تقريرى المتواضع عن رينو سيمبول

[m_gody]

اولا احب اشكر الاستاذ : ashrafsadany على مساعدته للناس واللى كنت انا شخصيا واحد منهم لما نويت اجيب السيمبول ... انا الحمد لله العربية معايا بقالها حوالى شهر ونص تقريبا وعملت بيها 1500كم لحد دلوقتى وهقولكوا انطباعى عنها باختصار يمكن اقدر افيد اى حد محتاج مساعدة

انا معايا سيمبول اوتوماتيك لون شامبين وكنت شاريها من الميكانيكيون العرب اللى فى جوزيف تيتو .. انا اخترت العربية بعد عناء وحيرة بين كذا حاجة زى الاكسنت والصنى و الكيا ريو وكذا حاجة فى نفس الفئة السعرية .. بس انا كنت مرتاح للسيمبول و اقتنعت انها احسن كتير من اى حاجة كورى و كان عاجبنى اوى شكلها وتقفيلها وشكل التابلوه وخامات فرش الصالون فاستخرت الله وجبتها
فى الاول كنت متضايق عشان سحبها ضعيف معايا ولو ان فى ناس اكدتلى ان دة فى الاول بس .. وفعلا دلوقتى سحبها ماشاء الله فرق كتيييييييييير عن الاول وبقت جراية اوى .. وناس مجربينها قالولى ان لسة أدائها هيفرق كمان بعد ال3000كم
صوت الموتور وانت واقف بره العربية تحس انه عالى شوية بس وانت جوة ما بتحسش بيه خالص .. دة انا ساعات بكون قاعد جوة العربية و أنسى العربية دايرة ولا لأ أروح باصص على التابلوة عشان اعرف من كتر ما صوت الموتور هادى اوى وانت جوة .. ودة كمان عشان عزل الصوت فى الصالون عن برة هايل

فى صوت دبة بسمعها اما بتنزل بالغيار .. بمعنى انك لو سايق بسرعة وفرملت تحس بنقلة العربية للغيار الاقل فى شكل دبة كدة مش فاهم دى من اية بصراحة ودى الحاجة الوحيدة اللى احتمال اشتكى منها فى صيانة ال5000 ان شاء الله وياريت لو حد عارف دى من اية يقوللى
حاسس ان العربية بتدبدب شوية فى المطبات ... هى طبعا فى المشى ناعمة جدااااااااااا بس مع المطبات بحس بهبدة كدة غالبا طبعا عايزة تربيط عفشة ودى حد قالهالى ان تربيطة العفشة بتاعت الخواجات ما بتبقاش زى التربيطة المصرية المتينة ... بس مش عارف بقى استنى الصيانة وكدة كدة بيربطوها ولا اربطها برة عند اى عفشجى ؟؟؟

الباور بتاع العربية هااااااااايل بجد انا بلف الدركسيون ب صباع واحد بس ...كمان ثبات العربية عالى ولو انى ماجريتش بيها اوى لحد دلوقتى عشان التليين ( يعنى اخرى 100 مثلا ) ... التكييف كمان هايل جدا معرفش لية لقيت ناس بيقولوا عليه مش حلو . انا مفيش مرة شغلته إلا اما ارجع اقلله شوية عشان سقعت

واكتر حاجة عاجبانى فيها المرايات الجانبية كاشفة الطريق كله وراك .. وكمان اللى عاجبنى اوى التحكم فى الراديو والكاسيت من الدركسيون عشان دى حاجة كانت بتلخمنى وتربكنى وانا سايق عربيتى القديمة ... والكاسيت صوته نقى و جامد جدا بالمناسبة
الصالون مساحته معقولة جدا بالنسبة لعيلة ... يعنى ياخد 3 اشخاص ( من الاوزان الطبيعية ) مرتاحين فى الكنبة ... لكن اللى بجد مالوش حل الشنطة مساحتها رهيبة وواسعة جدا .. يمكن تكون اكبر شنطة عربية شوفتها لحد دلوقتى يعنى مثلا النيسان صنى على طولها دة كله شنطتها اقل من السيمبول .. ودى طبعا ميزة للناس اللى غاويين سفر او مجانين شوبينج زيى كدة

.......................


عموما العربية هايلة وانا مبسوط منها جدا ... وياريت محدش يسمع كلام الناس اللى بتقولك كله الا الرينو وابعد عنها عشان دة فكر خاطىء وهيتغير مع الوقت .. وطبعا اكيد الناس حسة رينو السنة دى انتشرت ونازلة بتقلها ازاى بكذا موديل زى اللوجان والفلوانس والسكالا
اخيرا يا ريت أكون قدرت افيد الناس اللى بتفكر تشتريها وغيرت فكرة الناس اللى مش عايزة تشتريها ... واسف على الإطالة

[zeyad_f]

فى صوت دبة بسمعها اما بتنزل بالغيار .. بمعنى انك لو سايق بسرعة وفرملت تحس بنقلة العربية للغيار الاقل فى شكل دبة كدة مش فاهم دى من اية بصراحة ودى الحاجة الوحيدة اللى احتمال اشتكى منها فى صيانة ال5000 ان شاء الله وياريت لو حد عارف دى من اية يقوللى
حاسس ان العربية بتدبدب شوية فى المطبات ... هى طبعا فى المشى ناعمة جدااااااااااا بس مع المطبات بحس بهبدة كدة غالبا طبعا عايزة تربيط عفشة ودى حد قالهالى ان تربيطة العفشة بتاعت الخواجات ما بتبقاش زى التربيطة المصرية المتينة ... بس مش عارف بقى استنى الصيانة وكدة كدة بيربطوها ولا اربطها برة عند اى عفشجى ؟؟؟

الف مبروك عليك السيمبول وربنا يرزقك خيرها ويكفيك شرها , وانا فعلا بفكر في العربية دي جديا وايضا محتار مابينها ومابين الصني بس غالبا انشاء الله هجيب السيمبول لانها عجباني واقتناعي بيها بيزيد كل يوم خصوصا لما بشوف تقيم الناس الي اشروها وجربوها زي حضرتك وزي الاستاذ المحترم اشرف , بجد الناس الي في المنتدي دة محترمين جدا والمعلومات الي فية قيمة جدا.
ياريت تبقي تطمنا علي صوت الدبة الي في الغيار وصوت دبدبة العفشة

[MRG256]

يا باشا طول برحتك
ربنا يحفظهالك من كل سوء
انا بحب العربية دي قوي بجد افضل عربية في فئتها بس لللي يقدرها.
شكراً على التقرير الجميل ده.

[madoo_600]

الف مليون مبروووووووووووووووووووووك

[د.محمود صلاح]

شكراً للتقييم الموضوعي .. وألف مبروك العربية ربنا يكفيك شرها

[ecybrarian]

شكرا للإفادة وعلى التقرير الوافي

[m_gody]

الله يبارك فيكو كلكو يا جماعة ... ومتشكر جدا لدعواتكم وربنا يكفينا جميعا شر الطريق
و انا مبسوط اوى ان التقرير عجبكم مع انى كنت حاسس انه ولا حاجة بالنسبة للتقارير الجامدة اللى المحترفين بيعملوها هنا ... وبجد فعلا الناس هنا كلهم محترمين و عندهم استعداد يفيدوا اى حد ويخدموه بعنيهم .... و دة إدانى أمل شوية ان لسة الدنيا بخير

وعلى فكرة يا استاذ زياد صوت الدبة اللى فى العفشة و الغيار دى مش مقلقة خالص بس انت عارف طبعا الواحد لما بيركب عربية جديدة بيبقى عايز كل حاجة تبقى مافيهاش الهوا .. وزى ما قولتلك هى غالبا ان شاء الله تربيط عفشة مش أكتر
يعنى توكل على الله وهاتها وماتسمعش كلام حد .. وربنا يهديك للى فيه الخير

[Col. Eng. Khaled]

اولا احب اشكر الاستاذ : ashrafsadany على مساعدته للناس واللى كنت انا شخصيا واحد منهم لما نويت اجيب السيمبول ... انا الحمد لله العربية معايا بقالها حوالى شهر ونص تقريبا وعملت بيها 1500كم لحد دلوقتى وهقولكوا انطباعى عنها باختصار يمكن اقدر افيد اى حد محتاج مساعدة

انا معايا سيمبول اوتوماتيك لون شامبين وكنت شاريها من الميكانيكيون العرب اللى فى جوزيف تيتو .. انا اخترت العربية بعد عناء وحيرة بين كذا حاجة زى الاكسنت والصنى و الكيا ريو وكذا حاجة فى نفس الفئة السعرية .. بس انا كنت مرتاح للسيمبول و اقتنعت انها احسن كتير من اى حاجة كورى و كان عاجبنى اوى شكلها وتقفيلها وشكل التابلوه وخامات فرش الصالون فاستخرت الله وجبتها
فى الاول كنت متضايق عشان سحبها ضعيف معايا ولو ان فى ناس اكدتلى ان دة فى الاول بس .. وفعلا دلوقتى سحبها ماشاء الله فرق كتيييييييييير عن الاول وبقت جراية اوى .. وناس مجربينها قالولى ان لسة أدائها هيفرق كمان بعد ال3000كم
صوت الموتور وانت واقف بره العربية تحس انه عالى شوية بس وانت جوة ما بتحسش بيه خالص .. دة انا ساعات بكون قاعد جوة العربية و أنسى العربية دايرة ولا لأ أروح باصص على التابلوة عشان اعرف من كتر ما صوت الموتور هادى اوى وانت جوة .. ودة كمان عشان عزل الصوت فى الصالون عن برة هايل

فى صوت دبة بسمعها اما بتنزل بالغيار .. بمعنى انك لو سايق بسرعة وفرملت تحس بنقلة العربية للغيار الاقل فى شكل دبة كدة مش فاهم دى من اية بصراحة ودى الحاجة الوحيدة اللى احتمال اشتكى منها فى صيانة ال5000 ان شاء الله وياريت لو حد عارف دى من اية يقوللى
حاسس ان العربية بتدبدب شوية فى المطبات ... هى طبعا فى المشى ناعمة جدااااااااااا بس مع المطبات بحس بهبدة كدة غالبا طبعا عايزة تربيط عفشة ودى حد قالهالى ان تربيطة العفشة بتاعت الخواجات ما بتبقاش زى التربيطة المصرية المتينة ... بس مش عارف بقى استنى الصيانة وكدة كدة بيربطوها ولا اربطها برة عند اى عفشجى ؟؟؟

الباور بتاع العربية هااااااااايل بجد انا بلف الدركسيون ب صباع واحد بس ...كمان ثبات العربية عالى ولو انى ماجريتش بيها اوى لحد دلوقتى عشان التليين ( يعنى اخرى 100 مثلا ) ... التكييف كمان هايل جدا معرفش لية لقيت ناس بيقولوا عليه مش حلو . انا مفيش مرة شغلته إلا اما ارجع اقلله شوية عشان سقعت

واكتر حاجة عاجبانى فيها المرايات الجانبية كاشفة الطريق كله وراك .. وكمان اللى عاجبنى اوى التحكم فى الراديو والكاسيت من الدركسيون عشان دى حاجة كانت بتلخمنى وتربكنى وانا سايق عربيتى القديمة ... والكاسيت صوته نقى و جامد جدا بالمناسبة
الصالون مساحته معقولة جدا بالنسبة لعيلة ... يعنى ياخد 3 اشخاص ( من الاوزان الطبيعية ) مرتاحين فى الكنبة ... لكن اللى بجد مالوش حل الشنطة مساحتها رهيبة وواسعة جدا .. يمكن تكون اكبر شنطة عربية شوفتها لحد دلوقتى يعنى مثلا النيسان صنى على طولها دة كله شنطتها اقل من السيمبول .. ودى طبعا ميزة للناس اللى غاويين سفر او مجانين شوبينج زيى كدة

.......................


عموما العربية هايلة وانا مبسوط منها جدا ... وياريت محدش يسمع كلام الناس اللى بتقولك كله الا الرينو وابعد عنها عشان دة فكر خاطىء وهيتغير مع الوقت .. وطبعا اكيد الناس حسة رينو السنة دى انتشرت ونازلة بتقلها ازاى بكذا موديل زى اللوجان والفلوانس والسكالا
اخيرا يا ريت أكون قدرت افيد الناس اللى بتفكر تشتريها وغيرت فكرة الناس اللى مش عايزة تشتريها ... واسف على الإطالة

إن شاء الله هبدة الغيار مش حتلاحظها بعد صيانة 10000 كم أو 15000 كم بالكتير

دبدبة العفشة إن شاء الله بعد إستخدام النيتروجين (حسب مقاس ضغط الهواء الموجود في كتالوج العربية) و تجنب فتي بتوع الكاوتش بالنسبة للمقاس .

[heromiro]

ألف مبروك العربية ربنا يكفيك شرها

[ramy_gamal]

الف مبروك على العربيه وفعلا تقرير ممتاز وربنا يباركهالك

[zeyad_f]

وعلى فكرة يا استاذ زياد صوت الدبة اللى فى العفشة و الغيار دى مش مقلقة خالص بس انت عارف طبعا الواحد لما بيركب عربية جديدة بيبقى عايز كل حاجة تبقى مافيهاش الهوا .. وزى ما قولتلك هى غالبا ان شاء الله تربيط عفشة مش أكتر
يعنى توكل على الله وهاتها وماتسمعش كلام حد .. وربنا يهديك للى فيه الخير

ربنا يطمنك , ويهدينا جميعا للخير والف شكر علي التقرير الجميل دة

[emadhassan]

الف مبروك على العربية وربنا يبارك لحضرتك فيها 0 انا كمان معايا سيمبول من اكثر من شهرين و هى ممتازة وفعلا انا ملاحظ موضوع الدبة عند الغيار و لكن مش قلقان وكنت ناوى ان شاء الله اسأل فى التوكيل مع صيانة ال 5000 0
لكن انا السحب معايا لسة مش كويس مش عارف ليه رغم انى عامل دلوقتى 3000 ك اتمنى انه يتحسن مع الوقت 0
اما العفشة فأظن انها عندك محتاجة تربيط فقط ان شاء الله0

[m_gody]

إن شاء الله هبدة الغيار مش حتلاحظها بعد صيانة 10000 كم أو 15000 كم بالكتير

دبدبة العفشة إن شاء الله بعد إستخدام النيتروجين (حسب مقاس ضغط الهواء الموجود في كتالوج العربية) و تجنب فتي بتوع الكاوتش بالنسبة للمقاس .

متشكر جدا لاهتمامك .. بس انا احترت فى موضوع النيتروجين دة ناس قالتلى ممتاز وبيخلى العربية طايرة مش ماشية ع الارض وناس قالتلى مش فارقة ... بس انا غالبا هسمع كلامك واجربه كدة ان شاء الله

الف مبروك على العربية وربنا يبارك لحضرتك فيها 0 انا كمان معايا سيمبول من اكثر من شهرين و هى ممتازة وفعلا انا ملاحظ موضوع الدبة عند الغيار و لكن مش قلقان وكنت ناوى ان شاء الله اسأل فى التوكيل مع صيانة ال 5000 0
لكن انا السحب معايا لسة مش كويس مش عارف ليه رغم انى عامل دلوقتى 3000 ك اتمنى انه يتحسن مع الوقت 0
اما العفشة فأظن انها عندك محتاجة تربيط فقط ان شاء الله0

الله يبارك فيك يا استاذ عماد وربنا يباركلك فيها انت كمان ويكفيك شرها ... وماتقلقش من موضوع السحب دة هتلاقيه بيتحسن مع الوقت انا بحس بكدة
وبالنسبة للعفشة انت تنصحنى انى استنى صيانة ال5000 كم .. ولا أربطها فى اى حتة برة !!؟؟
واية رأيك فى موضوع النيتروجين دة ؟؟ مجربه !!؟؟

[gazzar91]

تقرير ممتاز بس بالنسبة لموضوع الصالون.. هو فرشه جميل قوي و الطارة المالتي تجنن بس أنا جربت أقعد فيها لما كنت رايح أسلم عالناس في الميكانيكيون...... عملت زي القنفد عشان أدخل فيها لأن أنا طويل شوية و جيب البنطلون إتقطع من اللي كان فيه لما دخلت و علبة السجاير إطبقت
و لما رجعت الكرسي بحيث إنه يبقى مناسب ليا جيت أقعد ورا حصل نفس اللي حصل في الأول
بس أنا بموت فيها رغم كل ده بحب أتفرج على خطوطها قوي... جميلة جداً جداً و موفرة في البنزين و سحبها يجنن -على حد ما سمعت- 98 حصان كثير بالنسبة لمحرك 1400 سي سي.
ألف مبروك عليك و ربنا يديك خيرها و يكفيك شرها.. بس نصيحة لوجه الله ماترميهاش برة التوكيل عشان العربيات دي لما بتطلع برة بتتهان.... في توكيلات كتير ليها زي الميكانيكيون و مصطفى الزيني و العبور..... خد بالك منها

[ashrafsadany]

الف الف مبروك ربنا يعطيك خيرها ويكفيك شرها ويباركلك فيها وشكرآ على زوق حضرتك واتمنى ان اكون كنت امين فى نقل مميزات العربية وعيوبها واحب اطمن حضرتك ان انتا كل ماتمشى بلعربية كل مهتلاقيها بتتحسن جدآ فى العفشة ونعومة الفتيس وسرعة الاستجابة لطبيعة سوقتك وعندى مفاجئة لملاك السيمبول والكليو انا ركبت انزار ولف وقدرت اشغل الشنطة منو كهربا عند واحد محترف ممكن افتح الشنطة بالريموت وفى نفس الوقت حافظت على المفتاح الاساسى فى البيت لانى بستخدم المفتاح الاستبن مع ريموت الجهاز وخواص تانية ممتازة كتيير زى الغلق الاوتماتيكى للسنتر بمجرد الضغط على الفرامل والفتح بمجرد اغلاق الموتور