الحمد الله ميجانتي ركبت الرصيف

[miroscenic]

الحمد لله على سلامتك يا زعيم
آسف لو مش هعرف أفيدك في موضوع الأسعار لأني لسه مستجد تماما في عالم الرينو
بس بالتوفيق يا رب .. خدها حاجة حاجة كده وربنا يعوض عليك

[Sharky]

قدر الله و ماشاء فعل

لكن للأسف توقع مبلغ كبير للإصلاح نتيجة لفتح الإتنين الإيرباج
على ما أعتقد لن تقل عن 30 - 35 الف

[renualt_engineer]

الموضوع ان شاء الله اقل من كده ....
على العمموم التابلوه بيعمل فى حدود 3500-4000 جديد
الكبسوله ممكن استيراد فى حدود 1500-2000
ايرباج التابلوه 700 استيراد والكمبيوتر بتصلح عند واحد فى الدقى بتكلف 600 جنيه وادى التكلفه معتقدش انها كبيره اما التوكيل طبعا اكتر من كده كتيييير
والحاجات ممكن من اماكن كيير

[ecybrarian]

الموضوع ان شاء الله اقل من كده ....
على العمموم التابلوه بيعمل فى حدود 3500-4000 جديد
الكبسوله ممكن استيراد فى حدود 1500-2000
ايرباج التابلوه 700 استيراد والكمبيوتر بتصلح عند واحد فى الدقى بتكلف 600 جنيه وادى التكلفه معتقدش انها كبيره اما التوكيل طبعا اكتر من كده كتيييير
والحاجات ممكن من اماكن كيير

التابلو تقصد حضرتك الفبرة إللي فوق الايرباج بس ولا التابلو كله بالزراير وهويات ومواسير التكييف وكدا؟ ودا سعر التوكيل ولا خارج التوكيل؟ اصل على حد علمي إن تابلو التكييف التاتش غير تابلو التكييف البكر من حيث الهويات

[renualt_engineer]

لا القشرة بس الايرباج بيفتح القشره انما الباقى زى ما هو
والسعر بره التوكيل وفى حد هنا عامل اعلان لقطع غيار الرينو ممكن تساله

[human]

قدر الله و ماشاء فعل
الحمد لله انك سليم
و ربنا ييسرك و يوقفلك ناس كويسه

[megane_man]

الحمد الله وقدر الله وماشاء فعل التوكيل بلغني ان تكلفة الأصلاح 72 الف جنيه مش عارف ليه بكرة الصبح رايح اشوف المقايسة

[gebreel]

الحمد الله وقدر الله وماشاء فعل التوكيل بلغني ان تكلفة الأصلاح 72 الف جنيه مش عارف ليه بكرة الصبح رايح اشوف المقايسة

لا حول ولا قوة الا بالله كثير قوي ده والد واحد صاحبي معاه باسات عمل حادثة بسيطة فتحت ال2 ايرباج و كسرت قنطرة امامية مع فانوس وشبكة و طبعا احزمة امان و اتكلفت 50000 في التوكيل و موديل السنة اللي فاتت و الماني

طمنا يا باشا

[elassar2010]

الحمد لله على السلامة قدر الله ماشاء فعل

[etsh1413202]

72 الف جنيه!!!!!!!!!!!!!!!!!!!!!!!!!!!!!!!!!!!!!!!!!!

ربنا يعينك والله والف حمد الله على السلامه.

حسبي الله ونعم الوكيل

[nodey]

اهم حاجة حضرتك تكون بخير كل شئ يعوض والله يكتب لك الخير والحمد لله علي كل شئ قدر الله وما شاء فعل

[ecybrarian]

حضرتك محتاج واحد خبير تجديد سيارات (متخصص في الرينو) خارج التوكيل يظبط لك الموضوع دا..بص بقى انا هاجيب لك من الآخر، اكتر ناس ممكن يساعدوك في الموضوع دا هم:
- العقيد خالد (معاه ميجان برضه ومافيش حد بيتعامل مع صيانة الميجان في مصر ما يعرفوش) http://www.nilemotors.net/Nile/118993-a.html
- المهندس طلعت (مستورد لقطع غيار الرينو ما بيصلحش عربيات بس الحقيقة الراجل متعاون جدا وممكن يدلك تعمل ايه) http://www.nilemotors.net/Nile/128397-a.html
وبرضة ايمن momo10000 و renualt_engineer فاهمين جدا في الموضوعات دي

تليفون صغير للعقيد خالد (مثلا) وشوف هاتعمل ايه..وربنا يوفقك

[human]

لما العربيه خبطت من قدام فى عمود اعلانات رحت للمهندس زين فى فرينش موتورز
لو تحب اكلمهولك او اديك رقمه و نشوف ممكن نعمل ايه
الراجل كويس و هيجيب استيراد او جديد على حسب و ممكن يدلك تجيب منين و هما فاهمين كويس جدا يعنى يعرفوا كل حته هتتركب ازاى من غير وجع قلب ولا تجربه

[ahmedbasto]

قدر الله وماشاء فعل لو المقايسة غالية حضرتك ممكن تشوف العقيد خالد

[megane_man]

تم الأتصال بالمهندس طلعت والعقيد خالد وممتصورش الواحد ارتاح اد ايه لما كلمتهم واتفقنا اني اكلمهم بعد ماشوف المقايسة في التوكيل
علي فكرة التوكيل قالولي انهم ممكن ياخذو المصنعية بص وانا أجيب الحاجات الي في المقايسة من بره والمصناعية كلها 5 الاف جنيه
ياريت باخواني تدعولي والي يعرف حد في التوكيل ياريت يكلمهولي
العربية بأسمي "روبي محمود السيد"