ارجو المساعده..... اشتري ايه ؟؟؟

[behman]

لو سمحتو يا شباب ... انا عايز اجيب عربيه في رينج 40 و حيران بين عربيتن
كليو 2003 بيزك1200 ماشيه 130000 و حالتها كويسه
و سيات كوردوبا 2000 ماشيه 210000 و حالتها اقل من الكليو
و الاتنين راشين برا بس الكوردوبا محتاجه حوالي 2000 بلبل مصاريف فردتين كاوتش علي تظبيط عفشه علي طقم ديبرياش
و الكليو مافيهاش حاجه ظاهره غير فانوس و صاحبها بيقول علبه دريكسيون مش حلوه
انا افهم في الكوردوبا كويس و عارف مصاريفها عشان معايا كان ابيزا ... و بصراحه ماليش في الكليو بس
ياريت اسمع رأي الناس في الموضوع و تقييم العربيتين و لو حد عندو اقتراح تاني يتفضل .... وشكرا لرجاله الرينو مقدما

ملحوظه: انا هاختفي اسبوع لظروف التجنيد غشان ماتفتكروش اني مش برد غلاسه يعني

[ramykimo]

40 الف تجيب بيهم كليو حالتها احسن من كدا بكتييير اصلا اللى بتتكلم عليها دىحالتها متبهدلة و مستهلكة فى حاجات من الكليو احسن بكتير .. الكليو عربية ممتازة و اقتصادية و مافيهاش اى عيوب شايعة .. بس دايما يقولوا ان الكنبة اللى ورا ديقة.. بس عموما هى عربية جميلة

[heha]

40 الف تجيب بيهم كليو حالتها احسن من كدا بكتييير اصلا اللى بتتكلم عليها دىحالتها متبهدلة و مستهلكة فى حاجات من الكليو احسن بكتير .. الكليو عربية ممتازة و اقتصادية و مافيهاش اى عيوب شايعة .. بس دايما يقولوا ان الكنبة اللى ورا ديقة.. بس عموما هى عربية جميلة

+++++++++++++++ 1

[heha]

ممكن تجيب لانوس موديل 2000 حالتها كويسه وتريح دماغك

[behman]

اشكركم علي الرد السريع ... بس العربيه مش متبهدله اوي و لسه راشه من شهر و ماعملتش حوادث قبل كده ... بس عندكو حق في النصيحه طبعا و هافكر في الموضوع تاني فعلا