سؤال لخبراء الميجان 2

[heema78]

السلام عليكم

عندي مشكله في الميجان 2006 مش عارف سببها ايه انا كنت عامل صيانة 80000 من حوالي 3 الاف كم يعني مغير بوجيهات و بعديها بحوالي الف كم غيرت بطارية جديدة ( الظروف اطرتني اني اغيرها من التوكيل) يعني المفروض انها بطارية جديدة وزي الفل

المشكلة ان العربية بقالها فترة كذا مرة تتطول اوي في الدوران يعني ساعات تدور من اول مرة وساعات من تاني او تالت او حتي رابع مرة!!



يا تري تبقي ايه المشكلة يا وحوش؟؟؟؟؟؟

هل في سبب تاني غير البطارية وياتري كون العربية تطول كده في الدوران ده ممكن يبوظ حاجة لقدر الله؟؟

[Hany Saad]

السلام عليكم

عندي مشكله في الميجان 2006 مش عارف سببها ايه انا كنت عامل صيانة 80000 من حوالي 3 الاف كم يعني مغير بوجيهات و بعديها بحوالي الف كم غيرت بطارية جديدة ( الظروف اطرتني اني اغيرها من التوكيل) يعني المفروض انها بطارية جديدة وزي الفل

المشكلة ان العربية بقالها فترة كذا مرة تتطول اوي في الدوران يعني ساعات تدور من اول مرة وساعات من تاني او تالت او حتي رابع مرة!!



يا تري تبقي ايه المشكلة يا وحوش؟؟؟؟؟؟

هل في سبب تاني غير البطارية وياتري كون العربية تطول كده في الدوران ده ممكن يبوظ حاجة لقدر الله؟؟

فيه حساس اللى هو أسمه الspeed sensor من أعراضه إنه ممكن يأخر الدوارة زى ما حضرتك بتوصف كده....و ده بيظهر لهم على طول فى التوكيل لما بيكشفوا بالكمبيوتر....طبعا ده اللى فى فكرى دلوقتى...

تأخير الدوارة تأثيره بيكون على البطارية لأنه بيضعفها علشان التيار العالى بتاع الstart up اللى بيتسحب منها كذا مرة لغاية لما العربية تدور....لكن الحمد لله بطاريتك جديدة و إن شاء الله تغير الحساس ده قريب و العربية تبقى زى الفل معاك....

[gazzar91]

السلام عليكم

عندي مشكله في الميجان 2006 مش عارف سببها ايه انا كنت عامل صيانة 80000 من حوالي 3 الاف كم يعني مغير بوجيهات و بعديها بحوالي الف كم غيرت بطارية جديدة ( الظروف اطرتني اني اغيرها من التوكيل) يعني المفروض انها بطارية جديدة وزي الفل

المشكلة ان العربية بقالها فترة كذا مرة تتطول اوي في الدوران يعني ساعات تدور من اول مرة وساعات من تاني او تالت او حتي رابع مرة!!



يا تري تبقي ايه المشكلة يا وحوش؟؟؟؟؟؟

هل في سبب تاني غير البطارية وياتري كون العربية تطول كده في الدوران ده ممكن يبوظ حاجة لقدر الله؟؟

الأعراض دي في الدوارة على البارد ولا لأ
و هل بيبقى في صوت تكتكة؟؟

[ramy_gamal]

فيه حساس اللى هو أسمه الspeed sensor من أعراضه إنه ممكن يأخر الدوارة زى ما حضرتك بتوصف كده....و ده بيظهر لهم على طول فى التوكيل لما بيكشفوا بالكمبيوتر....طبعا ده اللى فى فكرى دلوقتى...

تأخير الدوارة تأثيره بيكون على البطارية لأنه بيضعفها علشان التيار العالى بتاع الstart up اللى بيتسحب منها كذا مرة لغاية لما العربية تدور....لكن الحمد لله بطاريتك جديدة و إن شاء الله تغير الحساس ده قريب و العربية تبقى زى الفل معاك....

+11111111

[heema78]

فيه حساس اللى هو أسمه الspeed sensor من أعراضه إنه ممكن يأخر الدوارة زى ما حضرتك بتوصف كده....و ده بيظهر لهم على طول فى التوكيل لما بيكشفوا بالكمبيوتر....طبعا ده اللى فى فكرى دلوقتى...

تأخير الدوارة تأثيره بيكون على البطارية لأنه بيضعفها علشان التيار العالى بتاع الstart up اللى بيتسحب منها كذا مرة لغاية لما العربية تدور....لكن الحمد لله بطاريتك جديدة و إن شاء الله تغير الحساس ده قريب و العربية تبقى زى الفل معاك....

شكرا علي ردك وياتري حساس السرعة ده ملوش اعراض تانية و ممكن يبوظ فجاة كدة ؟ ووسعره في حدود كام

[heema78]

الأعراض دي في الدوارة على البارد ولا لأ
و هل بيبقى في صوت تكتكة؟؟

شكرا علي ردك

انا بلاحظ فعلا ان عمرها ما حصلت والعربية سخنة يعني دايما بتحصل في حالة الدوران علي البارد

ولا مفيش صوت تكتكة هيتقريبا نفس الاعراض اللي حصلت لما كانت البطارية عاوزة تتغير

[Hany Saad]

شكرا علي ردك وياتري حساس السرعة ده ملوش اعراض تانية و ممكن يبوظ فجاة كدة ؟ ووسعره في حدود كام

للأسف أنا محصليش قبل كده فعلشان كده مش قادر أوصفلك لو فى أعراض أخرى غير تأخير الدوارة......لكن أكيد لو حد من الوحوش حصله هيساعد حضرتك على طول....

على فكره ساعات السنسورس بتبقى محتاجة تنظيف بس و مش لازم تتغير.....


السعر زى ما أستاذ شاركى عامل موضوع أسعار قطع الغيار فى التوكيل و كاتب إنه ب300 جنيه بس ممكن طبعا تضيف تمن كشف و تركيب و ضريبة.

جرب برده حاجة صغيرة كده قبل ما تروح التوكيل.....لما العربية متدورش جرب تضرب الكلاكس و تسمع صوته هل قوى و لا ضعيف لأن ممكن قوى يكون قطاش البطارية مش مربوط كويس أو بيلمس أو عليه أكسدة و عايز تنظيف....ده مجرد إحتمال بسيط....

[ramy_gamal]

فى الكليو ماكانش له اعراض تانيه بس مع الوقت ممكن العربيه ماتدورش خالص

[gazzar91]

شكرا علي ردك

انا بلاحظ فعلا ان عمرها ما حصلت والعربية سخنة يعني دايما بتحصل في حالة الدوران علي البارد

ولا مفيش صوت تكتكة هيتقريبا نفس الاعراض اللي حصلت لما كانت البطارية عاوزة تتغير

أصلب كنت شاكك في حاجة مشهورة قوي في الميجان و السينيك و اللاجونا.... Camshaft Dephaser
بس الحمد لله كده مش منه....
ممكن تعرفي حضرتك ساكن فين أدلك على أي توكيل...

[abasse]

لو فى صوت بيتطلع مع الدوس على ازرار زى تيت تيت أحتمال كبير يكون حساس السرعة ب 800 ج فى التوكيل غيرته من 7 شهور كده

لو كان بيحصل و العربية باردة أحتمال يكون حساس الكامة
لو كان ت لمبة البطارية بتنور بعد المحاولة أحتمال تكون البطارية

فى كل الحالات حاول تكشف الأول ولو عند مركز معتمد

[abasse]

بص على اللنك ده برضه

http://www.nilemotors.net/Nile/105118-30.html

[heema78]

بص على اللنك ده برضه

http://www.nilemotors.net/nile/105118-30.html

مشكووووور

هي فعلا حاجة تجنن خصوصا اني لسه مغير بطارية عشان نفس الاعراض

[Badrashiny]

أنا كان حصل معايا حاجة شبه كده ورحت التوكيل وطلعت طرمبة البنزين