الى خيراء رينو - برجاء تسعير هذه السيارة

[amr123]

السلام عليكم جميعا
يا جماعة انا في عربية عجباني و عايز اشتريها لأن سعرها نزل في السوق شوية . بس انا معرفش بقى كام بتقريبا .. ارجوكم ساعدوني في تسعير هذه السيارة في اقرب و قت ممكن

السيارة هي رينو ميجان موديل 2000 فرنسي الصنع
1600 سي سي اوتوماتيك
دهان المصنع دواخل و خوارج
2 زجاج كهرباء
مريات جنب كهرباء
كاسيت الاصلي مع تحم في دراع زي دراع النور
2 ايرباج
تكيف
سنتر لوك
جنوط اسبور مقاس 15-55- 205
فرامل Abs

ملحوظة : دهان السيارة من بره متجرح جدا يعني الي يشتريها لازم يرشها
الراجل طالب 55000 انا عارف انه كتير ...بس قولولي اوصلها معه لكام ؟؟ ارجو اسمع رد منكم قريبا و لكم جزيل الشكر

[mazgangy]

الرينو عربيه جميله بس مش ليها حظ فى مصر وتقيله فى اعاده البيع بس هى من 45 الى48

[Sharky]

تخلص على 47 الف تبقى كويس قوى

[amr123]

شكرا

اشكر كل من رد على سؤالي

شكرا لوقتكم و اتمنى سماع رأي باقي الأعضاء

[Akram]

لو مش هيصرف عليها فلوس فيبقى من 50 الى 52 كويس عليها , و ابقى احسب اللي هيصرف عليها و اخصمه من تمنها و طبعاً ما عدى مصاريف التسجيل في الشهر العقاري.
ربنا يوفقك في الإختيار.

[Hassanelrafe]

يا حضرات الافاضل

انا عندي نفس العربيه - ميجان اتوماتيك - موديل 2000 - لون نبيتي - دهان فبريكه معظمها
ومعايا من 3 سنوات
معروض علي 56 الف جنيه و مش عايز ابيعها
مننين جبتم سعر 47 الف و الكلام ده
دي لو لانوس موديل 2000 هاتكون ب 45 الف

العربيه تساوي 55 الف اللي بتقول عليها و انت وشطارتك
توكل علي الله العربيه اكتر من ممتازه !!!