مساعدة محتاجة خبرة فى الإقتصاد ....

[Col. Eng. Khaled]

الحقيقة و مع كامل إحترامي لمالكي رينو فلوانس و يا رب يستمتعوا بيها في الخير و ربنا يبارك لهم فيها .

شفتها في معرض "فورميولا" الأخير و إنبهرت للشكل الخارجي

ركبت العربية دقيقتين و نزلت منها من غير ما ألاقي على الأقل ما إنتهت إليه ميجان 2 بالنسبة لل "إنتريور" (إنطباعي الشخصي) .

و عليه ما حاولتش أحجز تيست درايف أثناء وجودي بفرع العبور لصيانة عربيتي .

[Hany Saad]

ممكن حضرتك تغير فلسفتك للخسارة وي تقول ان ده استهلاك والإستهلاك ده بتمن ..هوا اه تمن غالى بس معلش انت اشتريت وي استهلكت فا طيبعي فيه خسارة (دي خسارة ماديه فقط. حضرتك كسبت عربيه فيها وسائل امان و رفاهيه وي نقطه تاينه ممكن نفكر فيها انك اشتريت عربيه فرنساوي قريبه من العربيات الألمانيه بنسبه فوق ال80 % فا انت اهو كسبت مثلا مثلا مبلغ فوق ال 40 او 30 الف ) يا ريت تكون فكرتي وصلت ..بالنسبه لسؤال حضرتك انا من رائي متبعش ,انت استعمال نضيف مش مهمل في العربيه مش بتتحرك كتير فا العربيه مش هاتطلب ان شاء الله مصريف غير الصيانه وي البنزين ..انا مش بقارن الماني ب فرنساوي عشان مخرجش برة الموضوع انا بحاول اوصل افكار ان محدش بخسر فلوس ربنا في الاول الاخر هوا الي بيديهالو وي بيخدها منه وي اسف على الصداع إلى عملته في موضوع حضرتك :d:d:d

أنا أؤيدك بشدة أنا لما كنت بشترى كانت أقرب عربية أوروبى أتوماتيك هى السكودا a5 و أعتقد كانت اول فئة أتوماتيك فاضية عاملة 165000 و الميجان كانت ب 125000.

طبعا الa4 كانت موجودة ب 135000 و لكن المقارنة مع الميجان كانت منتهية لصالح الميجان.

إذا بفكرة حضرتك أنا وفرت 40000 جنيه فى الشراء.:b4_388:

أشكرك جدا على فكرتك و أنا فعلا ناوى أخلى العربية.

[Hany Saad]

الحقيقة و مع كامل إحترامي لمالكي رينو فلوانس و يا رب يستمتعوا بيها في الخير و ربنا يبارك لهم فيها .

شفتها في معرض "فورميولا" الأخير و إنبهرت للشكل الخارجي

ركبت العربية دقيقتين و نزلت منها من غير ما ألاقي على الأقل ما إنتهت إليه ميجان 2 بالنسبة لل "إنتريور" (إنطباعي الشخصي) .

و عليه ما حاولتش أحجز تيست درايف أثناء وجودي بفرع العبور لصيانة عربيتي .

أنا بشكر حضرتك جدا من أجل مشاركتك و ياريت لو حد ساق الأثنين يقدر يعملنا مقارنة سريعة طبعا بالنسبة للسواقة مش للinterior و الكماليات.

يعنى فرق الثبات و العزم و التعليق و العزل و ميل الجسم فى الملفات و هكذا....

[todouno]

لو حضرتك ناوي تبيع أنا جاهز أنا من أسكندرية و بدور علي عربية كويسة
لو نويت 0104003545
لو مش ربنا يباركلك فيها ولو تعرف حد عايز يبيع واحدة كويسة يبقي جميل

[د.محمود صلاح]

كماليات ووسائل امان الميجان 2 = الفلوانس مع اختلاف الشكل فلا داعي للتبديل

[Karim_Mohy]

طالما مريحاك يباه مالوش لازمة انك تغير الا لو انت خلاص عليز تغير من ياي التغيير..........لان تقريبا زي ما الاعضاء قالوا انك كده كده خسرت في استهلاكها وده شيء طبيعي........حتي لو جبت فلوانس زيرو بعد فترة هاتخسر فيها

وبرضو الموضوع يرجعلك واتمني اكون افدتك

[Hany Saad]

كماليات ووسائل امان الميجان 2 = الفلوانس مع اختلاف الشكل فلا داعي للتبديل

يمكن كمان الميجان أعلى شوية فى الأمان علشان فى نفس الفئة السعرية اللى هى ب 125000 أو ب 135000 الميجان فيها 6 إيرباج مش بس 2.

لكن الفلوانس أعلى شوية فى الكماليات و الinterior طبعا فئة ال135000 مش ال 125000 بس متنساش فرق الموديلات يعنى مينفعش أكون بشترى فى 2010 نفس كماليات و شكل 2006 و إلا لا يوجد داعى للتغيير و كمان يكون الصانع فشل فى لفت نظر الزبون بتطويره الدائم للعربية و إضافة كل ما هو حديث من تكنولوجيا.

[Hany Saad]

طالما مريحاك يباه مالوش لازمة انك تغير الا لو انت خلاص عليز تغير من ياي التغيير..........لان تقريبا زي ما الاعضاء قالوا انك كده كده خسرت في استهلاكها وده شيء طبيعي........حتي لو جبت فلوانس زيرو بعد فترة هاتخسر فيها

وبرضو الموضوع يرجعلك واتمني اكون افدتك

العربية للحق مريحانى جدا و أنا مش عايز أغير من باب التغيير لكن فيه نظريه بتقول إن العمر الإفتراضى للعربية بيكون فى حدود 5 سنين و بعد ذلك يفضل البيع علشان سعر إعادة البيع يبقى معقول (و إلا مش هيبقى ليها تمن خالص عند بيعها و هتبقى خسرت كل رأس مالك) مع الضمان ال 3 سنين للجديدة ممكن يكونوا أوفر من تكاليف تشغيل القديمة.



أنا عارف إن ديه نظرية الشركات الmultinatonal أو الناس اللى بتستخدم العربية بكثرة و بتعمل كيلومتر كتير عليها بس ميمنعش إن إحنا نفكر فى الموضوع ده برده يمكن يكون فيه وجهة نظر.

طبعا حضرتك أفتدنى و مشكور جدا على ردك.

[Hany Saad]

لو حضرتك ناوي تبيع أنا جاهز أنا من أسكندرية و بدور علي عربية كويسة
لو نويت 0104003545
لو مش ربنا يباركلك فيها ولو تعرف حد عايز يبيع واحدة كويسة يبقي جميل

أشكر حضرتك على ذوقك و إن شاء الله لو فكرت أبيع أو عرفت حد عنده حاجة نظيفة هكلم حضرتك.

مشكور للمشاركة.

[paradox]

النزول في اعادة البيع بيكون أكبر نسبه في أول سنتين للعربية لأن الزيرو ليه تمن. انما فرق ثمن العربية بعد كده ولا حاجه خصوصا لما بيبقا العربية حالتها تمام.
أنا رأيي خلي العربية لغاية ما الـ 100 ألف كيلو وبعدين تغير قبل ما تفتح بقها زي ما بيقولوا.

نصيحة أخيرة...لما تشتري زيرو الأفضل ماتجيبش عربية لسه ماحدش عرف عنها حاجه. يعني لو عاجبك الفلونس استنى عليها سنه تكون بانت مزاياها و عيوبها. أكبر مثال على ده الكورولا 2008 ومشكلة الفتيس الـ mmt الشهيرة.
رأي شخصي، الفلوينس كعربية أقل كتير من الميجان...انا كنت مستني أشوفها ولما شوفتها احبطت. الشكل ده اذواق طبعا انما كأمان و كماليات الميجان تكسب.

[ramy_gamal]

انا معاك ان احسن عمر للعربيه هو اول 5 سنين بس دة لو الاستهلاك المتوسط بس حضرتك استهلاكك اقل من كدة ف ممكن تستمتع بيها فترة كمان واعتقد السعر مش هيقل عن ال70 او ال 75 كتيير وكمان مش هتحتاج مصاريف زيادة عن الصيانه الدوريه وانا كمان بتفق فى ان الفرق بين الميجان والفلوانس مش كبير
دة مجرد راى والقرار الاخير لحضرتك