درجات الحرارة المتوقعة اليوم 45 درجة

[M_samir]

النهاردة الصبح صحيت زى كل يوم الصبح عادى جدا وسمعت ف الراديو ان درجة الحرارة 43 درجة مئوية طبعا ولا همنى معايا التكييف فى الميجان شغلتو الصبح وانا رايح الموقع على الصحراوى وكان 100100 المهم خلصت الموقع وطلعت شغلت التكييف برضو 100100 وقفت اشترى حاجة ساقعة من على الدائرى وانا راجع قولت ارتاح واريح العربية شوية من الحر الجامد دا المهم بعد ما ارتحت شوية قولت اشغل التكييف بقى بعد ما ادور العربية التكييف ما اشتغلش واقصد بالضبط المرااوح مش شغالة خالص بس الكمبوريسور شغال ياترى ممكن تكون المشكلة فى ايه اسف انى طولت عليكو بس حست انى مضايق وعاوز افضفض معاكم ولو حد بيقدر يساعدنى فى المشكلة دى
اخوكم محمد سمير

[3ateef]

انا الحمد لله شربت النهار كله فى الهرم وفيصل,,,والتكيف شغال 50%
:(((((((((

[hugan]

51 درجه الحراره مش 45

[hamata]

واقصد بالضبط المرااوح مش شغالة خالص بس الكمبوريسور شغال

المفروض ان المروحة لو مش شغالة الكمبورسور يفصل عشان ميتحرقش يا ريت حضرتك تتأكد انه بيفصل فعلا و المروحة مش شغالة

[M_samir]

المفروض ان المروحة لو مش شغالة الكمبورسور يفصل عشان ميتحرقش يا ريت حضرتك تتأكد انه بيفصل فعلا و المروحة مش شغالة

انا بقصد انى لما بضغط على زرار A/c بسمع صوت الكباس بتاع الكمبوريسور بس بيفصل تانى علشان المراوح مش شغالة

[د.محمود صلاح]

المروحة الداخلية اكيد حصل فيها عطل ما ممكن يكون فيوز

[mohamed1979]

ممكن فيشه توصيل الكهرياء لمروحه التكييف خلف الكنسول فكت
او فيوز المروحه زى رأى دكتور محمود صلاح

[mahamedaraby]

انا شايف ان الجو اللى مش طبيعى فى الايام اللى فاتت دى يخلى اى تكيف يشتكى الصراحه

مشكلتنا اننا مش مجهزين لدرجات الحراره العاليه جدا دى وبالذات فى الزحمه النهارده وانا جى فى الطريق كل 100 متر عربيه راكنه وفاتحه الكبوت بسبب الحراره ربنا يكون فى عون الناس
وطبعا ده عمل زحمه غير طبيعيه فى الشارع

[I.S.L.A.M]

ربنا يستر يا وحوش احنا لسه بنقول يا هادى فى اول الصيف والشوارع مقفلة على الاخر