سؤال بخصوص عزل الميجان ii

[triton]

السلام عليكم يا وحوش المنتدي الكرام

سؤال بسيط .... لما بكون ماشي علي الدائري و علي 90 بسمع صوت الهوا جامد وانا جوا العربيه وقافل الشبابيك هل ده الطبيعي في الميجان ؟


انا ركبت مازدا 3 قبل كده و كنت بحس ان الصوت معزول اكتر جوا .... ده طبيعي ولا انا عندي مشكله ؟

[Hany Saad]

السلام عليكم يا وحوش المنتدي الكرام

سؤال بسيط .... لما بكون ماشي علي الدائري و علي 90 بسمع صوت الهوا جامد وانا جوا العربيه وقافل الشبابيك هل ده الطبيعي في الميجان ؟


انا ركبت مازدا 3 قبل كده و كنت بحس ان الصوت معزول اكتر جوا .... ده طبيعي ولا انا عندي مشكله ؟

حضرتك عزل الميجان محترم جدا جدا و لما بتقفل الزجاج تماما مش المفروض تسمع أى صوت من بره خاصة إنك بتتكلم على سرعة متوسطة ( 90 كم) .
هل عربيتك بانوراما ؟
هل عندك أى خبطة فى الأبواب أو عملت سمكرة فيهم مؤخرا؟
هل لديك قطع فى جوانات الأبواب؟

على العموم كده مش طبيعى... أنا بحس إنى فى ملكوت تانى و أنا قافل الزجاج و مبحسش باللى بره خالص.

[Col. Eng. Khaled]

و عليكم السلام و رحمة الله و بركاته

إلى حد ما طبيعي ، لكن ممكن حضرتك تعمل حاجة بسيطة بنفسك أو السروجي يعملها .

بنز عادي و إضغط على الكاوتش الداير في حلق كل باب من الأبواب الأربعة بعد التأكد من أنه راكب كويس في كل ركن من حلق الباب (لو تخيلت حلق الباب شكله مربع يبقى في كل زاوية

قائمة) .

حضرتك حتضغط بالبنز على الكاوتش بمسافة تقريبا 20 سم من مكان لمكان بحيث يبقى إن شاء الله ماسك كويس .

إن شاء الله بالتوفيق و أكون قدرت أفيد حضرتك .

[Migo123]

خالد باشا معلش هو الحل لمنع صوت الهوا خارج العربيه
ولا ده في حاله انك بتسمع صوت الهوا كانه بينفس من الابواب ؟؟؟

أصل انا فعلا من ملاحظ من سرعه 100 وانت طالع صوت الهواء بره العربيه بيبقى عالي واعتقد ان ده راه لتصميم العربيه في الاساس. مش عارف هل الكاوتش بتاع الباب اتضغط ده هيقل وصول الصوت ؟؟؟!!!

[Col. Eng. Khaled]

فعلا كلامي بالنسبة لصوت تنفيس الهوا

أما لو غير كده فهو طبيعي

[Sharky]

اللى عندك دا غير طبيعى

عزل الميجان عندى ممتاز و ما بسمعحش حاجة خالص لما بقفل الزجاج

[Hany Saad]

اللى عندك دا غير طبيعى

عزل الميجان عندى ممتاز و ما بسمعحش حاجة خالص لما بقفل الزجاج

أؤيد كلامك تماما لدرجة مش ببقى حاسس بالشارع بره....

العزل فوق الممتاز....

[elshinawy80]

انا ياجماعه بكون على 150 و 160 و مش حاسش لا بهواء و لا اى شىء دنيا تانية عزل رائع

[triton]

يبقي عندي مشكله لاني علي الدائري من 90 ببقي سامع صوت الهوا عالي جدا ... انا كنت عامل سمكره في الابواب فعلا

طب والحل ايه يا وحوش اظبط العزل فين ؟

[Col. Eng. Khaled]

يبقي عندي مشكله لاني علي الدائري من 90 ببقي سامع صوت الهوا عالي جدا ... انا كنت عامل سمكره في الابواب فعلا

طب والحل ايه يا وحوش اظبط العزل فين ؟

حضرتك حاول تجرب الطريقة دي :-

و عليكم السلام و رحمة الله و بركاته

إلى حد ما طبيعي ، لكن ممكن حضرتك تعمل حاجة بسيطة بنفسك أو السروجي يعملها .

بنز عادي و إضغط على الكاوتش الداير في حلق كل باب من الأبواب الأربعة بعد التأكد من أنه راكب كويس في كل ركن من حلق الباب (لو تخيلت حلق الباب شكله مربع يبقى في كل زاوية

قائمة) .

حضرتك حتضغط بالبنز على الكاوتش بمسافة تقريبا 20 سم من مكان لمكان بحيث يبقى إن شاء الله ماسك كويس .

إن شاء الله بالتوفيق و أكون قدرت أفيد حضرتك .

[triton]

جزاك الله خير يا سياده العقيد و منتحرمشي منك ولا من الوحوش الجدعان

[د.محمود صلاح]

الميجان لما كانت عندي في الماضي .. ما كنتش باسمع صوت الكلاكس اساساً في الزحمة