انا حجزت الرينو سيمبول

[hossam_ggg]

السلام علي المنتدي الجميل
انا الحمد لله و بفضله حجزت علي الرينو سيمبول و ان شاء الله هاتوصل علي نهايه الشهر الحالي و انا بصراحه اخدت فتره كبيره علشان اوصل للقرار دا و دا كان من خلال دخولي علي المنتدي و قرايه كل رسائل الاصدقاء الافاضل و الحمد لله محدش عاب في العربيه خالص من اي شئ و هيا عجباني و امكانيتها كمان عجباني

بس انا يا جماعه كل ماقول علي حد عليها يقولي لا اوعي دي ديقه و قطع غيراها غاليه خاليك في الريو (كيا) او خليك في اللوجان و لا مسيوبشي مستعمل (بوما) و لا خليك في الافيو

و انا بصراحه مش عاجبني و لا نوع من اللي هنا بيقولولي عليه لانه مش زي السيمبول في مواصفاتها و ثباتها
و اللي يقولي خليك في الاكسنت علشان منتشره مش زي دي قلقيله

المهم انا مش قلقان من الاختيار لاني استخرت ربنا سبحانه و انا مرتاح ليها
بس انا يسالكم عن رايكم انتوا كمان لاني في ناس فيكم جربتها فعلا و شافتها و قارنتها علي الحقيقه بعربيات تاني

انا عايز رايكم و دعمكم ردوا عليا بسرعه

[bukla]

اولا الف مبروك ربنا يديك خيرها و يكفيك شرها
ثانيا العربية دى مع واحد صاحبى جايبها لابنة و لما سالتة عليها بصراحة شكر فيها قوى و ما اشتكاش منها خالص
للاسف هى دى المعلومات اللى عندى عن العربية دى لو عندك اى استفسارات محددة قولى عليها و انا ممكن اسألهولك

[hossam_ggg]

شكر الف شكر علي ردك
ممكن تسالوهلي عن التكيف بتاعها ايه قوته
ممكن كمان تساله عن العفشه بتاعتها كمان
و كمان عن السي دي بتاعها و قوه صوته

[AHMEDmostafa79]

الف مبروك وتستلم علي خير ان شاء الله
بس قولي حضرتك حجزت منين لانهم كانو بيقولو انها هتنزل فيها تعديلات
1- الفيتيس الاوتوماتيك هيتعدل
2- هتبقي 2 ايرباجز
دة اللي سمعتة من واحد صاحبي معاة سيمبول من سنة وعاملها 20000 ك وهي هتكون المرجع في ردي علي حضرتك
- التكيف بتاعها كويس بس تكيف الوجان اشد في سرعة الهوا
-العفشة ممتازة حتي الان
- الcd صوتة نقي ومحترم وبيشغل mp3 اتنين سماعة في البيبان واتنين صغيرين في التابلوة.

[AHMED1718]

بصراحة اختيارك فى محله وان شاء الله مش هتندم

العربية دى ممتازة هوا فعلا العيب الوحيد الكنبة الورانية انا شايفها ضيقة شوية بس ده بالنسبة لناس كتير مش هتفرق وبعدن اتعوضت جامد ف الشنطة الهايلة بصراحة لدائمى السفر


مشكلة ضيق الكنبة ده لو انتا زى حلاتى 192 سم فبترجع الكرسيى على الاخر وبتكفى ضهره ورا
غير كده لو طولك متوسط متهيألى كويسة جداا زيها زى الللانوس من جوا تقريبا ف الحجم

[hossam_ggg]

الف مبروك وتستلم علي خير ان شاء اللة
بس قولي حضرتك حجزت منين لانهم كانو بيقولو انها هتنزل فيها تعديلات
1- الفيتيس الاوتوماتيك هيتعدل
2- هتبقي 2 ايرباجز
دة اللي سمعتة من واحد صاحبي معاة سيمبول من سنة وعاملها 20000 ك وهي هتكون المرجع في ردي علي حضرتك
- التكيف بتاعها كويس بس تكيف الوجان اشد في سرعة الهوا
-العفشة ممتازة حتي الان
- الcd صوتة نقي ومحترم وبيشغل mp3 اتنين سماعة في البيبان واتنين صغيرين في التابلوة.

شكر يا باشا الف شكر
انا حجزتها من معرض اسمه باندا موتورز و هيا ان شاء الله جايه مع الشحنه الجديده بس معرفش التعديلات اللي انت قولت عليها دي علي العموم ان شاء الله هابقي اقولك عليها ان شاء الله اذا وجدت
بس علي ما افتكر انهم قالوا في التوكيل انه دي اخر دفعه جايه بالسعر دا و بعد كدا مش هايقدروا يستوردوها تاني علشان هيا هاتغلي عن السعر دا في الخارج و هما هنا مش هايقدروا يعلوا في سعرها عن كدا
علي العموم انا هابقي اقولك علي اخر الاخبار

[hossam_ggg]

بصراحة اختيارك فى محله وان شاء الله مش هتندم

العربية دى ممتازة هوا فعلا العيب الوحيد الكنبة الورانية انا شايفها ضيقة شوية بس ده بالنسبة لناس كتير مش هتفرق وبعدن اتعوضت جامد ف الشنطة الهايلة بصراحة لدائمى السفر


مشكلة ضيق الكنبة ده لو انتا زى حلاتى 192 سم فبترجع الكرسيى على الاخر وبتكفى ضهره ورا
غير كده لو طولك متوسط متهيألى كويسة جداا زيها زى الللانوس من جوا تقريبا ف الحجم

تسلم يا غالي علي النصيحه الجميله علي العموم انا مش طويل اوي انا متوسط و يمكن دا ان اشاء الله مش هايعمل معايا مشكله و لو دا بس العيب اللي ممكن الاقيه فيها بيقي هيا كدا عشره علي عشره يعني ممتازه جدا و يارب ان شاء الله تبقي كدا

[nomercy22]

مبرووووووووووووووووووووك

[mohaismail]

مبروك غليك السيمبول عربية جميلة جدا
والريو برضه جميلة ونفس التوكيل

[emadhassan]

الف مبروك السيمبول اختيار موفق بأذن الله العربية فعلا ممتازة انا مرتاح جدا من يوم ما استلمتها من حوالى شهرين وما تشغلش بالك بموضوع الصالون دى حاجة نسبية ومش حتحس بيها لو حضرتك متوسط الطول 0
العربية ثباتها ممتاز واستهلاك البنزين رائع الشنطة بحر كمبيوتر الرحلات عملى جدا الصاج امتن بكتير من الأنواع اللى حضرتك ذكرتها التقفيل جيد جدا 0

[hossam_ggg]

الف مبروك السيمبول اختيار موفق بأذن الله العربية فعلا ممتازة انا مرتاح جدا من يوم ما استلمتها من حوالى شهرين وما تشغلش بالك بموضوع الصالون دى حاجة نسبية ومش حتحس بيها لو حضرتك متوسط الطول 0
العربية ثباتها ممتاز واستهلاك البنزين رائع الشنطة بحر كمبيوتر الرحلات عملى جدا الصاج امتن بكتير من الأنواع اللى حضرتك ذكرتها التقفيل جيد جدا 0

الله يبارك فيك يا باشا و ربنا يحفظك و يديك خيرها و يكفيك شرها هيا فعلا عربيه جميله و انا كل يوم بقتنع بيها اكتر و الله الموفق

[zeyad_f]

شكر يا باشا الف شكر
انا حجزتها من معرض اسمه باندا موتورز و هيا ان شاء الله جايه مع الشحنه الجديده بس معرفش التعديلات اللي انت قولت عليها دي علي العموم ان شاء الله هابقي اقولك عليها ان شاء الله اذا وجدت
بس علي ما افتكر انهم قالوا في التوكيل انه دي اخر دفعه جايه بالسعر دا و بعد كدا مش هايقدروا يستوردوها تاني علشان هيا هاتغلي عن السعر دا في الخارج و هما هنا مش هايقدروا يعلوا في سعرها عن كدا
علي العموم انا هابقي اقولك علي اخر الاخبار

الف مبروك هية فعلا عربية فريدة في الموصفات والسعر وبصراحة مش لاقي ليها منافس -وان شاء الله تستلمها علي خير , بس انا كلمت التوكيل علشان اسألهم علي موضوع ان دي اخر شحنة و لا, قالولي ان دي مش اخر دفعة ولا حاجة وفي كل شهر دفعة جديدة

[Samah AbdAllah]

100000000 مبروك
ربنا يبارك لحضرتك فيها

[gazzar91]

أنا كان نفسي فيها بصراحة بس محصلش نصيب و كانت هاتكلفني كتير في صيانتها مع إني في توكيلها ..... بس للأمانة عربية جميلة قوي قوي قوي .... ربنا يحفظهالك إن شاء الله

[zeyad_f]

أنا كان نفسي فيها بصراحة بس محصلش نصيب و كانت هاتكلفني كتير في صيانتها مع إني في توكيلها ..... بس للأمانة عربية جميلة قوي قوي قوي .... ربنا يحفظهالك إن شاء الله

بما ان حضرتك في التوكيل ياريت تقولنا تكاليف الصيانة بتعتها وكانت كتيرة مقارنة بي اية و لو عند حضرتك ارقام محدده يكون ياريت تشاركها معنا علشان الكل يستفيد