سؤال عن الفتيس الستب ترونيك

[melmegharbel]

ماذا يحدث إذا تم تحويل الفتيس من اتوماتيك إلى مانيوال وحرقت على الغيار ولم تنقل للغيار الأعلى؟

[bobo2009]

طبعا غلط جدا انك تحرق على الغيار زى اى عربيه اما تحرق على الغيار بتاعها

ومن اضرار الحرق طبعا تأكل الدسك و الاسطوانة

[chato_eg]

حرقت و ما غيرتش للنقلة الأعلى لحد فين ؟؟؟
ال Red Zone ؟؟
و لا حاجة...فى حاجة اسمها Rev Limiter هينقل هو للغيار الأعلى....بس دى مش حركة لطيفة و لا مفيدة.....
معروف إن التوقيت المناسب للحصول على أفضل تسارع هو الإنتقال للغيار الأعلى قبل ال Red Zone مباشرة

على كل..أنا مرة وصلت لل150 كم/ساعة على النقلة الثالثة و على مطلع طويل و لم أصل لل Red Zone وقتها و لم أجرب ال Limiter أبدا

[Hany Saad]

ماذا يحدث إذا تم تحويل الفتيس من اتوماتيك إلى مانيوال وحرقت على الغيار ولم تنقل للغيار الأعلى؟

المفروض ميحصلش حاجة و ده إسمه الsport mode

طالما العربية ما نقلتش للنقلة الأعلى يبقى لسه الغيار اللى إنت عليه يستحمل شوية....

الفتيس الستيب ترونيك متظبط فيه إنك لو حرقت أزيد من اللازم على الغيار بحيث هتضر الجيربوكس هو أتوماتيك ينقل للأعلى علشان يحافظ عليه.

و لو نقلت بدرى يعنى طلعت مثلا على التالت برده بينزل أتوماتيك للأول علشان يحمى الجيربوكس.

و ده واضح جدا فى كتالوج العربية....

كون أن العربية منقلتش للغيار الأعلى يبقى أكيد ماحرقتش لأخر الغيار بحيث تضر الجيربوكس.

[د.محمود صلاح]

حاولت بالفعل اجرب ده ووصلت ل 150 بالثالث ومانقلتش وبعد كده خفت اكمل

[chato_eg]

حاولت بالفعل اجرب ده ووصلت ل 150 بالثالث ومانقلتش وبعد كده خفت اكمل

و أنا كمان ..

[bukla]

يا جماعة فية فرق بين الحرق على الغيار و الفتيس على ال d او لو كان فى حارة الستيب ترونيك فى الحالة الاولى لو ضغطت برجلك بقوة على بدال البنزين الكومبيوتر بتاع العربية بيعرف انك عايز تحرق على الغيار فتلاحظ ان العربية نزلت للغيار الاقل علشان تديللك التسارع المطلوب و تلاقى الكومبيوتر بيديلك اخر كل غيار للحد اللى ما يضرش بالجيربوكس اما فى الحالة التانية فدة زى المانيوال بالظبط بس بدون دبرياش يعنى العربية بتديلك انت التحكم و اختيار الوقت اللى يناسبك للنقل للغيار الاعلى و علشان كدة فى الحالة دى مش ممكن العربية حتنقل لوحدها ابدا مهما قرصت على الغيار لكن فى بعض العربيات (مش عارف الفلوينس منهم ولا لأ) ممكن تنقل للغيار الاقل لما تلاقيك نزلت بسرعتك لحد اقل من الغيار اللى متعشق

[M_samir]

tyb bmonasbt el klam da eh hya adrar el kick down 3la el 3arbya wala mafesh mno mshakl

[Hany Saad]

يا جماعة فيه إختبار بسيط جدا ممكن ملاك الميجان يجربوه و كمان ملاك الفلوانس...
هات الأول و بلاش التالت و أحرق عليه هتلاقى العربية بعد شوية نقلت لوحدها على التانى كنوع من أنواع تأمين الجيربوكس.

و بالمثل من السكون جرب تطلع على التالت هتلاقى حصل فلاشينغ فى شاشة العربية للرقم 3 و العربية هتنقل لوحدها على 1 و مش هتردى تطلع أبدا على 2 أو 3 .

هو صحيح ده مانيوال مود بس متنسوش إنه computerized يعنى مازال كمبيوتر العربية حاسس إنت بتعمل إيه و لو غلط للدرجة إنك تضر العربية بيتدخل و يصحح وضع النقلة و الكلام اللى أنا بقوله ده مذكور فى كتالوج الميجان....

يعنى مش زى المانيوال العادى اللى العربية مش حاسة إنت بتعمل إيه لدرجة إنك ممكن تحرق الغيار...

متنسوش يا جماعة إنه نفس الجيربوكس و نفس الكمبيوتر اللى بيتغذى بالمعلومات بس سايب لحضرتك حرية تغيير النقلة ليعطيك الإحساس الرياضى أو الsport mode لكن دون الإخلال بالسيارة.

أتسأل أيضا لو أنا على المانيوال و طالع مطلع على ال3 و جايب سرعة واطية جدا تفتكروا الميجان ولا الفلوانس هتكركر على المطلع لغاية لما تغير لنقلة أقل....بالطبع لأ ساعتها الكمبيوتر بينقل للتانى على طول لتعديل الموقف و حماية السيارة..

[Hany Saad]

tyb bmonasbt el klam da eh hya adrar el kick down 3la el 3arbya wala mafesh mno mshakl

سوف أصيغ سؤالك بطريقة أخرى بالنسبة للعربيات المانيوال:

ما هى أضرار تقليل النقلة من غيار أعلى لغيار أوطى لإعطاء مزيد من العزم؟

الإجابة لا يوجد أضرار فعلية على العربية و لكن....توجد أضرار ثانوية:

إستهلاك أعلى للبنزين، إستخدام الفرامل بصورة أقوى للسيطرة،....

لو بتعمل kick down علشان موقف معين هو أصلا معمول علشان كده و ده اللى الصانع بينصح بيه علشان تفهم العربية إنك محتاج عزم أعلى لكن لو بتعملوا كنوع من أنواع الترويش فده له أثره على باقى أجزاء السياره على المدى الطويل early aging و نقصان واضح للعمر الإفتراضى للسيارة و لإجزاء كثيرة فيها (تيل فرامل، عفشة، كاوتش,....)

[chato_eg]

كلام Meggieboy مظبوط

[meso76]

اما فى الحالة التانية فدة زى المانيوال بالظبط بس بدون دبرياش يعنى العربية بتديلك انت التحكم و اختيار الوقت اللى يناسبك للنقل للغيار الاعلى و علشان كدة فى الحالة دى مش ممكن العربية حتنقل لوحدها ابدا مهما قرصت على الغيار لكن فى بعض العربيات (مش عارف الفلوينس منهم ولا لأ) ممكن تنقل للغيار الاقل لما تلاقيك نزلت بسرعتك لحد اقل من الغيار اللى متعشق

مع احترامى لحضرتك، بس اعتقد فى رأيى ان ده خطأ شائع جدا فى مفهوم الفتيس الستيبترونيك
مفيش اى علاقة بين الفتيس المانيوال العادى واوبشن المانيوال فى الفتيس الستيبترونيك اللى بيقوم بتصحيح اى خطأ او خطورة فى النقلات من تلقاء نفسه للحفاظ على الفتيس والموتور (وده طبعا مش موجود فى الفتيس المانيوال العادى)
وايضا الفتيس المانيوال العادى بيتفوق عن المانيوال فى الفتيس الستيبترونيك من ناحية الإستجابة والسحب (نفس قدر التفوق بين المانيوال والأوتوماتيك العادى)