدل السعر ، لأنها هتكون مش تقفيل مصرى.

[ahmedbakr50]

ومتعرفش سعرها كام؟؟؟؟

[SGH]

للاسف الموديل المعروض هو sm3 القديمة و هو نفس الصنى وكنت اتمنى ان يرتقى توكيل رينو ويعرض ال sm3 الجديدة اللى تصميمها احالى كتير بس اعتقد انة خاف من المنافسة مع الفلورنس اللى تتبع نفس العلامة التجارية وادى اللينك للصور

Renault.com - Renault Samsung Motors Nouvelle SM3

[farahat]

للاسف الموديل المعروض هو sm3 القديمة و هو نفس الصنى وكنت اتمنى ان يرتقى توكيل رينو ويعرض ال sm3 الجديدة اللى تصميمها احالى كتير بس اعتقد انة خاف من المنافسة مع الفلورنس اللى تتبع نفس العلامة التجارية وادى اللينك للصور

renault.com - renault samsung motors nouvelle sm3

ما هي دي الفلونس إلي نازلة في مصر ، يبقى إيه الميزة من إنه ينزلها بموديلين ؟
هو هينزل العربية دي عشان تنافس في الفأل إسعرية الاقل إلي كانت فيها الكليو و إلي بعد كدة استبدلها بالسيمبول لكنها لم تحقق النجاح المرجو

[nomercy22]

مشكووووووور علي الانفراد

[Sharky]

نيسان مالهاش الحق انها تشتكى لإنها منزلتش الشكل دا فى مصر
لكن واضح اعتراض نيسان على انها حتكون منافس قوى للصنى فى مصر و خاصة زى ما اتقال انها حتكون فى نفس اسعارها لكن مش محلية التجميع

السؤال بقى ازاى حايجيبوا الموديل القديم للـ sm3 و اللى الجديد باعه رينو فلوانس حاليا ؟؟؟
يعنى الموديل دا مازال بينتج فى كوريا و لا بينتج فى تركيا حاليا ؟؟

[wawoo]

يعنى الموديل دا مازال بينتج فى كوريا و لا بينتج فى تركيا حاليا ؟؟

لا دة مش بيتصنع فى تركيا ..غالبا حيجى من كوريا مباشرة ..مع اضافة علامة رينو طبعا ..يمكن يكون بديل للسيمبول او بدليل ارخص للفلوينس

[mragh]

هي هتيجي من كوريا وهيبقى الشكل القديم زي اللي في الصور في أول الموضوع عشان الشكل الجديد لل-sm3 هو شكل الفلونس وأكيد الوكيل مش هينافس نفسه