Paint Code for Megane

[Mohd_Adel_Amin]

السلام عليكم ورحمة الله وبركاته

معلش يا وحوش محتاج مساعتدكم في ال paint code للميجان , هي لونها اسود ولما فتحت موقع رينو لقيت اسمه pearl black ولما دورت شوية على النت لقيت الموقع ده Qnet
وعملت عليه بحث لقيت الرمز ده R676:90 وجايب نسب خلط الألوان ليه بس مش عارف هل ده صح ولا لأ ؟؟

كمان سؤال , لون الجرايد والاكصدام والمقابض مش عارف اجيب الكود بتاعهم ازاي , انا عندي لون الاكصدامات والجرايد بيج , والمقابض فضي (حسب ما اعتقد , معلش اصلي عندي مشكلة مع الالوان مش بعرف اميزهم علشان كده عايز الاكواد بحيث اتأكد انه نفس اللون!! ) ..

في انتظار مساعدتكم ..

[Col. Eng. Khaled]

أنهو عربية فيهم يا باشمهندس ؟

[Mohd_Adel_Amin]

الميجان 2 يا سيادة العقيد اللي عملت بيها الحادث , لأني بإذن الله هنزل انا و عاطف نشتري البوية بتاعتها يوم الخميس بإذن الله ,
لأني هرشها بالكامل على اساس ان الجنب الشمال بتاعها هيترش , فبالمرة ارشها كلها نضافة من الخرابيش والحكات الصغيرة و اللوحات الفنية المرسومة عليها ..

وبالمناسبة اسمحلي اشكرك بشدة على حديثك مع عاطف وتوصيتك ليه جزاك الله خير .. وفي انتظار نصيحتك في ما يخص موضوع الكود ..

[Amr_Moh]

باشا كود ألون علايم ..وحسب الموديل لو المأبض كروم اشتريها من الوكيل لو رشتها حتكون مرعبة إلا إن كانت في الأصل بلون العربية