سيمبول 2010

[skoda1996]

السلام عليكم
هل العربية السيمبول تقفيل تركي ام مغربي؟؟؟؟؟
و اللي سعرها 80 الف فيها abs.؟
و هي احسن و لا نيسان صني
اتمني كل واحد يشاركني رايه و نتناقش فيه
شكرا

[gazzar91]

السلام عليكم
هل العربية السيمبول تقفيل تركي ام مغربي؟؟؟؟؟
و اللي سعرها 80 الف فيها abs.؟
و هي احسن و لا نيسان صني
اتمني كل واحد يشاركني رايه و نتناقش فيه
شكرا

تقفيل تركي
مافيهاش abs للأسف بس فيها ebd
موضوع الأفضلية ده حسب إحتياجات حضرتك...
أرجو إني أكون أفدت حضرتك و أنا بإنتظار ردك..
في رعاية الله..

[skoda1996]

اولا شكرا علي الرد
انا احتياجاتي من العربية اني هسافر بيها يوميا حوالي 250 كيلو و عشان كده بعد ما كنت مركز في النيسان نويت علي الاوربي لاني بصراحه بثق فيه اكتر
النيسان برده مش فيها absبس انا محتار بينهم و خصوصا اني كنت شلت السيمبول من دماغي خالص بعد ما قريت هنا موضوع انها مش نازله تاني
بس لما عرفت انها لسه بتنزل رجعت للحيرة
طب هي اية نظامها في الوسع الداخلي لان الصني الكنبة اللي ورا ضيقه حبتين
و شكرا علي تفاعلك السريع

[Amr_Moh]

بردو مش واسعة أوي الأفضل ليك تنزل تتفرج

[adhamsabry51]

بص يا باشا رغم اني مش باعرف اسوق اوتوماتيك يعني بس بصراحه الصني حسيت انها مشلوله فعلا بطيئه جدا في التجميع و تحس انها من جوه قديمه جدا و كراسيها في منتهي السوء
السيمبول انا مجربتهاش بس اعتقد انها مش هتكون اوسع اوي من الكليو بس الأحسن انزل سوف الأتنين بس انا مش معاك خالص في الصني بصراحه

[gazzar91]

السيمبول فعلاً ضيقة بس ده حب حجم اللي راكبها....
أنا جيت أقعد فيها في المعرض عملت زي القنفد لأنهم كانو مطلعين الكراسي قدام وعلبة السجاير اللي فجيبي إطبقت و رجلي شدت عليا و كان موقف عجيب
بس ده نظراً لأن العبد الفقير إلى الله طوله 185 سم أو أطول كمان

في رعاية الله....

[skoda1996]

ماشاء الله 185سم .....الطول هيبه برده
بس انت بتتعذب لو راكب عربية و مش انت اللي سايق
الصني كمان نفس الضيق من ورا؟؟؟؟؟؟؟؟؟؟؟

[n_i_t_e]

أنا قعدت فى السيمبول ورا و قدام...هو أنت لو طولك فوق 185 سم فعلا و راكب فى كرسي السواق هتحتاج ترجع الكرسي للأخر و ساعتها مش هينفع يعد وراك واحد طولك. و العكس صحيح (يعنى صعب 2 طوال يعدوا ورا بعض)

السيمبول بصفة عامة الكنبة اللى ورا مش واسعة بس فى المقابل الشنطة أكبر شنطة شفتها فى حياتى لعربية مينى سيدان.
العربية حلوة و فرنساوي برستيج برضه...قطع الغيار مش منتشرة زي اليارس بس مش نار فى التوكيل بالمقارنة للميجان أو الهوندا سيتى.

[Amr_Moh]

أنا قعدت فى السيمبول ورا و قدام...حلوة و فرنساوي برستيج برضه...قطع الغيار مش منتشرة زي اليارس بس مش نار فى التوكيل بالمقارنة للميجان أو الهوندا سيتى.

أعتقد معظم قطع الغيار ( كهربا - ميكانيكا) مشتركة مع الكليو

[AHMEDmostafa79]

شكلها مش نازلة تاني لاسف بدليل ان في ملحق الاهرام الجمعة بتاع السيارات كان في صورة لجميع موديلات رينو في مصر وكل الموديلات كانت موجودة ماعدا السيمبول.

[adhamsabry51]

هي السيمبول فعلا اخر دفعه هتنزل هي دي علشان يمشوا حال الأسكالا

[Amr_Moh]

أنا سمعت كدة من ناس سألو فالتوكيل

[pooh]

اشاعااااااااااااااااااااااااات

[pooh]

نسيتوا اللي قال سال ف التوكيل وطلع مندوب التوكيل نفسه غلطان


بلاش نصدق الا لما كل واحد يتاكد بنفسه


هي مشكله العربيه دي اني حاجزها بقالي من 5/5/10 والي الان لم استلم

فهي مشكله تاخير ممله ف التسليم لدرجه اني اتخنقت

[kdosoki]

ده رقم ال Call center بتاع رينو
اللى عايز يسأل
16202
وممكن تطلب منهم تكلم ا \ عبدالحليم هو بياع شاطر ومش بيكدب وهيقولك كل المعلومات بصراحة