عيب يا رينو

[Hany Saad]

للأمانة أنا كنت ناسى حاجة.....غالبية الشركات الأوروبية رفعت أسعارها بداية من أول يونيو 2010....الكلام ده مش بس فى السيارات....ده فى كل السلع لأنهم بصراحة بقلهم كتير مرفعوش علشان الأزمة المالية......

بحسبة بسيطة كده ال 3000 جنيه يمثلوا 2% من سعر العربية....و اليورو نقص 17% فمعنى كده إن الشركة الأم رفعت الأسعار حوالى 20 % هل ده معقول؟؟؟!!!!

[neversighs]

بعد الحركه الغير لائقه ده من الوكيل انا بفكر في سحب الحجز والاتجاه نحو سياره تانيه خالص . طالما هيوصلونا لرينج ال 138 الف انا بفكر الان جديا فالنيسان سيلفي او حتى المازدا 3

[esslynx]

بعد الحركه الغير لائقه ده من الوكيل انا بفكر في سحب الحجز والاتجاه نحو سياره تانيه خالص . طالما هيوصلونا لرينج ال 138 الف انا بفكر الان جديا فالنيسان سيلفي او حتى المازدا 3

السيلفى و المازدا الا كلام بجد سيبك من دول..الفكره انه انت مش ملزم بالفرق حتى لو فى زياده من بره لان انت حاجز من بدرى و الوكيل ملزم بالسعر ده و الشكوى الصح انه يلزم بالتسليم باليعر المتفق عليه فى تاريخ الحجز ز بالنسبه للزياده 2% بس فعلا فرق اليورو يعمل 20%

[wawoo]

بعد الحركه الغير لائقه ده من الوكيل انا بفكر في سحب الحجز والاتجاه نحو سياره تانيه خالص . طالما هيوصلونا لرينج ال 138 الف انا بفكر الان جديا فالنيسان سيلفي او حتى المازدا 3

هو انت حاجز امتى يا نيفر ..و انت تاكد بنفسك من التوكيل ان الزيادة على كل الحاجزين بغض النظر عن معاد الحجز

[asaber]

افتكر ان التوكيل بيتعامل بالدولار عشان تركيا

[neversighs]

هو انت حاجز امتى يا نيفر ..و انت تاكد بنفسك من التوكيل ان الزيادة على كل الحاجزين بغض النظر عن معاد الحجز

انا حاجز في 10 مارس والمفروض استلم الشهر ده .. واللي حصل انو بعد ما عرفت من المنتدى هنا بموضوع الزياده رحت متصل بمندوب البيع في فرع رينو اللي حجزت منو قال فعلا السياره زادت 3000 جنيه لكن معنيش اي معلومات او اوامر اذا كانت الزياده ده هتطول الحاجزين فعلا .. رحت بعدها متصل بالكول سنتر بتاعهم رد عليا واحد سالتو قاللي اللي اعرفو انك هتستلم بالسعر المتفق عليه وقت الاستلام لكن انا هحولك لحد من الاداره علشان تتاكد .. غاب شويه ورجعلي تاني قاللي انا سالتلك مسئول المبيعات في فرع المهندسين وده فرع رئيسي وكان رده انك هتدفع الزياده لانها مقرره من فرنسا مش من عندنا .. جيت هنا المنتدى لقيت بردو الاخ adfarouk وهو حاجز زيي جايب نفس المعلومه من نفس المصدر - فرع المهندسين -
السؤال الان لو قررنا نشتكي يبقى فين وازاي ؟

[adfarouk]

يا شباب أنا فكرت كتير صراحة مش لاقي تفسير للزيادة

لو هيا زيادة الدولار ... لايمكن الزيادة على كل الفئات تكون نفس المبلغ

لو الزيادة من فرنسا ... بردة الزيادة لازم تكون نسبة و تناسب مع سعر الفئة

الواضح ان الزيادة علشان العربية سوقها ماشي ... زي أي سلعة في مصر لما يكون عليها أقبال بتغلى

[wawoo]

وكان رده انك هتدفع الزياده لانها مقرره من فرنسا مش من عندنا

يا نيفر الحاجات دى مش حتنفع فيها تليفونات ..الموضوع محتاج شوية مقوحة لان دى اشتغالة ..مش ممكن فرنسا تعمل زيادة بالمنظر دة على حاجزين ...

هو يزود زى ما هو عاوز على الحاجزين الجدد ..انما اللى حاجز بالسعر القديم يدفع زيادة بامارة اية ..اذا كانت السيارة وقت الحجز كانت بسعر محدد ..دة غير ان فى ناس استلمت بالفعل بالسعر دة ..

و ازى العربية تزيد 20% فى خلال اشهر..دة كل الخامات و كل المنتجات اسعارها بتنزل ..يبقى الزيادة دى من اية بالضبط

[neversighs]

يا نيفر الحاجات دى مش حتنفع فيها تليفونات ..الموضوع محتاج شوية مقوحة لان دى اشتغالة ..مش ممكن فرنسا تعمل زيادة بالمنظر دة على حاجزين ...

هو يزود زى ما هو عاوز على الحاجزين الجدد ..انما اللى حاجز بالسعر القديم يدفع زيادة بامارة اية ..اذا كانت السيارة وقت الحجز كانت بسعر محدد ..دة غير ان فى ناس استلمت بالفعل بالسعر دة ..

و ازى العربية تزيد 20% فى خلال اشهر..دة كل الخامات و كل المنتجات اسعارها بتنزل ..يبقى الزيادة دى من اية بالضبط

كلام ممتاز يا wawoo ايه بقى المفروض يتعمل من وجهة نظرك ؟

[wawoo]

كلام ممتاز يا wawoo ايه بقى المفروض يتعمل من وجهة نظرك ؟

الموضوع محتاج محاول مع مندوب المبياعت اللى انت حاجز معاة و تفهمة انك حتستلم بالسعر اللى متفق علية ...
لو مافيش استجابة ..يبقى لازم شكوى لفرنسا لتلاعب التوكيل بسعر العربية مع الحاجزين "اعتقد فرنسا مش على علم بالحركة دى"

اذا لم تستجيب فرنسا ..يبقى عليك و على جهاز حماية المستهلك ..بس يكون معاك المستند اللى بيثبت سعر العربية وقت الحجز ..

هو الموضوع رزل شوية ..لكن حنعمل اية هو سلو بلدنا كدة و مافيش توكيل محترم فيكى يا مصر

[neversighs]

الموضوع محتاج محاول مع مندوب المبياعت اللى انت حاجز معاة و تفهمة انك حتستلم بالسعر اللى متفق علية ...
لو مافيش استجابة ..يبقى لازم شكوى لفرنسا لتلاعب التوكيل بسعر العربية مع الحاجزين "اعتقد فرنسا مش على علم بالحركة دى"

اذا لم تستجيب فرنسا ..يبقى عليك و على جهاز حماية المستهلك ..بس يكون معاك المستند اللى بيثبت سعر العربية وقت الحجز ..

هو الموضوع رزل شوية ..لكن حنعمل اية هو سلو بلدنا كدة و مافيش توكيل محترم فيكى يا مصر

طيب ممكن حد من الاخوه يكتب ايميل رينو فرنسا ؟

[adfarouk]

طيب ممكن حد من الاخوه يكتب ايميل رينو فرنسا ؟

ادخل على موقع رينو www.renault.com و اختار contact تحت على الشمال

جرب انت يمكن ربنا يسهل ... صراحة الواحد مالوش نفس يعمل حاجة بعد الموضوع الزفت ده

أبقى بلغنا لو وصلت لحاجة

[neversighs]

ادخل على موقع رينو www.renault.com و اختار contact تحت على الشمال

جرب انت يمكن ربنا يسهل ... صراحة الواحد مالوش نفس يعمل حاجة بعد الموضوع الزفت ده

أبقى بلغنا لو وصلت لحاجة

بص يا اخي انا بعت شكوى لرينو فرنسا الان .. انا من رايي انت كمان تبعت علشان يفهمو لو كانت الزياده ده من عندهم ان الموضوع ده محل استياء من كل الحاجزين .

[gasco]

ياجماعة دى مش مشكلة فى رينو بس بردو (غبور -منصور) نفس الحكاية و اوحش ده ممكن تحجز بسعر لمدة اشهر و تلاقى ناس بتستلم بسعر عرض ارخص 3000ج بجد العربية تحفة عن تجربة الفئة 135000ج و تستاهل مع احترامى حتى بعد الزيادة.

[Mustafa_Farouk]

أعملوا شكوى لرينو فرنسا..........متسكتوش على حقكم

و شكوى فى جهاز حماية المستهلك لو حد معاه مستندات رسمية

i agree with ur point of view