بشرى الى ملاك الكليو والسيمبول

[ashrafsadany]

انا قمت بتجربة ممتازة حبيت انقلهلكم وهيا تركيب جهاز انزار للسيارة والفوائد المترتبة على ذلك
1 الغرض الاساسى هو ان يكون فى انزار صوتى للسيارة لعدة اسباب اولآ ان محدش يجلس على العربية او يتعامل معاها على انها طربيزة وما اكثر هؤلاء الاغبياء الى معندهمش ضمير ربنا يرحمنا منهم
ثانيآ عند فتح او غلق السيارة بالانزار الصوتى ووجود زورار للفتح يختلف عن زورار الغلق دا بيكون اسهل كتيير من الاول كنت متطر ابص للاشارة علشان اعرف هيا فتحت ولا قفلت ويا سلام لو بلنهار كنت لازم اتأكد بنفسى لانى مشايف الاشارة
2 وهو من اهم الخواص المفيدة جدآ للجهاز هما وجود 2 ريموت ودا اهميته ان المفتاح الاصلى للسيارة بلريموت ثمنه 900 جنية ولازم تروح التوكيل علشان يبرمج الريموت لاكن مع الجهاز مشمحتاج اكثر من استخدام الاستبن والمحافظة على المفتاح الاساسى فى البيت لانى بستخدم ريموت الجهاز ولو حبيت اعمل نسخة الموضوع مشهيكلفنى ان شاء الله اكثر من 150 جنية ثمن مفتاح مشفر عن اى حد
3 امكانية فتح الشنطة من الريموت ودى حكاية ممتازة وخاصية مفيدة جدآ وخاصة مع السيمبول لان ناس كتيير مبتبقاش عارفة مكان فتح الشنطة وخصوصآ بتوع كرفور عند التفتيش او سياس الجراجات
4 الغلق الاوتماتيكى للسيارة بمجرد السير والضغط على الفرامل والفتح الاتوماتيكى بمجرد اغلاق موتور السيارة دى اهم خواص تركيب جهاز النزار والى من نوع وولف بضمان 5 سنوات وتكلفة 320 بخاصية فتح الشنطة ووحدة سنتر اضافية لتقوم بفتح الشنطة عن طريق الرموت بضغطة مطولة 5 ثوانى على زورار الفتح ولكم منى اطيب التمنيات بحياة كريمة
تم نقل التجربة للافادة وشكرآ

[gebreel]

طيب ده شئ رائع جدا عقبال ما يعملوا كدة في اللوجان و سعرو مش غالي خالص

[ashrafsadany]

ازيك يا اخى عامل اية اعتقد ممكن الكلام دا يحصل للوجان بردة الراجل الى عملت عندة ممتاز بصراحة هوا فى الهرم والى اعرفة ان فى ميزة اضافية فى اللوجان ان ممكن يتركب وحدة رفع للزجاج الكهربا وفى الحالة دى هتزيد خاصية رفع الازاز مع الغلق من الريموت وللاسف لا يمكن تركيب وحدة رفع للسيمبول علشان ازازها على كتاوت ودا لا يصلح معاة وحدة الرفع المتاحة فى اسوقنا كان نفسى اركبها

[zeyad_f]

شئ رائع جدا , بس مش دة يخرج العربية من الضمان ؟

[gebreel]

انا الحمد لله بخير بس ادعيلي علشان اخلص مشروع التخرج على خير بس انا كنت فاكر انك عملت الموضوع ده في التوكيل لأن واحد اعرفوا ركب برة انذار و وحدات رفع في اللوجان و العدادات مبقتش شغالة دبسوها في الانذار و وحدات الرفع و دفعوه 1000 جنيه تصليح التابلوه

[ashrafsadany]

ربنا ييسر لك احوالك ويعينك على الخير
ممكن يكون عمل الموضوع دا عند حد مش محترف فبوظ الدنيا لاكن الحمد لله الراجل الى عملى الموضوع دا زى الفل ورجع كل حاجة فابريكة
بلنسبة لسؤال حضرتك يا بشمهندس زياد كنت سألتهم قبل كدا وانا بركب الباركنج سنسور وقالولى ان الجزء الزى تم فية الشغل بس هوا الى هيخرج من الضمان يعنى لو فى مشكلة تخص المنطقة الى تم التوصيل عليها بتخرج من الضمان لاكن باقى الاجزاء سارى الضمان عليها ربنا يسترها معانا جميعآ

[zeyad_f]

ربنا ييسر لك احوالك ويعينك على الخير
ممكن يكون عمل الموضوع دا عند حد مش محترف فبوظ الدنيا لاكن الحمد لله الراجل الى عملى الموضوع دا زى الفل ورجع كل حاجة فابريكة
بلنسبة لسؤال حضرتك يا بشمهندس زياد كنت سألتهم قبل كدا وانا بركب الباركنج سنسور وقالولى ان الجزء الزى تم فية الشغل بس هوا الى هيخرج من الضمان يعنى لو فى مشكلة تخص المنطقة الى تم التوصيل عليها بتخرج من الضمان لاكن باقى الاجزاء سارى الضمان عليها ربنا يسترها معانا جميعآ

امين يا رب , شكرا علي افادة حضرتك يا دكتور اشرف , بس يعني تركيب الانذار مثلا زي الي حضرتك عملتة اية هية الاجزاء الي تخرج من الضمان ؟

[gebreel]

امين يا رب , شكرا علي افادة حضرتك يا دكتور اشرف , بس يعني تركيب الانذار مثلا زي الي حضرتك عملتة اية هية الاجزاء الي تخرج من الضمان ؟

ضفيرة الكهرباء بس

و ده في حالة حدوث اي مشكلة مش اكثر

[ashrafsadany]

ضفيرة الكهرباء بس

و ده في حالة حدوث اي مشكلة مش اكثر

++++111111111

[emadhassan]

استاذ اشرف هل حضرتك متاكد من معلومة ان السيمبول لا يركب لها مكن زجاج 0
انا سألت واحد كهربائى كنت باتعامل معاه من زمان فى عربيتى الادا وهو اكثر من ممتاز وقال ان ممكن يركب انذار نوعه كوبرا وميزة النوع ده انه حيشتغل على مفتاح الريموت بتاع السيمبول ومش محتاج الممفاتيح التى تكون مع الأنذار يعنى حفضل استخدم مفتاح الزيرو
كمان قالى ممكن اركب ماكينة رفع للزجاج واحدة بس لرفع الأربع ابواب وليس ماكينتين الأنذار سعره 220 وماكينة الزجاج 90 والتركيب 90 جنيه
انا كنت سالت فى كلاريون عندنا فى اسكندرية اللى قدام نادى سموحة وقللى سعر ماكينة الزجاج دى سعرها 100 جنيه و برضه قاللى ينفع تركب عنده بس مش فاكر سعر التركيب 0
كمان سألت فى التوكيل بعد ما أستلمت العربية مباشرة فى شهر فبراير وقالولى أجيب لهم مكن الزجاج وانهم حيركبوه و محدش قاللى مينفعش 0
هل الأفضل اركب انذار يشتغل مع مفتاح العربية الأصلى و لا اركب انذار بالريموت بتاعه و معاه ريموت أضافى وساعتها ننسى ريموت الزيرو0

[ashrafsadany]

انا شايف ان استخدام ريموت الجهاز افضل حفاظآ على الريموت الاصلى وخصوصآ انة غالى وبعدين انا مريت بنفس التجربة وبعد ماركبنا المكنة بتاعة الرفع بقت تقفل الازاز الى النصف بس وتفسيير الكهربائى ان الازاز بتاع العربية على كتاوت ولما رحت لواحد تانى قالى نفس الكلام واعتقد ان ماركة وولف مضمونة ومعروفة فى السوق عن الكوبرا

[emadhassan]

على فكرة انا أتصلت بالتوكيل النهاردة و تأكدت من مهندس الصيانة ان مكن الزجاج ممكن يركب فى السيمبول و كمان تأكدت من موضوع الماكينة الواحدة اللى نوعها سيمفونى اللى بتقفل كل الزجاج وهو أكد لى ان المكن بيركب عادى وانى لو ركبت خارج التوكيل حيخرج الجزء اللى حصل فيه الشغل من الضمان .