الله يرحمك يا سيمبول

[DViPER]

انا انصحك بـأنك تحجز السيمبول لانها افضل عربيه فى الفئة دى من تجربه تقرب السنه ونصف لان العربيه فعلآ تساوى اكثر من قيمتها ولا يعلم ذلك الى من تعامل معها ومع السيارات المنافسه لها واقصد اليارس والسيتى والاوبترا والصنى وليس السيارات الاقل مثل الاكسنت والريو وغيرها لانهم لا يقارنو بها والعمليه مش شكل انا بتكلم عن اداء عربيه فى كل ظروف التشغيل واعتقد ان عدم اهتمام التوكيل بلتسويق للعربيه دى ان سعرها اقل من قيمتها الفعليه ودا مخلى هامش ربح التوكيل فيها ضعيف جدآ علشان كدا مش مهتم بترويجها وسايبها تبيع نفسها وبيحاول يسوق لعربيات زى اللوجان والاسكالا وذلك لارتفاع هامش الربح فيها واكبر دليل على كلامى فى مهندس استقبال فى المقطم يمتلك السيمبول وفى حد تانى فى الشؤون الاداريه واعتقد هوا اكتر واحد يقدر يقييم السيارة وتكوينها وانها تستحق الاقتناء ولا لاء وكفايه ان بحمد الله العربيه كسرت 20 الف كيلو وملهاش عيوب بفضل الله ومسمعتش ان حد من ملاكها اشتكا من عيوب صناعه اوتقفيل كما يحدث فى كثيير من السيارات الى عيوبها اكثر من مميزتها

المشكلة أني مقتنع بكل الحاجات دي وخايف أحجز يدوني بومبة

[CryptonX]

نصيحة اخوية ... من اخ مجرب ... مش السيمبول ..

انا مجرب توكيل ينزل سيارة لمدة سنة واحدة او اقل و يوقف استيرادها بعد كدة ..

عارف معنى الكلام ايه ؟؟؟

معناه ان بنسبة 95% مش حتلافيلها لا قدر الله اي حاجة اسيتراد او خارج التوكيل بنفس الكمية التنوع مثلا الي ممكن تلاقي لسيارة منتشرة اكثر .

انا عربيتي اشترتها صحيح هي مش رينو و توكيلها اقل من توكيل رينو .. و لكن التوكيل اوقف استيرادها بعد سنة تقريبا من نزولها و بالتالي تجار قطع الغيار نفضولها تماما الا في الحاجات المشتركة بينها و بين اي سيارة اخرى .

انما كماليات و اجزاء تعليق خاصة بالموديل ده حتطظر تلبس مع التوكيل .. و انا حاجتها موجودة دولقتي .. يا عالم كمان كام سنة تبقى موجودة ولا لأ .

ارجوك ! ابعد عن اي سيارة غير منتشرة او موقوفة او حتوقف ... وبالذات السيارات الي خارجة من غير مكان بلدها و مبتاعش اى في بلاد معينة .. زي السيمبول - السيينا - البوينتر -باراتي - سوران - بولو سيدان جديدة .

انا مش برشح حاجة معينة بس صدقني .. خليك في المتجرب و المنتشر .. و سيبك من انك عايز تتميز ! او تركب عربية شيك ! و الكلام ده مش حينفعك لو بتتعب في قرشك .

[n_i_t_e]

الموضوع بسيط.. لازم الحسابات تتعاد من أول فى المبلغ المتاح فى الحدود دي.
العربيات اللى زي السيمبول (super mini-sedan) و فى نفس الرينج هم الأكسنت و الريو.
أنا أرشح الأكسنت بصراحة ما شاء الله منتشرة و قطع غيار منتشرة و أعادة بيع أسهل و واسعة. الريو فيها مشكلة عدم انتشار و قطع غيار. الأكسنت أضمن.
ممكن لو زيادة كام ألف تجيب نيسان صنى أو جين 2

[tameramin77]

ياجماعة العربية موجودة وبالحجز والى بيحجز بيستلم خلال 30يوم والعربية عجبانى جدا وانا نازل احجزها النهاردة من توكيل رينو الزمالك وانا سالت رينو الزمالك وقالوا ان السبب ان الشركة الام فى فرنسا كانت عايزة ترفع سعرها فا التوكيل فى مصر رفض وقامت مشورات مدتها اكثر من شهرين وتمت الموافقة على عدم رفع سعرها والعربية بيحجزوا عليها

[ramymahmoud]

ياجماعة العربية موجودة وبالحجز والى بيحجز بيستلم خلال 30يوم والعربية عجبانى جدا وانا نازل احجزها النهاردة من توكيل رينو الزمالك وانا سالت رينو الزمالك وقالوا ان السبب ان الشركة الام فى فرنسا كانت عايزة ترفع سعرها فا التوكيل فى مصر رفض وقامت مشورات مدتها اكثر من شهرين وتمت الموافقة على عدم رفع سعرها والعربية بيحجزوا عليها

كلام مش صح . المشكلة ان فى مشكلة فى المصنع لتاخير بعض المكونات للعربية الاوتوماتيك.
انا كنت حاجز من مارس و لغيت الحجز لانهم مش قدرين يححدو ميعاد استلام :(

[midorehan]

ياجماعة العربية موجودة وبالحجز والى بيحجز بيستلم خلال 30يوم والعربية عجبانى جدا وانا نازل احجزها النهاردة من توكيل رينو الزمالك وانا سالت رينو الزمالك وقالوا ان السبب ان الشركة الام فى فرنسا كانت عايزة ترفع سعرها فا التوكيل فى مصر رفض وقامت مشورات مدتها اكثر من شهرين وتمت الموافقة على عدم رفع سعرها والعربية بيحجزوا عليها

اوعى تصدق اى كلام من بتوع التوكيل (هو نفس توكيل كيا)
انا سالتهم عن الكارنز من زمااان قالولى حجز 3 شهور منهم شهر تصنيع و شهر شحن ...... والله حاجة تهبل و لا يمكن اى عبيط يصدقها دا انا كنت فى السعودية لغاية اخر 2009 الكارنز مرطرطة و مش لاقيه اللى يشتريها يبقى لسه كيا هتستنانى لما احجز عشان تصنعلى العربية و الله حاجة تقرف و استخفاف بعقول الناس....
و نصيحة اخ اسمع كلام الزميل اللى قاللك هات عربية منتشرة و بلاش السيمبول اللى احتمال يبطلوا يجيبوها عشان ماتدوخش على قطع الغيار بعدين و دايما و انت بتجيب عربية فكر لقدام عشان ماتفرحش دلوقتى و تخسر بعدين و بالتوفيق و الف مبروك مقدما

[mmmmgogommmm]

اشترى سيراتو او النترا تقريبا نفس الفئة السعرية بس منتشرة وابعد عن الغير منتشر هيقرفك فى قطع الغيار وفى سعر اعادة البيع