رابطة حائزى الفلوينس

[ashraf1112]

ازاى ياجماعة العربية بتقفل من الريموت والمفتاح جواها انا جربت الموضوع دة ماقفلتش خالص وحكاية ال dead lock لازم تلغى خاصية قفل الابواب اوتوماتيك قبل ماتشغلها.
وكان لى استفسار عن زراير الشبابيك هل الاربعة تاتش ولا الامامى فقط

[melmegharbel]

الأمامى فقط

[Hany Saad]

شوف اى عربية بيتكسر زجاجها ممكن تتفتح من جوة و حتى لو فيها انذار حيضرب لما يفتح الباب و بعدين يسكت لما يقفل الباب انا معرفش الفئة بتاعة حضرتك اللى بمفتاح بريموت مش بكارت زيى نظامها اية بس بردة حتى لو الباب اتفتح مش ممكن تدور من غير مفتاحها و كمان انت بتقول انك قفلت بالريموت و انت جوة العربية و معاك الريموت مش يمكن يكون دة هو السبب اللى خلى العربية تفتح من جوة لوجود الريموت لو عايز تجرب صح ادى الريموت لحد (تعرفوا طبعا) و خلية يقفل العربية و انت جواها و يمشى بعيد و بعد كدة حاول تفتح العربية من جوة و بعدين انا كنت قريت فى الكاتالوج ان فية نظام اسمة dead lock و دة اللى بيخلى العربية ما تفتحش من جوة ولا من برة و تشغيلة يتم بانك تدوس على زرار الغلق اللى فى الريموت مرتين متتاليتين ورا بعض وكدة مش حتفتح لا من جوة و لا من برة علشان تفتح لازم تضغط على زر الفتح من الريموت جرب الحاجتين دول و قولى على النتيجة

بالنسبة لتجربتى مع الميجان ii و موضوع الdead lock المفروض ريموت الميجان لو دوست على زر القفل مرتين متتاليتين العربية كلها تقفل و وحدات الرفع فى الزجاج تشتغل و ده شغال تمام.... و كان مكتوب كمان عن موضوع الdead lock و هو عدم إستطاعتك فتح العربية من الداخل و لكن للأسف الميجان اللى نزلت مصر مكنش فيها خاصية الdead lock مع إنها مكتوبة فى الكتالوج مع العلم إنها كانت شغالة فى إنجلترا....

[maea]

السلا عليكم انا لو سمحت كنت عايز اسأل هي الفئة الي سعرها 135 الف فيها بلوتوث وستيب ترونيك وفرش جلد في قماش ولا لأ ومتشكر ليكم جميعا وعلي الرابطة الجميلة

[bukla]

السلا عليكم انا لو سمحت كنت عايز اسأل هي الفئة الي سعرها 135 الف فيها بلوتوث وستيب ترونيك وفرش جلد في قماش ولا لأ ومتشكر ليكم جميعا وعلي الرابطة الجميلة

فيها كل اللى انت قولتة و الشكر لله

[tarek7elmy]

وحدة رفع فى الفلوينس

بالنسبة لتجربتى مع الميجان ii و موضوع الdead lock المفروض ريموت الميجان لو دوست على زر القفل مرتين متتاليتين العربية كلها تقفل و وحدات الرفع فى الزجاج تشتغل و ده شغال تمام.... و كان مكتوب كمان عن موضوع الdead lock و هو عدم إستطاعتك فتح العربية من الداخل و لكن للأسف الميجان اللى نزلت مصر مكنش فيها خاصية الdead lock مع إنها مكتوبة فى الكتالوج مع العلم إنها كانت شغالة فى إنجلترا....

ينفع يركب وحدة رفع فى الفلوينس و بكام لو حد يعرف و نظام انذار

[maea]

شكرا جدا يا بوكلا علي سرعة الرد وهيا العربية عاملة معاكم اية لحد دلوقتي لاني صرفت نظر عن السيراتو والكارينز كمان بس انا بطلب من الاستاذ كريم منير ان يتعمل قسم خاص للفلوانيس داخل رينو علشان تبقي المواضيع اكثر وانشط من كدة مع اني عارف ان الاستاذ بوكلا والسادة الاعضاء وملاك العربية قايمين بالواجب وزيادة وبيردة علطول علي الاستفسارات وشكرا ليكم

[heromiro]

أنا العربيه الحمد لله عامل بيها 3500 كيلو وسافرت بيها 3 مرة الساحل مفيش أي شكوى منها خالص
جبت بيها 170 وكانت هايلة قوي ماشاء الله
بس أنا ليه ملحظه ان الموتور بطيء في التجميع شوية

[bukla]

شكرا جدا يا بوكلا علي سرعة الرد وهيا العربية عاملة معاكم اية لحد دلوقتي لاني صرفت نظر عن السيراتو والكارينز كمان بس انا بطلب من الاستاذ كريم منير ان يتعمل قسم خاص للفلوانيس داخل رينو علشان تبقي المواضيع اكثر وانشط من كدة مع اني عارف ان الاستاذ بوكلا والسادة الاعضاء وملاك العربية قايمين بالواجب وزيادة وبيردة علطول علي الاستفسارات وشكرا ليكم

الشكر لله
انا عامل 3800 كيلو و لسة واصل الساحل امبارح ما شاء الله العربية على الطريق ممتعة و استهلاكها فى البنزين ممتاز انا كنت محمل 5 افراد بالغين غيرى و الشنطة مليانة على الاخر و مقفولة بالعافية و مشغل التكييف و العربية عملت حوالى 300 كيلو فى الصفيحة

[ahmed92]

الشكر لله
انا عامل 3800 كيلو و لسة واصل الساحل امبارح ما شاء الله العربية على الطريق ممتعة و استهلاكها فى البنزين ممتاز انا كنت محمل 5 افراد بالغين غيرى و الشنطة مليانة على الاخر و مقفولة بالعافية و مشغل التكييف و العربية عملت حوالى 300 كيلو فى الصفيحة

بسم الله ماشاء الله
بس سؤال حضرتك بتحط بنزين 92 ولا 95

[bukla]

بسم الله ماشاء الله


بس سؤال حضرتك بتحط بنزين 92 ولا 95

بستعمل بنزين 95

[ahmed92]

اليوم اتصل بيا معرض محمد زكى واخبرنى ان الدفعة القادمة فى الطريق موديل 2011
الحمد لله وأن شاء الله يكون صادق واستلم عن قريب

[amrden]

يااارب عشان انا حاجز موديل 2011 من عند الطارق و المفروض استلم على اخر الاسبوع

[ahmed92]

يااارب عشان انا حاجز موديل 2011 من عند الطارق و المفروض استلم على اخر الاسبوع

الظاهر الموضوع جد
لسة قافل معايا معرض محمد زكى وقالى هات الفلوس وتعالى بكرة الاحد 18-7-2010 علشان استلم موديل 2011
المشكلة انى بالعريش وصعب اخد اجازة الاسبوع دة والموضوع جة على غفلة

[amrelserw]

السلام عليكم
أنا كنت امبارح راكن فى جراج جنب مستشفى النزهة و جامع الصديق فى الشيراتون فلقت كمية فلوينس تزيد عن 30 عربية فسالت العامل من صاحب العربيات دى فقالى معرض السبع و لسة جايبهم النهاردة الصبح.
ربنا يكرمكم بيها ان شاء الله