استفسار ضرورى

[medo78]

العربيه عندى او ما ادوره تدور وبعدين تبطل لوحدها لازم ادوس على البنزين شويه عشان تثبت
سحبها ضعيف وبسمع المكنه عالى جدا وانا بمشى بسرعه وبحس برجه خفيفه فى المكنه وهى واقفه رغم انى غيرت بوجهات
ونضفت الرشاشات

فى صورة انا رفعتها لو ممكن من الاعضاء يقولى الكبلات دى ايه

4shared.com - photo sharing - download image 000.JPG


ارجو الرد السريع

[gebreel]

ممكن اكون مثلثة يعني شغالة على 3 بوجيهات بس بس انت بتقول انك لسة مغير البوجيهات طيب اخبار سلك البوجيهات ايه؟

بالنسبة للصورة هي مش واضحة قوي او انا مش عارف دول ايه

ممكن نوع العربية و الموديل؟

[Badrashiny]

بص انا كان عندي حاجة شبه اللي انت بتقوله ده بس هي مكانتش بتبطل مني هي بطلت مرة واحدة بس
لكن غير كده نفس الأعراض سحب ضعيف لازم تدوس بنزين شوية رجة
فلما وديتها التوكيل طلعت طرمبة البنزين عايزة تتغير فلما غيرتها العربية الحمد لله بقت زي الفل
فحاول تروح توديها وان شاء الله خير

[gebreel]

بص انا كان عندي حاجة شبه اللي انت بتقوله ده بس هي مكانتش بتبطل مني هي بطلت مرة واحدة بس
لكن غير كده نفس الأعراض سحب ضعيف لازم تدوس بنزين شوية رجة
فلما وديتها التوكيل طلعت طرمبة البنزين عايزة تتغير فلما غيرتها العربية الحمد لله بقت زي الفل
فحاول تروح توديها وان شاء الله خير

صح طرمبة البنزين بردو ممكن تعمل كدة لأنها حصلت معايا في اللادا و لو طرمبة اتأكد ايه اللي بايظ فيها بالظبط لأن ممكن يكون زي ما حصل معايا انا ان كان الموتور بس اللي بايظ و اشتريت موتور بوش اللماني و الحمد لله شغال زي الفل بحوال 150 جنيه و الطرمبة كلها كانت معدية ال600 جنيه غير الضريبة و المصنعية

[renualt_engineer]

الاخ العزيز
انت وصفت عيبين فى العربيه والواضح انها ميجان 2000 او كليو 1400
1- العربيه محتاجه سنده بنزين علشان تفضل دايره وده عيب بيبقى من الحساس الاول على الشمال فى الصوره اسمه ايديل وهو اللى بيحافظ على ثبات الوتور وكمان هو اللى بيساعد على الواره
2- العربيه اثناء المشى صوت الموتور بيعلى والعربيه سحبها ضعيف وده مالوش دعوه بالحساس ممكن يكون زيت الفتيس لو اتوماتيك او اسطوانه الدبرياج لو مانيول

[akmal_hamdi]

speed sensor

[medo78]

شكرا للاخ الكريم renualt_engineer
ممكن اعرف سعر الايدل دة كام وبالنسبه لاسطوانه الدبرياج دى ببتغير ولا ممكن تتظبط وياريت اعرف التكلفه بتاعتها

هى كليو 2003 1400cc

[renualt_engineer]

ممكن تسال العضو المهندس طلعت هو بعلن هنا
اما speed sensor فالاخ الكريم ده يخلى العربيه تاخر فى الدواره او تبطل وهى ماشيه تقطع يعنى