عملت صيانة ال10الاف للسيمبول التفاصيل جوه

[mido_919]

انا الحمد لله السيمبول تمت ال10 الاف كيلو بسلامة وعملت الصيانة في توكيل العبور وهي عبارة عن تغيير زيت وفلتر زيت
وتربيط عفشة والحاجات الروتينية بقي الي هويبص علي السوائل
وكده وبصراحة عشان مكونش كداب هما زودوا مياه سائل التبريد
علوها لحد ال max
تكلفة الصيانة 485 جنيه بالضبط
بالنسبة للتكييف عشان الناس الي كانت بتسال انا اول ما بركن بشغله علي 3 وبعد حوالي ربع ساعة بنزله ل2 وكل ده دورة هواء مغلقة
وعلي فكرة يا جماعة العربية موتورها كوايس جدا انا جبت بيها علي طريق مصر الاسماعيلية 190 من غير اي منازل بجد والله ده حتي صاحبي كان مستغرب وقالي هي العربية دي 1400 وعلي فكرة يا جماعة هي تقريبا فعلا اقوي موتور 1400 في السوق بخلاف ال tsi يعني 1400 و98 حصان دي مش هتلاقيها في اي 1400 غير السيمبول
تسارعها لحد 170 كوايس جدا بعد كده لحد 190 هتاخد وقت شويه بس العربية مش ثابتة اوي يا اخوانا فيعني لوهتجري بيها ياريت تبقي وركز وماسك الدركسيون كوايس بس عشان مبقاش ظالم فراملها كوايسة جدا رغم ان مفيهاش abs

لو حد عنده اي اسالة عن العربية يسال دي خلاصة ال 10الاف كيلو وان شاء الله في كلام ثاني عند صيانة ال20الف

[mohamed1979]

الف مبروك على الصيانه و عقبال صيانه ال 100000000 ان شاء الله

[zeyad_f]

الف مبروك عليك صيانة ال 10000 وعقبال ال 1000000 الف , بس انت قلقتني من موضوع الثبات دة و ياريت لو تقدر تدينا تقرير مفصل بعد ال 10000 الف تبقي حاجة جامدة

[mido_919]

الف شكر علي الرد يا جماعة
وبالنسبة للثبات يا استاذ زياد هي العربية فعلا خفيفة شويه يعني انا لما بركب الوكتافيا بتاعة والدي واجيب بيها 190 باخد بيها غرز غريبة بس لو عملت كده بالسيمبول هبقي في الضياع بس بصراحة هي اثبت من الفيرنا والاكسنت بكتير يعني هو الموضوع نسبي شويه وتنساش ان فراملها كويسة ودي ممكن تعوض شويه

[ramykimo]

شكرا على المشاركة.. انا قدامى سيبمول 2009 ماشيق 20 الف كيلو اتوماتيك فابريقة على 68 الف ايع رايك فى السعر؟ و ايه رايك فى العربية عموما؟؟ و بصراحة كده بعد لما اشترتها مقولتش ياريتنى كنت جبت حاجة تانية؟ و ايه هى الحاجة دى؟

[gebreel]

ما شاء الله ربنا يباركلك فيها يا رب و نصيحة بلاش الجري الزايد ده الله يكرمك عشان بجد انا شيبت من كمية الحوادث اللي بتحصل على الطرق السريعة دي و ربنا يستر علينا كلنا

[zeyad_f]

شكرا على المشاركة.. انا قدامى سيبمول 2009 ماشيق 20 الف كيلو اتوماتيك فابريقة على 68 الف ايع رايك فى السعر؟ و ايه رايك فى العربية عموما؟؟ و بصراحة كده بعد لما اشترتها مقولتش ياريتنى كنت جبت حاجة تانية؟ و ايه هى الحاجة دى؟

هية اتوماتيك ولا مانيول ؟

[ramykimo]

اتوماتيك يا باشا

[zeyad_f]

اتوماتيك يا باشا

والله انا شايف ان سعر حلو جدا لو العربية فعلا حالتها كويسة , بس يا ريت ممكن تسألة عاوز يبعها لية ؟ لاني بفكر اشتري العربية دي و مش عارف لية هوا ممكن يبقي عاوز يبيعها بعد سنة ؟

[mido_919]

شكرا على المشاركة.. انا قدامى سيبمول 2009 ماشيق 20 الف كيلو اتوماتيك فابريقة على 68 الف ايع رايك فى السعر؟ و ايه رايك فى العربية عموما؟؟ و بصراحة كده بعد لما اشترتها مقولتش ياريتنى كنت جبت حاجة تانية؟ و ايه هى الحاجة دى؟

علي فكرة صدقني عمر ما خطر علي بالي اني اقول كنت اجيب حاجة ثانية لان انا وانا كنت بدور كنت بقارن بينها وبين النيو اكسنت والجين تو والكيا ريو واقدر اقولك انا بالنسبة لي السيمبول افضل من الثلاثة بكتير كفاية انها فيها لمسات اوروبية عشان كده الامان فيها عالي وبعدين هي 1400 موفرة في البنزين وفي نفس الوقت 98 حصان يعني موتورها اداءه قريب جدا من اداء ال 1600
اظن بقي يعني دي معادلة صعبة جدا

هي عيبها الوحيد بس قطع غيارها ومش كل قطع غيارها كمان يعني قطع غيارها الميكانيكية هي هي الكليو هي مشكلتها هيبقي في الفوانيس الرفارف الاكصدامات الحاجات دي مش منتشرة بس كده انما كصيانة دورية هي زيها زي اي عربية

[pooh]

ربنا يباركلك فيها
انا حاجزة العربية دي
بس سعات بفكر اني اسحب الحجز واجيد ياريس مانيوال لان في ناس كتير بتقول ان شكلها اقل من سعرها يعني مش بنفس برستيج الياريس مثلا (الفرق في السعر دي 88 والياريس مانيوال 95 فمش كتير اوي )

؟؟؟؟؟؟؟؟؟؟؟؟؟؟؟؟؟؟

ايه رايك

[hissamrefat]

ربنا يباركلك فيها
انا حاجزة العربية دي
بس سعات بفكر اني اسحب الحجز واجيد ياريس مانيوال لان في ناس كتير بتقول ان شكلها اقل من سعرها يعني مش بنفس برستيج الياريس مثلا (الفرق في السعر دي 88 والياريس مانيوال 95 فمش كتير اوي )

؟؟؟؟؟؟؟؟؟؟؟؟؟؟؟؟؟؟

ايه رايك

هو حضرتك حجزتيها من غير ما تشوفيها وتركبيها..........؟؟!! عامة شوفيها وإركبيها وشوفى وإركبى الياريس وإستخيرى ربنا وإنتى هتقررى لوحدك

[ramy_gamal]

فعلا دة اقوى موتور 1400 16 صباب بيدى 98 حصان واقتصاديه فى البنزين
1000 1000 مبروك

[ramy_gamal]

ربنا يباركلك فيها
انا حاجزة العربية دي
بس سعات بفكر اني اسحب الحجز واجيد ياريس مانيوال لان في ناس كتير بتقول ان شكلها اقل من سعرها يعني مش بنفس برستيج الياريس مثلا (الفرق في السعر دي 88 والياريس مانيوال 95 فمش كتير اوي )

؟؟؟؟؟؟؟؟؟؟؟؟؟؟؟؟؟؟

ايه رايك

على فكرة لو حضرتك قارنتى بين الياريس والسيمبول هتبقى مقارنه مش متكافئه
ليه ؟؟؟ واحدة قاربتى كان معاها كليو 1200 موديل 2003 ( يعنى عربيه مش جديدة ) وباعتها وجابت ياريس مانويل زيرو ..صدقينى لغايه دلوقتى نادمانه عليها وبتقولى الكليو احسن منها 100 مرة بتقولى فى حاجه مش مريحانى فيها وموتور الكليو اقوى حسيت بالحكايه دى مع تشغيل التكييف مع المطالع العربيه بتكركر كتير ....فكرى كويس والعربيات الاوربي بتفرق كتير عن اليابانى والكورى

[pooh]

شكرا ليك
ان شاء الله هنوكل على الله وانتظر السيمبول

واول ما تيجي اكيد هقولكم