سعر الرينو داستر

[arc_sherif_81]

الجمعة، 28 مايو 2010 - 20:25 | (3454)
3 Share13

داستر أول سيارة 4x4 من رينو في مصر
تستعد الشركة المصرية العالمية للسيارات (EIM) وكيل "رينو" في مصر للمشاركة في معرض "أوتوماك أخبار اليوم 2010" الذي ينطلق الأسبوع المقبل بطرح السيارة "داستر" لأول مرة في مصر.

وقال شريف العالم مدير التسويق في EIM إن "داستر" سيتم طرحها لأول مرة بالمنطقة وليس مصر فقط. حسب صحيفة "اليوم السابع" الجمعة.

تأتي "داستر" بمحرك 1600 سي سي إلى جانب تقديم السيارة في طرازين الأول مزود بنظام الدفع الرباعي، والذي من المتوقع أن يكون بسعر 118 ألف جنيه.

أما الطراز الثاني من "داستر" الذب يعمل بنظام الدفع الثنائب قد يصل سعره إلى 108آلاف جنيه.

الجدير بالذكر أن "رينو" كانت قد طرحت خلال معرض "فورمبلا الأهرام 2010" طرازب "فلوانس وميجان هاتشباك"، كما طرحت الشهر الماضي السيارة "سكالا" ومن المقرر أن تطرح سيارة جديدة في أغسطس المقبل.


منقوول

[hamata]

الف شكر يا باشا عالموضوع,السعر معقول بس المشكلة ان شكل العربية مش قد كده !!

[shouk_1987]

ألاسعار ديه توقعية بس
لسه الرسمية مانزلتش صح و لا إيه ؟؟

يا أ / hamata هاتلى عربية 4x4 قاقل من 200 أو 250 ألف زيرو و ماركة ياعنى مش صينى
مافيش غير التريوس ب 150 تقريبا و علبة كبريت
(أنا مش فى بالى حاجة بس متهيألى مفيش)

[M.Radwan]

ألاسعار ديه توقعية بس
لسه الرسمية مانزلتش صح و لا إيه ؟؟

يا أ / hamata هاتلى عربية 4x4 قاقل من 200 أو 250 ألف زيرو و ماركة ياعنى مش صينى
مافيش غير التريوس ب 150 تقريبا و علبة كبريت
(أنا مش فى بالى حاجة بس متهيألى مفيش)

+1111111111111111111
مفيش غير التيجو والتريوس يا قلبي لا تحزن

[crazy_luv]

يبقوا يقابلوني لو لقوا حد يشتريها بالسعر ده !!! دي روماني يعني زي اللوجان و التابلوة بتاعها فقير جداً جداً تقريباً زي بتاع اللوجان و مفيش منها لا أوتوماتيك و لا فتحة سقف.

يعني ماتفرقش عن الصيني سواء التيجو أو غيرها مع العلم ان التيجو فيها أوتوماتيك و فتحة سقف و إكسسوارات كتير

أي بني أدم عاقل يشتري الفليوانس ولا يحط مليم في دي .... خصوصاً أنهم منزلها مصر يجربوها الأول و بعدين هيبيعوها في الخليج يجربوها السنة الجاية و بعدين ينزلوها أوروبا في 2012. بعد ما يكونوا عملوا التجارب علي الفئران اللي هيدفعوا فيها 108 ولا 118 الف

[د.محمود صلاح]

لسه السعر ما اتحددش ,,, بس انا حاسس انها هتعمل شغل جاامد

[mostgood]

السعر المتوقع فعلا مبالغ فية مقارنة باي عربية بالسعر دة مش دفع رباعي فالفليونس مثلا برقبتها وبالنسبة للدفع الرباعي مينفعش تتقارن غير بمثيلتها إلي بتتمسح في الدفع الرباعي التيجو وكاكمليات التيجو تكسب وكاعلامة الدستر تكسب وفي ن

[Amr_Moh]

السعر مناسب جداً وشكل مش بطال

[karimnet]

عربية عملية جداً

و مالو تابلوه اللوجان ؟ عايز حاجة جامدة اشترى ب 208 الف من 108

[ahmedbasto]

لذيذة اتوقعها لها مستقبل مشرق لان شكلها يوحى بالهجومية وحاسسها واسعة

[tamagogo]

السعر حلو جدا. لو في منها اوتوماتيك لغاية 120 الف هتتباع هوا.
لكن ماتتوقعوش انها هتكون اوسع من التيجو او التيريوس هتكون نفس الحجم

[CryptonX]

مع احترامي لاي حد .. بس الي يشتري عربية زي دي بالتمن ده يبقى " بيشتغل " نفسه ....

استنى لما تنزل مغربي و تمنها الاصلي المفروض لا يتعدي ال 80 - 90 الف جنيه .

[wawoo]

السعر حلو جدا. لو في منها اوتوماتيك لغاية 120 الف هتتباع هوا.
لكن ماتتوقعوش انها هتكون اوسع من التيجو او التيريوس هتكون نفس الحجم

هى ابعدها اكبر من التيجو و اكبر بكتير من التيريوس

[wawoo]

مع احترامي لاي حد .. بس الي يشتري عربية زي دي بالتمن ده يبقى " بيشتغل " نفسه ....

استنى لما تنزل مغربي و تمنها الاصلي المفروض لا يتعدي ال 80 - 90 الف جنيه .

معلش يعنى ممكن تفهمنى ازى بالسعر دة حيشتغل نفسة ...


طيب هاتلى حضرتك سيارة اخرى بنفس الثمن فيها تكنولوجيا نيسان فى الدفع الرباعى و ممكن تختار فيها دفع ثنائى او رباعى او السيارة تختار اوتومتك الدفع المناسب و فيها احدث انظمة الاى بى اسى Bosch 8.1 ABS,و نظام EBV للتوزيع الالكترونى للفرامل و فيها جسم السيارة بالكامل مغطى بطبقة حماية اخرى ضد الصدء و ضد العوامل الخارجية .واسفل السيارة مدعم و محصن بالكامل بما فيها طبتين اماكن العجل و كل دة بدعم من مهندسين رينو و نيسان فى التصميم الهندسى و الخبرة..

اعتقد بهذا التصميم و بهذا المستوى و بهذا السعر... المنافسين ببساطة حيقعدو فى البيت ..هذة السيارة بكل سهولة تتفوق على حاجة زى الجراند فيتارا و تتفوق عليها فى حاجات كتير غير كدة مافيش منافسين فى هذة الفئة وبهذا السعر ممكن نقول عليهم عربيا 4x4 بجد ..

[city_ct]

بالنسبة لسعر ال 4x2 أعتقد أن 108000 جنيه كثير. فهى مجرد سيارة تاخذ شكل الSUV و لكن جر أمامى فقط. يحسب لها أن ارتفاعها عن الأرض كبير فى حدود 20 سم. لكن ما هى التجهيزات الخاصة بها التى ستطرح فى السوق المصرى. و ما هى تجهيزات الآمان من أنظمة الفرامل ال ABS و EBD و BA و وسائد هوائية.

أعتقد أن موديل ال 4x2 لها منافس شديد و من نفس مجموعة رينو و نيسان و هى النيسان ليفينا، ارتفاعها معقول 17 سم عن الأرض و صالون معقول فى الإتساع و بها وسائل الآمان كلها و تتفوق علي الداستر بناقل حركة أتوماتيك و السعر 115000 جنيه أى أغلى 7000 فقط من الداستر، و كذلك التوكيل له سمعة طيبة.