الداستر طلعت وحشه أوى ى ى ى ى ى ى

[heha]

أنا بصراحه أتصدمت لما شفتها فى أوتو ماك

فنش زفت
أبعادها سيئه
الباب بتعها زى ال128
كماليات مفيش لدرجه أنهم بيعتبروا أن الإكسدام بلون السياره دى كماليات
التابلوه 1000000000000000 زفت وممكن أزود كام صفر كمان

بصراحه أنا شايف أنها كانت مبوظه منظر جناح رينو ومش مستوى رينو خالص

[wawoo]

أنا بصراحه أتصدمت لما شفتها فى أوتو ماك

السيارة تقفلها معقول جدا و احسن من سيارت يابانى كتير و انضف بمراحل من الترويس و لعب الاطفال الصينى اللى فى السوق ..و التبلوة جيد جدا بالنسبة لعربية للاغراض دى..

دة غيرالتجهيزات الميكانيكية اللى مش موجودة فى سيارة اخرى بالثمن دة ..العربية دى حتعمل انقلاب فى سوق السيارت العالية

لم دى فى رايك زفت يبقى التريوس اية ولا تيجو ولا البلاوى اللى فى السوق ..يبقوى زبالة بقى على كدة...

بصراحة راى مجحف جدا للسيارة

[heha]

السيارة تقفلها معقول جدا و احسن من سيارت يابانى كتير و انضف بمراحل من الترويس و لعب الاطفال الصينى اللى فى السوق ..و التبلوة جيد جدا بالنسبة لعربية للاغراض دى..

دة غيرالتجهيزات الميكانيكية اللى مش موجودة فى سيارة اخرى بالثمن دة ..العربية دى حتعمل انقلاب فى سوق السيارت العالية

لم دى فى رايك زفت يبقى التريوس اية ولا تيجو ولا البلاوى اللى فى السوق ..يبقوى زبالة بقى على كدة...

بصراحة راى مجحف جدا للسيارة

والله ياسيدى أنا ذيك مابحبش التريوس بس معلش الرأى المجحف هوه أنك تقارن بين العربيه اللى أنا شفتها فى المعرض ( الداستر) والتريوس طب أنت عاوز تقارنهم من ناحية أه تيجى نجرب :-


1- المنشأ التريوس يابانى
الداستر رومانى


2-السعر التريوس من 116 إلى 136ألف 2x4

الداستر من 110 إلى 118 ألف 2x4


3- التقفيل من الواضح أن العربيه عجباك ودى أذواق ولكن أعجابك بيهاماخلكش تشوف العيوب اللى فيها بس أنا عاوز أسألك سؤال أنت تعتقد أن التقفيل الرومانى ممكن يكون أحسن من اليابانى؟

-مين اللى جاب سيرة التيجو ؟

وذى ماقولتلك ماينفعش نقارن بين الداستر والتريوس ماينفعش نقارن بين التيجو والداستر لكن لازم تاخد بالك هنا أن الفرق السعرى بين الداستر والتريوس مش كبير لكن الفرق بين التيجو والداستر كبير أوى 80ألف & 118ألف وإن كانت التيجو ماتستحقش المبلغ ده

شكرا

* معلومه أنا معايه رينو ميجان لكن مش للازم أنحاز للماركه اللى معايه حتى لو نزلت عربيه أنا مصر أنها لا ترتقى لسيارات رينو

[احمد عبدالله]

موضوع الإكصدام ده تعبني ٌوي لما شوفت منظره

[hobaz]

معلش عندي تعليق يعني ايه بابها زي 128.....؟!؟!؟!

[wawoo]

وذى ماقولتلك ماينفعش نقارن بين الداستر والتريوس

سؤال بس هو لية مينفعش نقارن بين الداستر و التريوس ..و بعدين لما تقارن قارن فى ال 4x4 عشان هو دة الموديل الاصلى اللى متصممة السيارة على اساسة ..

يبقى نقارن الاتى و نشوف مين حيكسب :

1 ابعاد العربية : الداستر اكبر و اوسع
2 مساحة التخزين : الداستر بدون تفكير
3 نظام الدفع : عندك كل الاختيارات فى الداستر
4 قوة جسم السيارة و الشاسية : اظن واضح الشغل فى الداستر
5 قوة الموتور : الداستر اقوى

و كل دة بضمان رينو و نيسان ...اظن يعنى الفرق واضح جدا لكل اللى شافو العربييتيتن فى المعرض

شوف بقى التقفيل اليابانى المحترم فى التريوس و قولى رايك .
http://www.nilemotors.net/Nile/155212-a.html

[heha]

معلش عندي تعليق يعني ايه بابها زي 128.....؟!؟!؟!

صوته وهوه بيقل وخفيف وسمكه قليل أوى

[Kareem_A]

مننساش يا جماعة ان العربية نازلة اصلا للدول النامية !!

[ahmedbasto]

يا رجالة براحة شوية هنشوف المبيعات بتاعتها هتعمل ايه ويبقى دة الحكم

[heha]

سؤال بس هو لية مينفعش نقارن بين الداستر و التريوس ..و بعدين لما تقارن قارن فى ال 4x4 عشان هو دة الموديل الاصلى اللى متصممة السيارة على اساسة ..

يبقى نقارن الاتى و نشوف مين حيكسب :

1 ابعاد العربية : الداستر اكبر و اوسع
2 مساحة التخزين : الداستر بدون تفكير
3 نظام الدفع : عندك كل الاختيارات فى الداستر
4 قوة جسم السيارة و الشاسية : اظن واضح الشغل فى الداستر
5 قوة الموتور : الداستر اقوى


و كل دة بضمان رينو و نيسان ...اظن يعنى الفرق واضح جدا لكل اللى شافو العربييتيتن فى المعرض

الردود بتعتى بالأخضر تحت

سؤال بس هو لية مينفعش نقارن بين الداستر و التريوس ..و بعدين لما تقارن قارن فى ال 4x4 عشان هو دة الموديل الاصلى اللى متصممة السيارة على اساسة ..
مش هينفع للأسف لأن الداستر مافهاش أوتوماتيك وللأسف ده تهريج تانى بس لو عاوز ماشى

الداستر مانيوال 4x4 ألف130

التريوس أوتوماتيك 148ألف (شوف الأوتوماتيك يسوه كام لوحده)


يبقى نقارن الاتى و نشوف مين حيكسب :

1 ابعاد العربية : الداستر اكبر و اوسع
لوهيه بالكبر خلاص روح جيب الماهندار ولا أى 4*4 من الصينى اللى أد الداستر مرتين

2 مساحة التخزين : الداستر بدون تفكير
نفس الرد السابق

3 نظام الدفع : عندك كل الاختيارات فى الداستر
طب مده متوفر فى التريوس 2*4 & 4*4 بالإضافه للأوتوماتيك

4 قوة جسم السيارة و الشاسية : اظن واضح الشغل فى الداستر
بصراحه مش واضح أنا ماعرفش أنت جبت الوضوح ده من أين ماعتقدش عشان دى يابانى ودى رومانى

5 قوة الموتور : الداستر اقوى
1500سى سى ل 1600سى سى ماعتقدش ده فرق كبير

كل دة بضمان رينو و نيسان ...اظن يعنى الفرق واضح جدا لكل اللى شافو العربييتيتن فى المعرض

جميل كلامك بس أنت مش واخد بالك بردو أن دى بضمان دايهاتسو اللى وكيلها عبد اللطيف جميل من أكبر الوكلاء فى الخليج

للعلم ده مايمنعش أن EIT أفضل وكيل فى مصر بدليل أنى مشترى العربيتين اللى عندى من عنده الكيا كارينز والميجان لكن دايهاتسو وعبد اللطيف جميل مش أى كلام

[wawoo]

3 نظام الدفع : عندك كل الاختيارات فى الداستر
طب مده متوفر فى التريوس 2*4 & 4*4 بالإضافه للأوتوماتيك

لا انا مقصدش بالاختيارات توفر التريوس باختيارات اخرى ..انا اقصد ان نفس النظام الدفع الرباعى فية كل الاختيارات يعنى ممكن يشتغل دفع ثنائى فقط و ممكن يشتغل دفع رباعى و ممكن يشتغل اوتومتك حسب حالة الطريق ..و دة النظام اللى موجود فى مودلات نيسان الدفع الرباعى و هو من تصميم نيسان ...

عموما انت حر فى رايك ..لكن وصف السيارة بانها زفت دة اجحاف كبير ليها ..هى صحيح مش سيارة فى فخامة الميجان مثلا ..لكن سيارة بالموصفات دى مش مطلوب منها فخامة ..الا لو عاوز حاجة بقى تنافس الاكس ثرى بتاعت بى ام. يبقى انت فعلا متلزمكش الداستر
و حينزل موديل اوتومتك بس بعد فترة من الان

و برضو مقولتليش رايك فى التقفيل اللى فى الموضوع دة اية رايك فية .........

http://www.nilemotors.net/Nile/155212-a.html

http://www.nilemotors.net/Nile/155212-a.html

[carfreak92]

يا جماعه مفيش مقارنه بينها وبين التيريوس التيريوس كفايه انها اوتوماتيك وفرق السى سى مش واضح مش هنيجى فى 100 سى سى اللى هتخلى عربيه زى دى اقوى من التيريوس والعمليه واحد التيريوس 1500 على عربيه صغيره زودوا 100 سى سى وكبروا العربيه التانيه شويه وانا حاسس انها هتعمل مشاكل عشان حاسس ان الموتور هيبقى صغير على عربيه بالحجم دا
ودى ركوبه ودى ركوبه ولولا اختلاف الاذواق لبارت السلع

[Kareem_A]

هو ليه الناس فاكرة ان كل لما السي سي يكبر يبقى احسن ؟!!

[wawoo]

يا جماعه مفيش مقارنه بينها وبين التيريوس التيريوس كفايه انها اوتوماتيك

فعلا مافيش مقارنة التريوس دى عربية اى كلام ..انا متهيئلى اللى عملها 4x4 ظلمها ..هى عبارة عن سريون بس عالوها شوية ..و التقفيل و الخامات اى كلام ...انا متهئيلى كل اللى بيركب التريوس دى بيكتشف دة بسهولة

عموما دة مش غريب على عربية تجميع اندونيسى

[esslynx]

فعلا مافيش مقارنة التريوس دى عربية اى كلام ..انا متهيئلى اللى عملها 4x4 ظلمها ..هى عبارة عن سريون بس عالوها شوية ..و التقفيل و الخامات اى كلام ...انا متهئيلى كل اللى بيركب التريوس دى بيكتشف دة بسهولة

عموما دة مش غريب على عربية تجميع اندونيسى

الفكره مش فى التجميع الفكره فى ال quality control و التوكيل ..مرسيدس و بى ام بيجمعوا هنا و رينو فى تركيا و فولكس فى البرازيل بس التوكيل المحترم هو اللى بيجيب العربيات النضيفه مش الفرز التانى