مفتاح الميجان (الكارت)

[Ahmed Selim]

يا أستاذ أحمد المقصود إن الحسبة مش بس وقت ، يعني سنتين و نص على كم ألف كيلو ، لأن ممكن السنتين دول تعمل فيهم ١٠ الآف كم يبئة لسة العربية زيرو ، في اوربا الناس ممكن تمشي 50 إلى ١٠٠ كم يوميا لحد الشغل دا غير السفر في ال-week-ends يعني العربية تعمل كل سنة حوالي 20 - 25 ألف كم يبئة في سبع سنين يدوب ١٥٠ ألف أو أكتر و هو قد يدوب تبقى العربية عملت إلي عليها و زيادة .

أما موضوع Renault أو Mercedes أو أي ماركة القصة فيها مسألة إستخدام مش كل حاجة عيب في التصميم أو الإنتاج ، يعني ممكن الإستخدام يخلي عربية صيني تعيش ١٥ سنة و هي زيرو و ممكن يبهدل ألماني في سنة واحدة ، مش كدة ولا إيه؟

حتى موضوع الكارت دة موضوع إستخدام و دة إلي أنا بقوله ، أنا كان سؤالي مش عشان أقول العربية حلوة ولا وحشة ولا القصة دي (لأنها كدة كدة معايا واللي كان كان :) ) ، أنا بسأل عشان أشوف حل للمشكلة

كلامك صحيح يا باشا بي على العموم أنا كنت لاغى فكرة سوء الأستخدام لأنى والحمد لله أنا وأخويا أستخدامنا كويس

أنا الميجان داخلة معايا على 65 ألف فى السنتين ونص يعنى تقريباً نفس المعدل اللى أنت بتتكلم عليه والحمدلله العربية تمام معايا
والغريب أن عربية أخويا عاملة حاجة و تلاتين بس و الأير باجز كانت فى مشكلة فى السنسورز بتوعها والتوكيل هناك صلحها على الضمان والتكييف كمان.

وبعدين يا سيدى الفاضل عتاولة صناعة السيارات فى العالم بيسحبوا عربيات بعد لما تتباع علشان فيها عيوب زى ال A150 القديمة فى المرسيدس والبيتلز كمان كان فيها عيب فى أول الأنتاج فى ضفيرة الكهرباء.

[Abo_Lina]

ان شاء الله المشكلة مش كبيرة مادام الكارت الاخر شغال زيارة سريعة للتوكيل و هيقولولك المشكلة فين ..وابقى طمنا و قولنا

[farahat]

ان شاء الله المشكلة مش كبيرة مادام الكارت الاخر شغال زيارة سريعة للتوكيل و هيقولولك المشكلة فين ..وابقى طمنا و قولنا

أنا فعلا كلمت التوكيل بس لسة مارحتش ، قالولي غالبا هيتغير و دا بتطلبوا و تيجي بعد إسبوعين تستلمه و بتجيب العربية عشان يتبرمج عليها ، قلتلو بيتكلف كام ؟ قالي أكتر من ألف جنيه بشوية !!

فقررت إن أنا هحاول أصلحه بنفسي :)

[Sharky]

أنا فعلا كلمت التوكيل بس لسة مارحتش ، قالولي غالبا هيتغير و دا بتطلبوا و تيجي بعد إسبوعين تستلمه و بتجيب العربية عشان يتبرمج عليها ، قلتلو بيتكلف كام ؟ قالي أكتر من ألف جنيه بشوية !!

فقررت إن أنا هحاول أصلحه بنفسي :)

على فكرة أى مفتاح إيموبليزر فى أى ماركة لا يقل عن 1000.00 جم

[bimmeraddict]

ألف جنية بس سعرة كويس

[Megane]

على فكرة أى مفتاح إيموبليزر فى أى ماركة لا يقل عن 1000.00 جم

سعر ممتاز:)

[farahat]

هو فعلا سعر كويس ، بس استنوا لما نروح و نشوف السعر بالضبط وقت الإستلام ، دة كله لسة كلام في التلفون :)

[Sharky]

أنا اللى أعرفه إن سعر الكارت بالبرمجة فى حدود 1400.00 جم

[Sharky]

أستاذ فرحات مافيش أى أخبار عن الكارت ؟
هل إستطعت توصل لحل ليه و عرفت المشكلة فين ؟

فى إنتظار الحل بتاعك فى أسرع وقت حتى يستفيد منه أعضاء المنتدى

[farahat]

أستاذ فرحات مافيش أى أخبار عن الكارت ؟
هل إستطعت توصل لحل ليه و عرفت المشكلة فين ؟

فى إنتظار الحل بتاعك فى أسرع وقت حتى يستفيد منه أعضاء المنتدى

Sharky باشا ، الحمد لله عملت فحص دقيق و دراسة وفي عن النظام بتاع الكارت دة ، لكن للأسف تسليح صعب لأن مالقيتش قطع الغير المطلوبة ، د غير إن تمن فال توكيل ١٦٥٠ بالضريبة ، بس بصراحة لسة ميأستش و عمل أدور على القطعة إلي بايظة ،
و إن شاء الله حاعمل موضوع مخصوص فيه نتيجة التحليل التفصيلي للكارت وال نظام كله قريب أوي بس ادعيلي ألقي شوية وقت فاضي

[Sharky]

على فكرة يا استاذ فرحات مشكلة الكارت إللى كانت بره دى مشكلة الكارت الويرليس إللى بينزل أوبشن فى العربية بره مش زى الكارت إللى عندنا إللى لازم تحط الكارت فى مكانه علشان يشتغل
لإن الكارت إللى بره دا عامل زى المفتاح يتاع الكرولا الجديدة يعنى بيشغل العربية من غير ما تحط الكارت فى مكانه و دا بينزل أوبشنز بره للعايز يطلبه

[farahat]

Sharky باشا ،إنت فعلا عندك حق إن دي مشكلة مشهورة برضه في السيستم إلي هو إسمه hand-free ،و دة بيشتغل من غير ما تحط الكارت في مكنه (العربية تشتغل وال كرت في جيبك )
لكن برضه في ناس كتير اشتكت من حكاية إن الكرة ساعة مبيدورش العربية أو مبيفتحش السنتر من بعيد
و بعد تشريح الكارت ، لقيت إن مشكلة الكارت دة في حاجة من اتنين :
١- البطارية
٢- الكويل بتاع إلإموبليزر

يا إما إن يتعرض لمجال كهربي عالي جدا لدرجة إن يمسح الكود إلي عليه ، و فال حالة دي بيحتاج بس يتبرمج تاني .(و دي حالة مش بتحصل كتير )

[ironmsalah]

السلام عليكم ورحمة الله وبركاته
انا إشتريت الميجان من اول دفعة نزلت مصر موديل 2004 قبل الجمارك ماتنخفض والحقيقة العربية دى تحفة ومريحانى جدا ولم أشتكى من موضوع الكارت ده ولا سمعت ان فيه مشاكل وكمان الفتيس ماشاء الله ذى الفل بس الحاجة الوحيده اللى مزعلانى ان سعرها نزل جامد جدا مع انها عربية جميلة ومميزة فى كل حاجه

[Abo_Lina]

السلام عليكم ورحمة الله وبركاته
انا إشتريت الميجان من اول دفعة نزلت مصر موديل 2004 قبل الجمارك ماتنخفض والحقيقة العربية دى تحفة ومريحانى جدا ولم أشتكى من موضوع الكارت ده ولا سمعت ان فيه مشاكل وكمان الفتيس ماشاء الله ذى الفل بس الحاجة الوحيده اللى مزعلانى ان سعرها نزل جامد جدا مع انها عربية جميلة ومميزة فى كل حاجه

ممتاز..ممكن تقولنا كان تمنها كام قبل التعديلات الجمركية

[Mustafa_Farouk]

على ماعتقد انها كانت فوق ١٥٠