في رايك ماهوا السر وراء عدم انتشار رينو سيمبول

[zeyad_f]

بالرغم من ان السيبول عربية ممتازة بشهادة كل من قامو بشرائها او اختبروها وتويكلاها المترم جدا الا اننا نلاحظ عدم انتشار للسيبمبول في شوارع المحروسة , مما جعل بعض الناس تفسر ذالك علي انة عدم نجاح لهذة السيارة. شارك برايك ماهية عوامل نجاح السيارت في مصر , و ماهوا السبب وراء عدم انتشار السيبول ؟

[bukla]

بالرغم من ان السيبول عربية ممتازة بشهادة كل من قامو بشرائها او اختبروها وتويكلاها المترم جدا الا اننا نلاحظ عدم انتشار للسيبمبول في شوارع المحروسة , مما جعل بعض الناس تفسر ذالك علي انة عدم نجاح لهذة السيارة. شارك برايك ماهية عوامل نجاح السيارت في مصر , و ماهوا السبب وراء عدم انتشار السيبول ؟

انا ارى ان سبب عدم انتشار العربية دى عدم وجود دعاية مناسبة ليها دى ماشوفتش ليها ولا صورة ولا اعلان فى اى جريدة او مجلة مش عارف لية التوكيل بيموت عربياتة

[walidzakzok]

الدعاية وشكلها صعب اوي

[alfbaa]

اوةلا الفئه المانيوال ناس كتير تقولك اللوجان الفرق بينهم مش كبير لدرجه الفرق في السعر ده يبقى اللوجان عمليا افضل

ثانيا الفئه الاتوماتك انا شخصيا بعشق الرينو وكنت هجيب السيمبول الاتوماتك لاخر لحظه بس بصراحه ادفع 90 الف تقريبا ومخدش غير ايرباج واحده ومافيش abs ده غير ان في ناس كتير بتقول انها تقريبا هي هي الكليو ..طب انا اعرف ناس جابت كليو اتوماتك من بره التوكيل بسعر اقل بكتير .. فحسيت بصراحه ان العربيه كتير عليها الفلوس دي ده غير ان سعر اعاده البيع هيكون في الضياع ... وجبت في الاخر صني سوبر صالون

اعتقد ان السيمبول لو كانت بنفس اسعار الاكسنت او حتى الافيو كانت حققت نجاح اكبر ... كان ممكن الوكيل يجي على نفسه شويه حتى ولو في الاول وينزل السعر وممكن يحط فئه تانيه ب90 يكون فيا 2 ايرباج و abs وشويه كماليات تشد شويه لانه لازم يلاحظ ان الرين كماركه مش معروفه في مصر زي الهيونداي او الشيفروليه فالزم يشد الناس بشكل العربيه(والسيمبول شكلها حلو) + الكماليات الزياده

باتلنسبه للاعلانات انا شايف الوكيل عملها اعلانات معقوله (باستثناء عدم وجودها في معرض الفورميلا .. كانت حاجه غريبه جدا)

[blazer]

ألعربيه متعملهاش دعايه كفايه غير ان شكلها مش لطيف اوى !!
و غير كدا انها نازله فى شريحه اللوجان تقريبا غطيتها

[etsh1413202]

سعرها غير مناسب وشكلعا غير مقبول بشكل كبير

ده غير وجود منافسين عتاوله فى نفس الفئه زى الصني والاوبترا والالنترا فا طبعا مش هتاكل مع الوحوش دول ... وموتور 1400 كمان يعنى اللوجان منزلنها بموتور اكبر مش فاهم ازاى بصراحه حتى لو تجنولوجيا اجدد وكل الكلام الحلو ده بس اغلب المصريين ميفهموش الكلام ده .

[Hegazio]

اهم سبب من وجهة نظري هو عدم تسميتها كليو
و بالتالي فقدت ميزة استكمال العملاء و الفة الاسم
كما انه لا يوجد منها هاتشباك و الا كانت باعت اكتر بكتير

[ahmedbasto]

عقلية الشعب المصرى ومفيش دعاية

[zkralla]

مش عارف

http://www.contactcars.com/News_ViewStory.asp?NewsID=2533

حصلت سيارة رينو الجديدة "سيمبول" على المركز الأول في تقييم منظمة Autobest لعام 2009 برصيد 879 نقطة بتفوق هائل على جميع منافسيها.

[AHMED1718]

اوةلا الفئه المانيوال ناس كتير تقولك اللوجان الفرق بينهم مش كبير لدرجه الفرق في السعر ده يبقى اللوجان عمليا افضل

ثانيا الفئه الاتوماتك انا شخصيا بعشق الرينو وكنت هجيب السيمبول الاتوماتك لاخر لحظه بس بصراحه ادفع 90 الف تقريبا ومخدش غير ايرباج واحده ومافيش abs ده غير ان في ناس كتير بتقول انها تقريبا هي هي الكليو

..طب انا اعرف ناس جابت كليو اتوماتك من بره التوكيل بسعر اقل بكتير .. فحسيت بصراحه ان العربيه كتير عليها الفلوس دي ده غير ان سعر اعاده البيع هيكون في الضياع ... وجبت في الاخر صني سوبر صالون

اعتقد ان السيمبول لو كانت بنفس اسعار الاكسنت او حتى الافيو كانت حققت نجاح اكبر ... كان ممكن الوكيل يجي على نفسه شويه حتى ولو في الاول وينزل السعر وممكن يحط فئه تانيه ب90 يكون فيا 2 ايرباج و abs وشويه كماليات تشد شويه لانه لازم يلاحظ ان الرين كماركه مش معروفه في مصر زي الهيونداي او الشيفروليه فالزم يشد الناس بشكل العربيه(والسيمبول شكلها حلو) + الكماليات الزياده
بس العربية ممتازة وفيها اوبشن محترم وموفرة جدا ف البنزين برقبة النيو اكسنت بصراحة وانعم كتير من اللوجان
باتلنسبه للاعلانات انا شايف الوكيل عملها اعلانات معقوله (باستثناء عدم وجودها في معرض الفورميلا .. كانت حاجه غريبه جدا)

مين اللى قالك الفرق مش كبير حرام عليك دى عربية ودى عربية تانيا
تانى حاجة الفرق بين الفئة المانيوال والاوتو الفتيس فقط اشمعنا شبهت المانيوال باللوجان
بس العربية ممتازة وفيها اوبشن محترم وموفرة جدا ف البنزين برقبة النيو اكسنت بصراحة وانعم كتير من اللوجان
الرينو مش معروفة ف مصر دى من اعرق الماركات العالمية وبعدين بالنسبة للسيمبول يعيبها انها ضيقة ف الكنبة الورانية شوية ومفيش abs بس زيها زى النيو اكسنت ,الافيو وصاجها احسن وتوكيلها طبعا عريق
اما السبب ف عدم انتشار العربية دى هوا ( معدش فيه عربيات منها بتيجى مصر وده مش لعدم الاقبال عليها لا ده علشان تكلفة انتاج العربية زاد وبالتالى السوق المصرى مش هيتحمله ) وعلشان ناس كتير بتقولى انها زيها زي اللوجان

وللعلم بردو العربية نزلت اقل من سنة ونص فالبتالى مش هتظهر كتير وكان عليها عرض المانيوال ب 79000 والاوتو ب 86000 لفترة تيجى 6 او 7 شهور تقريبا
فيعتبر سعر منافس جداا بس لولا اختلاف الازواق لبارت السلع

وللاسف الشديد فى مصر الشعب يتبع سياسة القطيع ومحدش يزعل منى
علشان كده تلاقى الفيرنا مع انها .....(مش كويسة يعنى علشان ممحدش يزعل ) من اكتر السيارات مبيعا ف مصر هل ده معناه انها احسن عربية ؟


واكيد طبعا اختلاف الاراء لا يفسد القضية او يزعل

ومبروك على السوبر صالون ياباشا وربنا يديك خيرها ويبعدك عن شرها

[AHMEDmostafa79]

بالنسبة لي انا ماحبتهش عشان ضيق الكنبة الخلفية وفضلت عليها اللوجان لكن السيمبول عربية فوق الممتازة بس للاسف مش اي حد يقدرها.

[hossam_ggg]

انا رائي ان السيمبول افضل بكتير من السيارات اللي في نفس الفئه في الثبات و التحمل و التابلوه
انا ان شاء الله حاجز واحده و هاستلم علي اخر الشهر بس كان نفسي الناس تتداولها و تفهمها في مصر اكتر من كدا لانه قويه فعلا و ادعولي تيجي بالسلامه

[hissamrefat]

يا جماعة المشكلة أولا فى الدعاية أنا عن نفسى ماشوفتلهاش اى إعلان قبل كده.........!!!!!!! وشوفتها قليل جدا فى الشوارع المصرية (وإن كانت إبتدت تزيد شوية دلوقتى وكمان أنا شوفتها فى إسكندرية أكتر ما شوفتها هنا فى القاهرة) ولولا المنتدى الرائع بتاعنا ده ماكنتش عرفت أى معلومات عنها............!!!!!
ثانيا : تخيلوا يا جماعة لما تبقوا عايزين تتفرجوا على العربية ومش لاقيينها وتروحوا صالات العرض اللى فى التوكيل يقولك لا والله دى خلصت مش موجودة والدفعة الجاية كمان 3 شهور وهتبقى مثلا 45 سيارة ومش فاضل غير ألوان كذا وكذا لو تحب تحجز.............!!!!! طيب والنبى هاحجز إزاى قبل ما اشوف العربية....؟؟؟؟؟!!! وطبعا العربية خلصانة من عند الوكلاء برضه....!!!! ولو إستنيت لحد ما العربية تيجى علشان تشوفها وحبيت تشتريها يبقى طبعا عليك وعلى الدفعة اللى بعديها اللى مش عارفين هاتيجى إمتى.....!!!!
فطبعا اللى مستعجل أو مش مقتنع بالعربية 100% هايشوف البدايل التانية ويخلص فيها، أما لو حد مش مستعجل أوى ومقتنع بالعربية وإستقر عليها بعد بحث وعمل مقارنات كتير(زيى كده) فهيستناها كل ده والحمد لله يا جماعة أنا لسه مستلم من السبع الشهر اللى فات ولو الزمن رجع بيا هاختار نفس العربية الرائعة دى تانى
بس المشكلة بقى إنك لما تيجى تقول لحد انا جبت سيمبول تلاقى اللى قدامك بصلك كده بنظرة غريبة (طبعا ما هو لاشافها ولا شاف لها إعلان) فلازم تقعد تشرح وتقول وتعيد وفى الآخر لازم تخليه يشوفها علشان هو يفهم وإنت تريح نفسك

[M.Osman]

التصميم و السعر غير المنافس

طب ما البروتون اكتر منها من غير دعاية ....

[zeyad_f]

التصميم و السعر غير المنافس

طب ما البروتون اكتر منها من غير دعاية ....

بس انا لسة شايف اعلان عن البروتون في اهرام الاسبوع الماضي , وايضا اعتقد انها متوافرة واستلام فوري ايضا