نفسي اعمل الموضوع ده

[triton]

السلام عليكم ..... وحشتونا يا وحوش الرينو


انا نفسي اركب اكصدام 2007 و كشافات 2007 عدسات و اركب زينون ... يا تري يتكلف كام الموضوع ده يا وحوش و نجيب قطع الغيار منبن و هل ممكن الاكصدام يكون بنفس لون السياره ولا لازم ارش و فرن و القصص دي ؟

[Col. Eng. Khaled]

و عليكم السلام و رحمة الله و بركاته

الإكسدام من غير فوانيس شبورة = 1000 جنيه

الكشاف = 1000 جنيه بره التوكيل (الأفضل من التوكيل عشان بيتباع بالقاعدة بتاعته متبرشه فيه) .

رش الإكسدام = 200 جنيه (يفضل يترش قبل ما يركب عشان يتعفر بالدهان من الداخل زي الفابريقة) .

[yalahwy2010]

و عليكم السلام و رحمة الله و بركاته

الإكسدام من غير فوانيس شبورة = 1000 جنيه

الكشاف = 1000 جنيه بره التوكيل (الأفضل من التوكيل عشان بيتباع بالقاعدة بتاعته متبرشه فيه) .

رش الإكسدام = 200 جنيه (يفضل يترش قبل ما يركب عشان يتعفر بالدهان من الداخل زي الفابريقة) .

انا نفسى برضه أعمل الموضوع ده
بس ممكن أحتفظ بفوانيس الشبورة...والعملية ترسى على 1200 جنيه بالاكصدام ورشه
وسؤال تانى....
هو الاكصدام ما ينفعش يتعدل عند بتوع الفايبر....ونجيبله شبكة بتاعة ال 2007....وفوانيس 2007
ولا ايه؟؟؟؟

[ecybrarian]

و عليكم السلام و رحمة الله و بركاته

الإكسدام من غير فوانيس شبورة = 1000 جنيه

الكشاف = 1000 جنيه بره التوكيل (الأفضل من التوكيل عشان بيتباع بالقاعدة بتاعته متبرشه فيه) .

رش الإكسدام = 200 جنيه (يفضل يترش قبل ما يركب عشان يتعفر بالدهان من الداخل زي الفابريقة) .

يا قائد يا كبير
الاسعار دي استيراد ولا توكيل ولا خارج التوكيل؟ وهل الكشاف الواحد بـ1000 ؟

[Col. Eng. Khaled]

انا نفسى برضه أعمل الموضوع ده
بس ممكن أحتفظ بفوانيس الشبورة...والعملية ترسى على 1200 جنيه بالاكصدام ورشه
وسؤال تانى....
هو الاكصدام ما ينفعش يتعدل عند بتوع الفايبر....ونجيبله شبكة بتاعة ال 2007....وفوانيس 2007
ولا ايه؟؟؟؟

مهما إتعمل شغل فايبر لتعديل الإكسدام عمره ما يكون شكل الفابريقة و وش العربية حيبقى شبه التاكسي .

يا قائد يا كبير
الاسعار دي استيراد ولا توكيل ولا خارج التوكيل؟ وهل الكشاف الواحد بـ1000 ؟

منوّر يا باشمهندس

1000 جنيه سعر الإكسدام الإستيراد ، الكشاف أبو عدسة جديد مش إستيراد و من غير القاعدة

في الحالة دي برشام القاعدة بيتفوّر من الكشاف القديم و تتركب القاعدة في صدر العربية عادي لكن مش مربوطة (متبرشمة) في الكشاف الجديد أبو 1000 جنيه . عشان كده رأيي الكشاف

بالقاعدة متبرشمة من التوكيل أفضل (أعتقد سعره في التوكيل 1500 جنيه و الله أعلم) يبقى الفرق حوالي 500 جنيه للكشاف الواحد .

[Elsarrawy]

السلام عليكم ..... وحشتونا يا وحوش الرينو


انا نفسي اركب اكصدام 2007 و كشافات 2007 عدسات و اركب زينون ... يا تري يتكلف كام الموضوع ده يا وحوش و نجيب قطع الغيار منبن و هل ممكن الاكصدام يكون بنفس لون السياره ولا لازم ارش و فرن و القصص دي ؟

وعليكم السلام ورحمة الله وبركاته...
انا جربت الموضوع ده في عربيتي موديل 2006 وهاقولك ملخص الحوار ده ايه:
اولاً: انا غيرت الاكصدام والكشافاين وكمان الفوجات (علشان شكلهم كان متجرح جامد) ودفعت 1700 جنيه بالمصناعيات ورش الاكصدام بلونين وذلك باستبدال كل القديم بالجديد والحفاظ على الشكل العام للسيارة.
الموضوع اتعمل في يومين بالضبط ما خدش اكتر من يومين وماسبتش العربية عند حد ولا ساعة وكنت بروح بيها الشغل عادي واللي حصل اني اتفقت مع محل قطع الغيار واتفقت مع البوهيجي ودفعت عربون للاثنين مقابل اني اخد الاكصدام من محل قطع الغيار واسببه عند البوهيجي علشان يرشه واستلمه تاني يوم وفي نفس اليوم اتفقت مع الكهربائي على الميعاد علشان هو اللي يركب الكشافات بالقاعدة بتعاتها (الشنب) والفوجات ولمبات الزينون اللي هافكها من الكشاف القديم (عالي ووزاطي) واركبها في الجديد وطبعاً هايركب الاكصدام
وروحت الشغل عادي اليومين دول وبعدين جه يوم الاستلام وده كان يوم جمعة اجازتي وطبعاً روحت بدري بعد الصلاة علطول علشان استلم الاكصدام من عند البوهيجي اللي رشه لونين علشان العربيه لونين وبعدين عديت على بتاع قطع الغيار استلمت منه باقي اجزاء الاكصدام (الشبكتين بجوار الكشافين والشكبة الكبيرة بين الفوجات) والكشافين الجداد والفوجات الجديدة قواعد الكشافين وذهبت إلى الكهربائي في خلال ثلاث أربع ساعات كان حل القديم كله وركب الجديد
الكهربائي كان اكتر من ممتاز كان عنده ماكنة برشام والي بتبرشم قاعدة الفوانيس في الفوانيس دا غير كلبسات الميجان الي اتركبت في مكانها بالضبط (كهربائي متخصص في الميجان وحافظها صم) وفك الزينون وركبه في الكشاف الجديد بشكل انضف بكتير من الأول وربط محولات الزينون بالأفيز في الكشافات بشكل شيك جداً وطبعاً الكشافات الجديدة بالمواتير الجديدة اللي ظبتها بشكل حرفي ممتاز بحيث يسهل التحكم في ضبط توازن مستوى الاضاءة بين الكشافين،
وبعد مخلصت وكله بقى تمام حسيت ان العربية ناقصها حاجه الشكل من قدام غير باقي اجزاء السيارة اللون قدام بيملع ولسه جديد ولا الفابريكه والباقي شكله كده عاوز يتلمع، فعلاً روحت متصل بالبوهيجي وقولتله انا جايلك المع العربيه كلها علشان تبقى ميه واحده ودا كان اتفاق احتمالي معاه من الاول لاني كنت متخيل الشكل هايبقى عامل ازاي والفرق بين الاكصدام اللي لسه مرشوش وباقي اجزاء السيارة
وطبعاً هي ساعة زمن والعربيه كانها خارجه من المصنع ماشاء الله
ملحوظه: انا كنت مغير الفوانيس الخلفية قبل كده بالشكل الجديد لأن القدام كانوا حالتهم صعبة قوي هما كانوا سلام بس مش نضاف خالص كلهم تراب وذباب (مش عارف بيدخل الفانوس ازاي) والسطح العاكس بتاعهم معتم بشكل يضايق جداً.
ثانياً: انطباعي تجاه الفلوس اللي ادفعت مقابل الشغل اللي انا اخدته
الشغل كان اكتر من ممتاز سواء شكل الكشافات الجديدة ذات العدسات مع لمبات الزينون تحفه ما شاء الله
المفاجأة اللي الناس تكاد تكون كلها ماتعرفهاش ان الاكصدام الشكل الجديد له ميزة هامة جداً بخلاف الشكل وهي التبريد افضل بكثير جداً ودا انا ماكنتش مصدقه غير لما غيرت فعلاً الاكصدام لأني اللي كان قالي كده مهندس من التوكيل والكهربائي اكدلي الكلام ده وبعد كده انا لاحظت فعلاً الكلام ده.
ويعني ايه التبريد افضل للسيارة دي معناها ثلاث حاجات
1- استهلاك البنزين اقل بنسبة اكاد ان اجزم بأنها لا تقل عن 5% ودا عن ثقة وتجربة شخصيه
2- سرعة استجابة التكيف لتبريد السيارة اكبر من الأول ودا عن تجربه شخصيه أيضاً
3- العربيه بتتبرد بسرعة فبالتالي المروحة الخارجية بتشتغل على سرعات اعلى اقل من الاول (ودا سبب توفير الوقود) وطبعاً العمر الافتراضي المفروض انه هايزيد لأن معدل الاهلاك بيقل
ثالثاً: النتيجة النهائية والنصيحة
رأيي الشخص للي يقدر يستبدل الاكصدام القديم بالجديد هايستفيد الاشياء التاليه
1- شكل اكثر جمالاً لان الكشافات ذات العدسات اجمل واكبر من العادية وخصوصاً لما تكون جديدة
2- التكفة على المدى الطويل هاتتعوض في قلة استهلاك البنزين وطول العمر الافتراضي لمروحة الريداتير اللي بيزيد مع قلة استخدامها على السرعات العالي لفترة طويله
3- كفاءة التكييف هاتبقى افضل وكفاءة العربية ككل افضل لأن جزء من المجهود المبذول في زيادة سرعة المروحة هايروح للسيارة ودا افضل طبعاً
الشيء الوحيد اللي هاتخسره لو غيرت الاكصدام والكشافات ان العربيه هايبقى شكلها متغيرلها اكصدام وفي ناس هاتقلق منها عند محاولتك بيعها
وفي رأيي الشخصي اني هاشرح الموضوع بالضبط للي هايشتري وهو يقرر والعربيه النضيفه مش محتاجه حد يتكلم عليها لانها بتتكلم عن نفسها والي مش مقتنع مايشتريش
اتمنى ان اكون قدرت افيد وحوش المنتدى زي ما استفدت منهم قبل كده كتير

[yalahwy2010]

طبعا مشكور جدا على مجهودك الرائع
انا بس عاوز أتأكد من حاجة
هو تغيير الاكصدام بالفوانيس بالفوجات كله كله اتكلف 1700 جنيه....بالمصنعيات بالمون بتاعة رش الاكصدام؟؟؟؟
بخصوص التبريد...انا حاسس فعلا من اول ما اشتريت العربية ان حرارتها بتزيد بسرعة....وبتحافظ على حرارتها
فا ممكن يكون تعديل الاكصدام هيغير الحاجت دى معايا
ويا ريت تدينا تفاصيل عن الحاجت دى كلها عملتها عند مين؟؟؟
الكهربائى ده فين؟.؟؟
والف شكر ليك

[triton]

الف شكر بجد يا سياده العقيد Col. Eng. Khaled و جزاك الله خير .... ان شاء الله لازم ازور حضرتك قريب


استاذ Elsarrawy انا بجد بشكر لحضرتك ذوقك ووقتك اللي قضيته في كتابه الكلام المفيد جدا .. وان شاء الله هتواصل مع حضرتك عشان اعرف تفاصيل اكتر

انا ليا سؤال ... هي الفوانيس مفيش منها استيراد ؟؟؟

[Elsarrawy]

طبعا مشكور جدا على مجهودك الرائع
انا بس عاوز أتأكد من حاجة
هو تغيير الاكصدام بالفوانيس بالفوجات كله كله اتكلف 1700 جنيه....بالمصنعيات بالمون بتاعة رش الاكصدام؟؟؟؟
بخصوص التبريد...انا حاسس فعلا من اول ما اشتريت العربية ان حرارتها بتزيد بسرعة....وبتحافظ على حرارتها
فا ممكن يكون تعديل الاكصدام هيغير الحاجت دى معايا
ويا ريت تدينا تفاصيل عن الحاجت دى كلها عملتها عند مين؟؟؟
الكهربائى ده فين؟.؟؟
والف شكر ليك

متشكر على مرورك وشكرك
آه الموضوع اتكلف 1700 جنيه لعدة أسباب
أولاً الاكصدام الي اشتريته كان استيراد مش جديد وكان حالته نضيفه جداً فتقريباً ماخدش غير سنفرة ورشه علطول يمكن بدون معجون والكلام ده كان حسابه زي العقيد خالد ما قال 200 جنيه تقريباً (رش الاكصدام) و 50 جنيه لتلميع السيارة بالكامل و50 جنيه دي الوحيدة اللي بره حساب 1700 جنيه.
ثانياً أنا بعد ما اشتريت الكشافات الرنجات زي اللي راكبه في عربيتك بجد مارتحتلهمش برغم من انهم شكلهم حلو جداً وانا عربيتي لونها اسود فكانوا جمال عليها ودول اللي استبدلتهم بالكشافات الجديدة بس كان فيهم رنجاية بتعلق (بتنور وتطفي بدون سبب)
بالنسبة للتبريد آه الاكصدام هايفرق ودا مش كلامي لواحدي دا كلام مهندس في التوكيل (بص الصراحة مش متذكر اسمه وإلا كنت قولته) وكمان الكهربائي اللي اشتغل في العربية وانا بأيد الكلام ده بالتجربة الشخصية وبضيف على كلامهم التوفير في استهلاك البنزين اللي انا لاحظته بنفسي ودا حصل لأني جربت الاستهلاك لفترة طويلة بالاكصدامين كل واحد على حده، والنقطة الخاصة بان حرارتها بتزيد بسرعة دي بالذات دا مابقاش بيحصل يعني بشكل اكثر توضيحاً
العربية قبل الاكصدام الجديد كانت بتسخن وتصل إلى حد الحرارة (الشرطة الحمراء اللي المفروض تتوقف عندها ) بوقت قصير جداً من 05: 15 دقيقة تقريباً أما بعد تغيير الاكصدام فبتظل قبل هذا الحد لمدة تصل إلى 30:20 دقيقة غير كده كمان لو زادت سرعتي وشغلت التكيف بتهبط تدريجياً عند تشغل مروحة الريداتير على سرعة أعلى والمروحة بتقل سرعتها بسرعة للمستوى السابق وبيعاود صعود مؤشر الحرارة إلى الوضع الثابت (الطبيعي) وهكذا
وكل دا بيرجع زي الكهربائي ما وضحلي ان تصميم الاكصدام الجديد معمول علشان التبريد يبقى افضل من عدة نواحي
اولاً هو بارز قليلاً للخارج ودا بيدي وسع اكبر بالداخل للتبريد بكفاءة اكبر
ثانياً الشبكتين اللي بين الكشفات بسيمحوا بتدفق الهوا بشكل افضل للداخل وطبعاً السحبة الموجودة في الشبكة الكبيرة اللي بين الفوجات والي مزودة مساحتها بتفرق كمان في التبريد وفي الآخر الشكل أحلى بكتير من وجهة نظري
وانا ساكن في المعادي وشغلى في مصر الجديدة وانا عملت التعديلات دي في صقر قريش (الكهربائي وقطع الغيار) ولو عاوز بيانات تفصليه اكتر يبقى على الخاص علشان مايبقاش اعلان

[Elsarrawy]

الف شكر بجد يا سياده العقيد Col. Eng. Khaled و جزاك الله خير .... ان شاء الله لازم ازور حضرتك قريب


استاذ Elsarrawy انا بجد بشكر لحضرتك ذوقك ووقتك اللي قضيته في كتابه الكلام المفيد جدا .. وان شاء الله هتواصل مع حضرتك عشان اعرف تفاصيل اكتر

انا ليا سؤال ... هي الفوانيس مفيش منها استيراد ؟؟؟

انا كمان بشكرك على ذوقك
في حاجة عاوز الناس في المنتدى تعرفها لاني بحثت فيها فترة مش بطالة وهي مش صح 100% بس غالباً صح
الجمارك بتسمح باستيراد السيارات اللي عدى عليها 3 او اربع سنين تقريباً علشان تبقى spare parts قطع غيار للسيارات والميجان في الدول الاجنبية موديل 2004 و 2005 وجزء من 2006 (الشكل القديم يعني) هي اللي بتخضع للجمارك ويسماحوا بإنها بتدخل مصر على اساس انها قطع غيار والمستورد لما بيجيب عربيه من بره كقطع غيار بيجيب ارخص حاجه تقريباً علشان الكماليات الزيادة زي فتحة السقف وغيرها معدل بيعها مش هايبقى قوي زي باقي الاجزاء الاساسية اللي بتصلح للتركيب في جميع الفئات وغير احتمال انها تتعرض للكسر وكمان ممكن يكون ليها ضريبه عاليه شويه كقطع غيار وبالتالي صعب تلاقي الشكل الجديد استيراد بعكس الشكل القديم الي مغرق الدنيا سواء في صقر قريش او الحرفيين قيس على كدا مش بس الكشافات والاكصدام وكمان الجنوط وضفيرة الكهرباء والكاسيت ولوحة العدادات وكل حاجه في الشكل الجديد صعب تلاقيها غير جديدة
بس اكيد لو دورت هاتلاقي بس انا مالقتش لاني مدورتش وكمان الجديد احلى بكتير بصراحه
وانا تحت امر حضرتك واي حد في اي حاجه اقدر افيدكم بيها

[د.محمود صلاح]

شكراً جزيلاً حضرتك Elsarrawy ومنتظرين مشاركاتك البناءة

[Elsarrawy]

شكراً جزيلاً حضرتك elsarrawy ومنتظرين مشاركاتك البناءة

[justify]
لا شكر على واجب يا دكتور محمود انا اتمنى ان افيد كل وحش من وحوش المنتدى ذي ما افادوني كتير قبل كده وبصراحة الموضوع دا يعتبر اول مشاركة ليا (يعني زي الطالب اللي فضل يدرس ويتعلم لحد ما يجي الوقت اللي يعلم غيره ويفيده من اللي تعلمه ومارسه في الحياة العملية مع حرصه على مواصلة التعلم من اساتذته) وماكنتش حابب ان تكون اول مشاركة ليا مجرد مشاركة عادية فزي ما تقول ماصدقت لاقيت موضوع زي دا لان نادر لما حد يكون جرب التعديل ده ويكون كمان من اعضاء المنتدى وانا سعيد اني ابتديت اشارك معاكم واسد جزء من جمايل وحوش الرينو عليا
[/justify]