سيارتي الرينو كليو

[nodey]

السلام عليكم ورحمة الله معكم اخوكم ابو خالد مقيم بالسعودية معي رينو كليو 1.4 2004 جير اتو من 3 ايام انكسرت بلية العجلة الامامية وطبعا كالعادة لم اجد بلية مشابهة ليها في المكان اللي فيه وللاسف الجزء اللي بتتشحط فيه البلية بيه بوش والميكانيكي قال لازم الهوب الصغير ده اللي بتركب عليه البلية شحط يتغير وللاسف سعره هنا بالتوكيل مع البلية 1500 ريال حاجة ولا في الخيال اقدر اعرف سعره كام في مصر بالتوكيل وخارج التوكيل وشكرا لحضراتكم ودي صور للجزء المذكور


ارجو الافادة الله بيارك فيكم

[renualt_engineer]

اخى العزيز هى الصوره للظرف وهو راكب
وهل انت ممكن تشيل الظرف ده بايدك يعنى مش ماسك
ياريت الرد وكمان ممكن صوره للظرف من الخلف من اتجاه البليه

[nodey]

شكرا لحضرتك يا بشمهندس معلش دي كل الصور اللي قدرت اصورها للموضوع وربنا يسترها واخلصها وزي ما حضرتك قلت اني اقدر اشيل الضرف واركبه علي اكس الهوب الصغير اللي ينكبس فيه البلية وده والهوب ده سعره بالتوكيل 1000 ريال غير سعر البلة 500 ريال
ومعظم الميكانيكية اللي شوفها قالوا لازم الهوب الصغير يتغير مع البلية
وده باقي الصور




شكرا لحضرتك وارجو ان تدلني علي ما يجب ان اجيبه من مصر من بلي وهوب صغير للناحية اليمين لاني حاسس انها هتعمل كدا بعد كام شهر وانا منتظر رد حضرتك وما هي طريقة التشحيم الصحيحة للبلي ده ونوع الشحم المستخدم عادي ولا في نوع معين وكام سعر الجزء ده كامل بالبلية في توكيل مصر
شكرا

[renualt_engineer]

حضرتك ما جوبتنيش هل الظرف الموجود ممكن تشيله وتركبه بايدك
علشان البليه شكلها فكت من بعضها اما الركبه اللى معاك لازم الخراط هو اللى يشوفها وعلى العموم لو فى حد عندك بتاع رلمان بلى ممكن تسأله عن بليه snr 3787 هو ده رقمها او البديل من شركه تانيه ولما تجيبها ودى الحاجه للخراط وهو حيعرف اذا كنت محتاج تغير الركبه كلها ولا لآ
ارجو ان تتابع معى للحل ان شاء الله

[nodey]

شكرا لحضرتك معش انا اسف لاني مش عندي الخبرة الميكانيكية قوي وكمان مسميات المكانيكية هنا ربما تختلف عن عندنا بمصر عموما نعم الظرف الموجود ممكن تشيله وتركبه بايدك وهنا محل رمان بلي ما وجدت عنده بلية ليها لكن هحاول اسال عن محل تناني لاني تقريبا في منطقة مشابهة كدا للواحات الخارجة الداخلة بمصر والله يعين بس اكرر شكري لحضرتك وهل ممكن اجد مثل هذه القطع بالتوكيل في مصر وتتوقع كم بيكون سعر الظرف كامل بالبلية بحيث يركب علي طول شكرا

[عمرو عمارة]

أنا لسة مغير البلية الأمامية بالأمس ( snr بـ170جم ) ولما الخراط فك البلية القديمة بالماكينة الهيدروليك البلية فكت من بعضها وكانت زي إلي في الصورة بضبط......والجزء بتاع البلية إلي راكب في الهوب كان لازم يتقطع بصاروخ عشان يفك منها

إزاي الميكانيكي بتاعك قالك إن الهوب ده في بوش ؟......لو فيه بوش فعلاً باقي جزء البلية إلي راكب فيها هيفك بسهولة منها

[nodey]

اشكركم يا اخوان والحمد لله علي كل حال تم التوصل الي مكان زي الحرفيين عندنا بمصر موجود بجدة وتم التواصل مع احد الاشخاص الافاضل مث حضراتكم وشحن لي الجزء كامل ( الهوب راكب عليه البلية ومعاه جزء حديد كبير ليه بروز زي الذراعين كدا وركبها الميكانيكي مباشرة بمسامير وتم التحشحيم من الخارج والحمد لله ) سؤالي لحضراتكم ما هو سبب ظهر صوت صفير من العجل الخلفي مع العلم اني روحت لميكانيكي مكنش فاهم قوي وقم لجلش علي فرامل اليد من عند العجل الخلفي ومن ساعتها بعد مشوار يظهر الصفير طبعا مع حرارة الجو 50 شكرا لكم وارجو التوجيه للحل خوفا من تكرار مشكلة العجلةالامامية