أرجو النصحية .. رينو سينيك

[miroscenic]

شباب السلام عليكم
أنا مقبل على شراء رينو سينيك 2001 أتوماتيك
العربية حالتها هايلة، وكمان فيها ميزة رائعة أني هشتريها من صديق مقرب لوالدي ومربيني على ايده
أنا بصراحة حابب العربية جدا، وارتحت لها نفسيا
بس حابب آخد رأيكم فيها .. ولو حد جرب قيادتها ينقل لي خبرته
ايه الحاجات اللي محتاج أخلي بالي منها
موضوع قطع الغيار ده ناس كتير خوفتني منه عايز أعرف برضه خبرتكم في الموضوع ده

[gebreel]

ممكن تشوف احمد كمال معاه العربية دي ابعتلو على الخاص و هو مش هيتأخر عليك و متنساش تكشف عليها في التوكيل حتى لو من صاحبك

[miroscenic]

شكراااااااااا يا زعيم :)
وبالنسبة للكشف في التوكيل صاحبي قال لي كده برضه :)
قال لي قبل ما تاخد العربية نروح تكشف عليها

[shark_3li]

حبيب قلبي يا ابو ادم ربنا يخليك علي الكلام الجميل الي انتا كاتبه محدش يستغرب يا جماعة اصل انا صديقه الي الي هياخد مني العربية.

[miroscenic]

علي يا جميل .. أنا ماقلتش حاجة غير الحقيقة
وهو صاحبي ابن صاحب والدي اللي ربنا كرمني بيهم

[gebreel]

ربنا يديم المحبة بينكم يا رب

[miroscenic]

ربنا يجازيك خير يا جبريل :)
بإذن الله لما ربنا يتمم بخير في موضوع العربية هتكون تاني حاجة حلوة يعملها معايا علي بعد ما عرفني على الموقع الرائع ده بالناس المحترمة اللي فيه
ده طبعا غير حاجات تانية كتير هو عارفها :)

[miroscenic]

صحيح يا جبريل
أنا بعت رسالة خاصة لأخونا أحمد كمال بس بعدين مالقتش حاجة في صندوق الصادر، قلقان تكون الرسالة ماتبعتتش
ولا المنتدى هنا مش بيسجل الرسائل الصادرة؟
معلش لو تعبتك

[gebreel]

و الله يا باشا انا مش عارف حتى انا بعت لحضرتك رسالة علشان اشوف لقيتو بعتها و سجلها عادي
ممكن يكون الصندوق بتاعو مليان فعلشان كدة مبيستقبلش حاول معاه مرة تانية لكن انا مش عارف ايه السبب

[ramykimo]

ممكن اعرف سعر العربية دى كام؟؟؟ انا قدامى واحدة برضو