العداد ملعوب فيه

[ramoomar]

السلام عليكم
الاخوة الأعزاء انا اشتريت ميحان 2005 من واحد صاحب اخى هو صارف عليها و حالة العربية جيدة و عاملة 79000 كم بس للأسف اتصلت اول امس ب التوكيل عرفت ان العربية كانت عاملة صيانة ال 80 الف (84000 كم) فى شهر يوليو 2007
يعنى العداد ملعوب فية
حسبى الله

[ramykimo]

مكشفتش ليه فى التوكيل الاول؟؟؟ و بعدين ازاى صاحب اخوك؟ دى صحوبية ايه بالظبط؟

[Karim_Mohy]

يعني هو ضحك علي حضرتك ف 5 الاف كيلو ؟؟؟

ولو 5 الاف ماقالش ليه مش مستاهلة يكدب يعني.........وهل حضرتط او اخوك اتكلم معاه ؟

[ReNuLHawey]

حسبى الله ونعم الوكيل
دة نصب رسمى وكان المفروض حضرتك تروح التوكيل تعمل كشف كلى على السيارة ودة بيتكلف تقريباا 500 جنية
وبعدين دة بقالو ثلاث سنين عامل صيانة ال80000 الف
حاول بقا ترجع العربية فوراا لو ماخلصتش فيها بس روح التوكيل الاول اعمل كشف كلى
ويارب ميكونش فية شرط جزائى على العقد بتاع العربية على شان ماتغرمش كتير
كان فية سوال كمان حضرتك خلصت فيها بكام ؟؟؟

[marwan_147]

اية العالم دى مفيش ضمير ..خلاص

[Dr.SherifMansy]

يعني هو ضحك علي حضرتك ف 5 الاف كيلو ؟؟؟

ولو 5 الاف ماقالش ليه مش مستاهلة يكدب يعني.........وهل حضرتط او اخوك اتكلم معاه ؟

يا باشا دول مش 5 الاف كيلو ، دول ال 84000 كانوا فى 2007 ، يعنى من 3 سنوات ، و لو حسبنا اقل معدل استهلاك فى السنة يعنى حوالى 10000 الى 12000 يبقى حضرتك بنتكلم عن 30000 الى 36000 كم زيادة على العداد يعنى تبقى عاملة حوالى 120000 ...

و يا أخى العزيز ramoomar

أعتقد ان مادام فيه صحوبية انكم تواجهوه بالكلام ده و تشوفوا هايقول ايه و تحاولوا تحلوها ودى ، لأن للأسف عقد البيع فيه بند انك عاينت السيارة معاينة نافية للجهالة ، و علشان تثبت ان انضحك عليك فاعتقد ان لازم حضرتك تروح تعمل له محضر و تثبت فيه الكيلومتر بتاع العربية و تروح تجيب شهادة من التوكيل بالكيلومتر ساعة الصيانة من 3 سنين و ترفع عليه قضية غش و تدليس ... ده حسب معلوماتى ، و لو حد يعرف حاجة تانية ياريت نعرف و ان شاء الله تكون افضل ...

أنا رأيي حاول معاه بصورة ودية و بحق الصداقة (اللى هو ما عملش بيه و لكن يمكن ضميره يصحى و يعمل بيه)...

و ربنا معاك.

و بعدين مش مهم قوى الكيلومتر ما دام حالة العربية كويسة ..

خدها التوكيل و اكشف عليها كويس و شوف تساوى المبلغ اللى اندفع فيها ولا لأ...

و ان شاء الله تكون كويسة و تكون تساوى تمنها و ربنا يبارك لك فيها...

و على فكرة ... ما تزعلش ... لأن ربنا لا يمكن تخليك تنظلم ، فأكيد فيه خير حتى لو انت مش شايفه دلوقت ..

و تحياتى

[د.محمود صلاح]

اللي أعرفه ان الميجان صعب يتلعب في عداداتها ؟! صحيح ؟

[gebreel]

حسبي الله و نعم الوكيل

بس فيه حاجة ممكن يكون حساس السرعة باظ عنده في فترة من الفترات فبالتالي العربية كانت مبتقراش لغاية ما غيرو وارد ان ده يكون حصل لأنه لو صاحب اخوك فعلا يبقى فعلا ده مينفعش يبقى صديق

[gebreel]

مشاركة مكررة معلش

[meso76]

حسبي الله و نعم الوكيل

بس فيه حاجة ممكن يكون حساس السرعة باظ عنده في فترة من الفترات فبالتالي العربية كانت مبتقراش لغاية ما غيرو وارد ان ده يكون حصل لأنه لو صاحب اخوك فعلا يبقى فعلا ده مينفعش يبقى صديق

فى احتمال تانى اسهل ... ان يكون حاجة باظت فى لوحة العدادات ويكون غيرها بواحدة استيراد (موجودة كتير فى الحرفيين) ودى العداد بتاعها بيكون انت وحظك

[hamata]

اللي أعرفه ان الميجان صعب يتلعب في عداداتها ؟! صحيح ؟

فعلا يا دكتور مستحيل تلعب قى عداد الميجان بس ممكن تبدله بواحد استيراد مسجل قراءة قليلة, بس فى التوكيل بيكتشفوا اللعبة دى لما يدخلوا العربية على الكمبيوتر

[elassar2010]

حاول معاة ودى الاول
حسبى الله ونعم الوكيل فى النصب الى بيجى من القريب

[mouraddesk]

على فكره حكاية حساس السرعة دى صح و ممكن لانه حصل مع ابن خالتى فى الكليو و فضل فتره ماشى بالعربية من غير ما تعمل كيلومتر خالص لحد ما غير الحساس المهم اكشف عليها كويس يمكن تساوى تمنها و ربنا ما يرضاش الظلم و ربنا يبارك لك فيها او فى غيرها و على فكرة كمان حكاية اللعب فى العدادات فى اى عربية و اى موديل و اى ماركه انا شفتها بتحصل قدام عينى و لا توكيل يكشفها و لا يحزنون الا من خلال تاريخ الصيانة بس و بتتعمل لانها بتفرق الالاف فى المرسيدس و بتتكلف برضه الالاف فى المرسيدس

[Elsarrawy]

حسبي الله و نعم الوكيل

بس فيه حاجة ممكن يكون حساس السرعة باظ عنده في فترة من الفترات فبالتالي العربية كانت مبتقراش لغاية ما غيرو وارد ان ده يكون حصل لأنه لو صاحب اخوك فعلا يبقى فعلا ده مينفعش يبقى صديق

على فكره حكاية حساس السرعة دى صح و ممكن لانه حصل مع ابن خالتى فى الكليو و فضل فتره ماشى بالعربية من غير ما تعمل كيلومتر خالص لحد ما غير الحساس المهم اكشف عليها كويس يمكن تساوى تمنها و ربنا ما يرضاش الظلم و ربنا يبارك لك فيها او فى غيرها و على فكرة كمان حكاية اللعب فى العدادات فى اى عربية و اى موديل و اى ماركه انا شفتها بتحصل قدام عينى و لا توكيل يكشفها و لا يحزنون الا من خلال تاريخ الصيانة بس و بتتعمل لانها بتفرق الالاف فى المرسيدس و بتتكلف برضه الالاف فى المرسيدس

وهل حساس السرعة لما بيبوظ بيصفر عداد الكيلومترات ولا بيوقفه عن العد فقط، لو بيوقفه عن العد فقط يبقى كده هو غير عداد لأنه في الحالة دي هيفضل واقف على 84000 كم مش يرجع لـ 79000 كم

[gebreel]

هو بيوقف قراية عداد السرعة و بالتالي عداد الكيلومتر و ممكن اعتها يكون باظ عند 79000 و اتصلح بعد كدة بس بردو السؤال هو التوكيل جاب منين ال84000 دي لأنهم بياخدو قرائة العداد و العربية داخلة

عموما علشان منقعدش نضرب اخماس في اسداس و نظلم الراجل اتكلم معاه في الموضوع ده و شوف تفسيره