مشكله مضايقانى

[zkralla]

امبارح حصلت ظروف اضطرتنى أنى اسلف العربيه ورغم أن ده ضد مبدئى الا أنى مكنش ينفع اقول لأ لظروف معينه
المشكله انه بعد ما جابلى العربيه امبارح بالليل ركنها تحت البيت وطلع لى المفتاح
النهارده وأنا سايق سامع صوت جاى من القزاز الى جمبى عمال يتهز اهتزاز مش باين للعين بس عامل صوت مع اى مطب الصوت باين أنه بيحصل نتيجه ان القزاز بتاع الشباك بيهتز فبعمل صوت نتبجه احتكاك الجزء الداخلى من قزاز الباب بتاع السواق ( حتى لما اكون قافل القزاز ) بباب السائق ونفس الوضع للقزاز بتاع الناحيه التانيه
أنا بصراحه مش عاوز اظلمه واقول حاجه لأن ممكن يكون الموضوع كان من قبل كده بس الى حصل أنى النهارده اول مره اسمع الصوت ده
حد يعرف ده ممكن يكون أيه سببه ؟

[zkralla]

الا من مجيب ؟

[KHALED AYMAN]

عندى فى الفيكترا ...
تراب فى الباب من جوا ...
الحل الصح الباب يتفك و يتنضف
الحل بتاع توكيل اوبل سبراى يلطش الازاز و متشوفش منه حاجه و الصوت يرجع بعد 3 ايام (لما الاسبراى ينشف)

[د.محمود صلاح]

تحت أي ظرف لا تعطي سيارتك لحد ,,,, لو اتزنقت سوقها انت بنفسك

[akmal_hamdi]

علشان كده انا مبديش عربيتى لحد علشان انا موسوس فى الأصوات

[zkralla]

عندى فى الفيكترا ...
تراب فى الباب من جوا ...
الحل الصح الباب يتفك و يتنضف
الحل بتاع توكيل اوبل سبراى يلطش الازاز و متشوفش منه حاجه و الصوت يرجع بعد 3 ايام (لما الاسبراى ينشف)

الف شكر يا باشا بس أنا خايف لو الباب اتفتح العزل ما يرجعش زى الاول

تحت أي ظرف لا تعطي سيارتك لحد ,,,, لو اتزنقت سوقها انت بنفسك

علشان كده انا مبديش عربيتى لحد علشان انا موسوس فى الأصوات

والله أنا متفق معاكم تماما بس الى حصل كده اتحطيت فى الموقف من حد عزيز قوى وليه ايادى بيضاء عليا وفى ظروف طارئه ومكنش قدامى الا الاختياروالا كنت هبقى قليل الاصل

[hobaz]

متابع وان شاء الله بسيطة..........

[behman]

مع احترامي للجميع و اكيد كل واحد بيعمل اللي يريحه و ليه وجه نظر ... بس انا شايف انها حاجه عاديه اما ادي عربيتي لواحد صاحبي عندو ظروف او عربيتو عطلانه ... او اخد عربيت واحد صاحبي لنفس الظروف وطبعا مش اي صاحب لازم يكون امين و عارف كويس انه هايعامل حاجتي زي حاجتو ... لآن كلنا بنتعرض للمواقف دي ... و طبعا الكلام ده لما بيكون موضوع معم او حاجه ظروف طارئه ... مش ياخدها يتفسح هو و صاحبتو يعني
و بخصوص موضوع الازاز ده يا باشا موضوع بسيط جدا جدا ... فك و ربط ماكينه الازاز و شحمها و لو في جلد متاكل ظبطو ... ممكن الكلام ده تعمله انت في ربع ساعه و عزل الباب و التقفيل مش هايجرالو حاجه بس تخلي بالك من الكليبسات و تعرف الحاجه بتتفك و تركب ازاي الاول قبل ما تفك

[nasr-eldeen]

السبب بساطة إن سيادتك مش متعود تسلف سيارتك لأحد .
ولما السيارة رجعت حضرتك متحفز إن يكون السيارة فيها مشكلة لأن حد تاني ركبها وبالتالي بدور على العيب الموجود فيها .
والموضوع ده بيحصل كثير لو حد ركب السيارة مكانك ولم يتحرك بها أو تركت السيارة في التوكيل أو عند الميكانيكي لازم نفضل ( نظبط ) كرسي السائق أكثر من مرة لإقتناعنا أن من ركبها غير في وضع الكرسي مع العلم أنه لم يمس الكرسي بأي أذى ولكنها الحالة النفسية التي تنتابنا لمساس أحد بشي خاص جداً .
والموضوع ده بيكون فقط عند من لا يرغب أو يود أن يعير سيارته لأحد .
وده سبب شعورك أن هناك مشكلة في زجاج الأبواب .
ده تفسيري
لأن الموضوع ده بيحصل معي بعد خروج السيارة من التوكيل أو لو حتي أحد ركب السيارة وهو معي ، ويظل يقول لي ياعم هو أنا حركت الكرسي أدامك .

[zkralla]

متابع وان شاء الله بسيطة..........

الف شكر وربنا يكرمك

بس انا شايف انها حاجه عاديه اما ادي عربيتي لواحد صاحبي عندو ظروف او عربيتو عطلانه ...

طبعا وجهه نظر تحترم بس هى مسأله تعود زى ما حضرتك وأنا مش باطلب من حد عربيته ولا بأخد عربيه اسوقها لكن بروح مع اى شخص محتاجنى اى حته اوصله وطبعا اعرف ناس كتير بيدوا عربياتهم عادى
والف شكر على لأن حضرتك طمنتى

السبب بساطة إن سيادتك مش متعود تسلف سيارتك لأحد .
ولما السيارة رجعت حضرتك متحفز إن يكون السيارة فيها مشكلة لأن حد تاني ركبها وبالتالي بدور على العيب الموجود فيها . .

هههههههه
نظريه برضه وأنا فعلا اخذت العربيه وعمال افتش أيه الى باظ يا ناس عشان كده بقول ممكن يكون الصوت كان من قبل كده لأنى فعلا ركزت قوى لما اخدت العربيه

[geeg_2006]

انشاء الله حاجه بسيطه ومش حاجه جمده
بس نصيحه بلاش تدي عربيتك لاي حد علشان متشوكش فيه
ولو لزم الامر يبقي تكون معاه احسن