شكرا رينــــــو فرنســـا

[Megane]

السلام عليكم
انا طبعا فرحان بالكلام الذى تقولة يا أحمد علشان أنا عربيتى فى التوكيل دلوقتى من يوم الإثنين 21/1/2008 لتغير شنطة السيارة بسب حادث مع سيارة نقل و عند الإتصال بهم اليوم قالوا تعالة خد العربية يوم الخميس الساعة 2:00 ظهرا و الله و أعلم رجعت زى ما كانت و لا......
و يا رب يطلع توكيل محترم كمان فى السمكرة.

السلام عليكم
التوكيل طلع كمان محترم فى السمكرة العربية رجعت مشاء الله أحسن من الاول .... شكرا شكرا رينـــــــــــــــــــــــــــــــــــــــــــــــ ــو :):p:):p:)

[Ramy_Tantawi]

ياجماعه طيب ممكن حد يدلني على طريق رينو فرنسا انا كان عندي مشكله اعتقد هي فنيه اكتر وكنت كتبت عنها في موضوع ( مشكله غريبه ملهاش حل )فا مش عارف هل الواحد ممكن يستفسر منهم عن مشاكل فنيه في العربيه ؟ وابعت ايميل لمين بالظبط.......اتمنى حد يقدر يساعدني ويقوللي بس ابعت لمين وشكرا.

[Sharky]

دا الميل بتاعهم فى فرنسا contact.client@renault.com
إبعت لهم يا باشا و شوف حيردوا و يقولوا إيه

[Ramy_Tantawi]

شكراً يا باشا وانا هابعت وبنا يكرم ان شاء الله.

[Megane]

شكراً يا باشا وانا هابعت وبنا يكرم ان شاء الله.

السلام عليكم
ربنا معاك بس متنساش توءلنا ردو عليك و ألو إية :):):)

[Ramy_Tantawi]

السلام عليكم

صحيح الرد كان متأخر شويه لكن الحمد لله فيه أمل ............انا بعد ما اتكلمت مع حضراتكم على طول والأخ احمد sharky كتب ليه الايميل بتاع رينو فرنسا بعت ليهم على المشكله اللي بتحصل معايا والحقيقه زي ما حصل بالظبط مع sharky باشا خلال 48 ساعه جاني رد بالفرنساوي معناه ان الرساله هتتحول الى القسم المختص وهيتعاملوا معاك قريباً.......المهم فضلت اسبوع تقريبا مستني القسم المختص ماحدش عبرني بعت تاني نفس المشكله لقيت نفس الرد برضه قلت مش مشكله انتظر شويه كمان.....برضه مافيش حاجه المهم يوم الخميس اللي هو امبارح ركبني عفاريت وقلت انا هابعت تالت بس هيكون الايميل بأسلوب حاد شويه المهم ساعتين بالظبط ولقيت واحد بيكلمني المهم قاللي انا المهندس محي مدير صيانة رينو الحقيقه الراجل كان في قمة الاحترام والذوق معايا وقاللي انا جاني شكوه ان في مشكله عندك وكذا كذا فا انا حكيت ليه المشكله اللي بتحصل معايا والحقيقه الراجل اولى كل الاهتمام وقاللي حضرتك بس شرفنا في العبور وانا هكون معاك بنفسي ونجرب العربيه مع بعض ونشوف ايه المشكله بالظبط وان شاء الله ربنا يكرم ونظبط الحاجات دي كلها.

انا عارف ان يكمن تشوفوا ان اللي هقولوا ده هيافه او استخفاف لكن والله مش كده انا عاوز اشور حضراتكم ازاي اقدر اوري العيب ده للمهندس محي او غيره عشان يفهم ! المشكله بتظهر معايا بس لماامشي في زحمه قتره نص ساعه او حاجه كده المفروض اني هاخد الراجل بقى من مكانه وافضل الف بيه في زحمه ساعه لغاية ما العيب يظهر ولا اعمل اييييه مش عارف والله عموما اللي فيه الخير ربنا يقدمه ان شاء الله.

وفي انتظار المقابله مع المهندس محي قريباً ان شاء الله وهاحكي برضه على تفاصيل المقابله ان شاء الله .

وشكراً رينو برضه :)

[Abo_Lina]

طب جرب كده تفولها 95 و شوف لو المشكلة هتختفي..ولو من مححطة مختلفة يكون افضل

اخر صيانة عملتهاكانت امتى وفين

[MEDO80]

امال هيونداي كوريا مش بيعبرونا لية؟
و لا اي اي ميل من ال مش فاكر كانوا كام الف
انا حاسس اني بابعت email لبتاع اللب الي علي اول الشارع مش شركة هيونداي

[Ramy_Tantawi]

آخر صيانه كانت 25000 في رينو العبور.......وموضوع ال 95 انا بقيلي حوالي شهرين باحط تقريباً وبرضه ماحصلش اي حاجه :( وتغيير المحطات عملته اكتر من مره على حسب مشاويري ممكن توتال مدينة نصر وده الاكتر واوقات امارات مصر لما بكون على الدائري شيل وموبيل بقيلهم فتره حوالي شهر منزلين هم كمان 95 هاجرب بالمره ;) مع اني على يقين ان تغير البنزينه باستمرار مش كويس ابداً لان كل بنزينه وليها مزاجها هنا في مصر حتى لو تحت نفس اسم الشركه يعني فروع توتال مش كلهم زي بعض ! وعجبي:p

[Sharky]

أستاذ محى دا شحص محترم جدا و من الناس الذوق فى توكيل العبور و انا عارفه كويس قولوا انا أعرف أحمد بتاع الميجان السيدان إللى كان فى الكويت و إللى عربيته كان فيها الكويلات و هو حيفتكرنى عالطول و إن شاء الله المشكلة تتحل

هو إنت رايح إمتى ؟

[Ramy_Tantawi]

الواحد والله مش عارف يودي جمايلك فين يا استاذ احمد ربنا يكرمك ويجعلك سند ومشوره لكل سائل ان شاء الله.....

انا ان شاء الله احتمال اروح الاحد او الاثنين ان شاء الله حسب التساهيل لو حضرتك محتاج اي حاجه من هناك اخطفلك حد منهم ولا حاجه وانا راجع انا في الخدمه يعني :p دعواتكم معانا بقى ان شاء الله.

[Sharky]

إن شاء الله حكلمه بكره و إللى فيه الخير يقدمه ربنا و بإذن الله تتحل مشكلتك

[وحش التجارة]

اكيد ناس ممتازة وناس محترمة بتعرف ازاى تخدم عميلها ولكن فى صالح الشركة وكلة فى الاخر هيرجع على الشركة ودة اللى دايما بنحاول يكون فى مصر يعنى الفلوس اللى رجعت ده مرحتش من فراغ اكيد اى مشكلة حصلت فى العربية مرة تانية روحت للوكيل علطول علشان انت عارف انهم مش حرمة وهيسعدوك بكل طاقتهم واكيد الموضوع ده لما هيتنشر والناس قراته فى ناس كتير غيرت رايها فى رينو واكيد لما حكيت لكل الناس اللى انت تعرفهم اكيد معظمهم اقتنع بتوكيل وعربيات رينو وهو اللى هما عايزينو هيدفعو جنيه هيرجع عشرة

[Sharky]

رامى باشا أنا كلمت م/ محى النهاردة و قالى إنه مستنيك يوم الإتنين زى ما إتفقتوا و قالى إنه إن شاء الله حيفضل معاك لحد ما الصوت يظهر و يحلوه
ما تقلقش م /محى من الشخصيات المحترمة جدا دا قالى لو عايزينى أفضل الف معاه اليوم كله لحد ما يظهر انا تحت أمره :)

أبقى طمنا بقى يوم الإتنين و إن شاء الله تتحل

[Ramy_Tantawi]

أحمد باشا انا مش عارف أشكرك ازاي والله انت بجد راجل محترم جداً وجدع والله مش هزار وانا ان شاء الله اول ما اوصل لحاجه مع المهندس محي هاجي وأحكي ان شاء الله وحتى لو ماوصلتش لحاجه لا قدر الله برضه هاحكي على تفاصيل اليوم ان شاء الله بالتفصيل الملل :) وربنا يوفقنا جميعاً.