فلتر تكييف الميجان

[Ahmed Selim]

أنا شوفته قبل كده أكتر من مرة بيتفك من غير فك درج التابلوه خالص

العامل كان بينام فى أرضية العربية و وشه للسقف و يضرب بلانس تحت الدرج و يخرج معاه الفلتر..........و مكنتش بشوف معاه مفكات خالص كمان.

[Hany Saad]

فكرة للتوضيح.....

أنا جربت الموضوع ده بنفسى إمبارح.....الفلتر طويل و بعد خروج حوالى ربعه بيبتدى يحوش فى ظهر درج التابلوه لو اللى فاضل من الفلتر طول بسيط ممكن مع المناورة يطلع لكن اللى فاضل حوالى تلات أرباع الطول.... فبتكون النتيجة تكسير فى المفصلات الضعيفة جدا اللى مسكة أجزاء الفلتر ببعضه من فوق فقط علشان تديله تماسك....لاحظ إن الصانع قايل إن طريقة التركيب السليمة علشان متكسرش مفصلات الفلتر بتكون بفك درج التابلوه .....

فى الصور المرفقة هتلاقو شكل المفصلات و هى متكسرة و مع ذلك بيكون الفلتر راكب و الزبون مش واخد باله.....

[human]

انا لسه ساءل السؤال ده امبارح اول ماروحت بالليل
و ماخدتش بالى ان الاجابه هنا

شكرا لكم

[Hany Saad]

انا لسه ساءل السؤال ده امبارح اول ماروحت بالليل
و ماخدتش بالى ان الاجابه هنا

شكرا لكم

أنا قريت مشاركتك إمبارح بس تخيلت إنك بتسأل على فلتر الهواء مش فلتر التكييف.....أرجو إنك تكون لقيت إجابة سؤالك.....

[mohamed1979]

مشكور جدا على التعب
بس الموضوع انا شايف أنه مش محتاج حل التابلوه ممكن تفك البلاستكة الى فى الجنب الى تحت التابلوه جنب الفلتر وتطلعوه أنا جربت قبل كده

و هو ده الى عملته بالظبط

[Hany Saad]

تلخيص كيفية تغيير فلتر التكييف للميجان II علشان الكل يستفاد....الفلتر يجب تغييره سنويا أو كل 15000 كم أيهما أقرب للحصول على أعلى كفاءه لتكييف العربية.

مكان الفلتر تحت درج التابلوه ناحيه الشمال....يوجد غطاء بلاستيك فى الكونسول الأوسط بنحلها و بنلاقى فلتر التكييف.

يمكن نزعه و تكسير المفصلات العلويه فيصبح مثل الأوكورديون و بهذه الطريقه هيطلع معاك و بالعكس بالنسبة للتركيب... هتكسر المفصلات العلوية و هتدككه و هيدخل معاك و لن تحتاج فى هذه الحالة لحل مسامير درج التابلوه....لا أعلم هل يوجد مشاكل من تكسير مفصلات الفلتر العلوية و لكنها الطريقة المتبعة عموما.

بالنسبة للطريقة الموصى بها من الصانع و اللى راسم طريقة الفك و التركيب و حاططها جوه علبة الفلتر بتكون عن طريق حل درج التابلوه فى الأول (راجع الطريقة فى المشاركات السابقة) ثم نزع البلاستيكه أسفل الكونسول و نزع الفلتر... طبعا بيخرج سليم ووضع الفلتر الجديد بمنتهى السهولة برده بيدخل سليم بدون تكسير مفصلاته العلويه ثم تركيب الدرج مرة أخرى.
كده يبقى لخصنا الطريقتين المتبعتين لتغيير فلتر تكيف الميجان II و أتمنى للجميع صيفا باردا............