لوعايز اشتري ميجان مستعملة 2008 اعمل ايه ؟

[aassdd]

سلام عليكم يا شباب. . .
انا معايا 75000 وكان نفسي في ميجان لاني بيعت ستروين اكسارة وعارف يعني ايه عربية فرنساوي وقلت الميجان تبقي موديل 2008 بحيث انها تبقي عددها قليل وكمان عشان ابقي تلاشيت كل العيوب في المديلات الاسابقة "دا ان كان فيه"

انا عايز اعرف مين احسن حد اروحلة عشان انا مرعوب من فكرة اني اشتري عربية مستعملة وحاسس ان لازم هيضحك علية .... انا اسف لكلام الكتير .... شكراَ

[aassdd]

وإيه النصايح الي تنصحوني بيها في الموضوع كاكل "صح ولا بلاش" ولو صح اشتريها ازاي واعمل اييه واكيد هكشف عليها في التوكيل

[M.Radwan]

ياريت واحد وحش حقيقى كده يخش يفصل الموضوع ده
الله يكرمكم لان الميجان بتلعب فى دماغي جامد برضة
وعايز أعرف الفئات بتاعتها والأسعار

[tito85]

وانا كمان عاوز ميجان 2008 بس برضه خايف يتضحك على عشان المستعمل دايما مش مضمون

[ramykimo]

و انا كمان

[eng/muhamad]

بص يا باشا الميجان عربيه جميله جدا و طبعا 2008 هيكون افضل
لكن المبلغ اللى مع حضرتك ميجيبش عربيه 2008 حالتها حلوه
لو عاوز عربيه 2008 حالتها كويسه هتكون فى حدود 85000
و فى عربيتين 2008 معروضين على كار 100 100
Renault megane
اول واحده دى واضح انها كويسه و حالتها حلوه صاحبها طالب 91000
Renault megane
و دى واحده تانيه صاحبها طالب فيها 92000 مع انها فئه أقل من الاولى

[Sharky]

صعب تلاقى موديل 2008 حالتها حلوة بالسعر دا
موديل 2008 النضيف بيعمل فى التسعينات

[د.محمود صلاح]

تابع البحث لأن الحالة الجيدة نادرة وبمبلغ محترم

[M.Radwan]

صعب تلاقى موديل 2008 حالتها حلوة بالسعر دا
موديل 2008 النضيف بيعمل فى التسعينات

استاذ شاركي انت بسم الله ما شاء الله ملك مواضيع الميجان فى المنتدى

انا الحمد لله اشتريت لوجان من شهرين تلاته كده بس مش ناوى أخليها
معايا كتير وعايز لما أغير أجيب ميجان بحيث انى مخسرش فرق
فلوس كتير لو اللوجان قعدت معايا فترة طويلة، عشان أقدر اجيب
ميجان نضيفة.
أنا عايز أسألك بقى هل التفكير ده سليم؟
ولا اخلينى فى اللوجان وخلاص خصوصا انى جايبها زيرو؟
هل الفرق يستاهل انى اضحى واجيب الميجان؟
وبالنسبة للأسعار لو اتكلمنا من 68-73 كده دول يجيبوا
ميجان عاملة ازاى وموديل كام؟

معلش يا باشا هغلبك معايا شوية
بس دى ضريبة لقب وحش اللى أخدته لما اشتريت رينو

[أبو_يوسف]

يا ريت الوحوش يعرفونا ايه الفروق بين موديلات لحد 2006 وبين الموديلات اللي بعد كدا من 2007

[Sharky]

من الاخر لو حتقدر على فرق الصيانة بين الميجان و اللوجان يبقى توكل على الله و خاصة ان فرق الأوبشن و الرفاهية بين الإتنين كبير

بالنسبة للمبلغ اللى معاك يجيب ليك ميجان 2005 أو 2006 بحالة نضيفة
و زى ما قال دكتور محمود صلاح الميجان المعروضة فى السوق معظمها حالتها مش حلوة و اللى حالتها حلوة بتبقى قليلة و سعرها عالى

[أبو_يوسف]

يا ريت الوحوش يعرفونا ايه الفروق بين موديلات لحد 2006 وبين الموديلات اللي بعد كدا من 2007

لتاني مرة

[M.Radwan]

اللى اعرفه يا باشا انها بتختلف فى شكل الشبكة الأمامية
ونور التابلوه بيبقى أبيض بدل الأورنج فى الموديلات اللى نزلت ابتداء من أواخر 2006

[renualt_engineer]

والله يا اخوانى انا فى رحله بحث عن ميجان فى حاله جيده ويوم الخميس اتفرجت على واحده سيدان كامله وواحده هاتشباك برده واعتقد ان الحاله جيده جدا على حد قول الناس اللى شافوهم بس للاسف انا الفلوس ما كمليتش لانى مع 65000 وهما كانوا طلبيين 72-70 وحاولت معاهم كتير بس لكل اخوانى دوروا حتلاقوا بس مش من السوق او المعارض لانى شوفت معارض بتلعب فى العداد وبتخبى العيوب
الله معاكم

[M.Radwan]

والله يا اخوانى انا فى رحله بحث عن ميجان فى حاله جيده ويوم الخميس اتفرجت على واحده سيدان كامله وواحده هاتشباك برده واعتقد ان الحاله جيده جدا على حد قول الناس اللى شافوهم بس للاسف انا الفلوس ما كمليتش لانى مع 65000 وهما كانوا طلبيين 72-70 وحاولت معاهم كتير بس لكل اخوانى دوروا حتلاقوا بس مش من السوق او المعارض لانى شوفت معارض بتلعب فى العداد وبتخبى العيوب
الله معاكم

كانوا موديل ايه يا باشا
واتفرجت عليهم فين؟