بشرى ساره لمحبي السيمبول

[crazylambada]

كان فيه موضوع اتكتب ان السيمبول اتوقفت و ده حقيقي بس نزل بدل منها
كليو سيمبول زيها بالظبط
و سعرها 79 الف مانيوال
88 الف اتوماتيك
شوفتها في معرض اتوماك النهارده و دي صورتها

و محدش يزعل بقى

[lordfear]

دى شبة السانديرو !!!!

[ramymahmoud]

هو دة اسم السيمبول - مفيش تغيير ولا حاجة.

[m_gody]

بجد !!؟ .... يعنى فعلا ما وقفوش انتاجها !!؟ .... طب الحمد لله انا اتكدرت تكديرة جامدة جدا من ساعة ما قريت انهم وقفوها عشان كان التوكيل هينفض لقطع الغيار بتاعتها بقى و طبعا هتغلى جدااا و هندوخ بيها

انا صعب عليا فعلا موضوع انها اتوقفت دة .. عشان العربية ياجماعة عاجبانى جدا ونفسى انها تنتشر عشان فعلا تستاهل وماينفعش تتقارن بالأكسنت و الكيا ريو ... انا العربية معايا بقالها 3 شهور والحمد لله مبسوط منها جدا وراضى عن آدائها

[crazylambada]

انا صعب عليا الردود لما قريتها فاول لما لقيتها فرحت علشانكم و قولت اقولكم
استاذ رامي لما سالت مندوب مبيعات قالي فعلا انتاجها وقف تحت اسم سمبول و نزلت جديد بالاسم ده بس كل ما في الامر

[AirForces]

انا صعب عليا الردود لما قريتها فاول لما لقيتها فرحت علشانكم و قولت اقولكم
استاذ رامي لما سالت مندوب مبيعات قالي فعلا انتاجها وقف تحت اسم سمبول و نزلت جديد بالاسم ده بس كل ما في الامر

بجد حضرتك راجل محترم
وياريت الأعضاء اللى كانو ناويين يشتروها وعدلوا عن الفكرة لما عرفوا انها هتتوقف يشوفوا موضوعك

[crazylambada]

العفو حضرتك انا اخدت البرو شور بتاعها و حكتبه بكره ان شاء الله بعد الامتحان ادعولي بقى :d

[DViPER]

أنا اللي نقلت خبر وقف إنتاجها يا جماعة

بس بردو دي حاجة تقلق

لأن العربية ش منتشرة زي اللوجان

أنا شايف أن اللوجان كصفقة أربح

يا ريت الخبراء يقولو رأيهم

[karimnet]

من زمان و انا بشوف لن مكتوب عليها كليو سيمبول

اعتقد مفيش جديد

[hissamrefat]

ربنا يكرمك يا باشا ، أنا من ساعة ما سمعت الخبر وأنا مخنوق جدا خاصة إنى جايبها من 3 شهور بس ومالحقتش أركبها لإنى حاليا بره مصر وماكنتش عارف هأعمل إيه بس كده تمام أوى الحمدلله ........... وربنا يوفقك فى الإمتحان ان شاء الله

[m_gody]

أهم حاجة إن إسم السيمبول هيرجع يلعلع من جديد فى السوق .... : )
بس انا من زمان وانا اسمع انها كانت نازلة بإسم كليو سيمبول دة .. و فعلا هى مشتركة مع الكليو فى قطع الغيار فى بعض الحاجات

وعلى فكرة اللون الاحمر بتاعها اللى فى الصورة تحفة عاجبنى جدا ... كان نفسى اجيبها حمرا بس ما لقيتش للاسف

[elassar2010]

شكرا على الخبر

[Amr_Moh]

هو دة اسم السيمبول - مفيش تغيير ولا حاجة.

+111111111111111111111111111111111111111

بضبط ...من ساعة مانزلت وهيا اسمها كليو سيمبول مفيش جديد

[crazylambada]

العفو جدا حضراتكم على العموم لو هي نزلت من الاول كده يبقى كلام مندوب المبيعات غلط
و شكرا للتوضيح

[ashrafsadany]

يا جماعه انا من ساعت مسمعت انها اتوقفت مكنتش مقتنع لانها احد احصنه رينو الرابحه جدآ وخاصه فى شمال غرب افريقيا وليس لها بديل فى هذة الفئه علشان يلغيها هوا كل الامر ان هامش ربحاها اقل من اللوجان والاسكالا لان اغلب مكونتها اوربيه وبلتالى هوا مش مهتم بنسويقها وسايبها تثبت نفسها فى السوق وهيا فعلآ قادرة على انها تثبت نفسها الموضوع موضوع وقت