حاسس ان الميجان استكلاكها للبنزين ذاد شويه، هو ممكن يحصل كده؟

[Savorisky]

وحوش الميجان انا حاسس ان عربيتى الميجان 2 2005 استهلاكها للبنزين ذايد شويه فى الكام اسبوع الي فاتو و الكمبيوتر كاتب 17.6 لكل 100 كيلو
ايه رأيكم فى الكلام ده يا شباب و هل ممكن يكون فى حاجه عاوزه تتصلح؟ مع العلم ان كان الكمبيوتر كان فى حدود 12 او 13 لكل 100 كيلو داخل المدينة و التكييف شغال.
لو فى حد عدت عليه المشكله دى قبل كده ياريت يقولى اعمل ايه.

[mada001]

المفروض انه يقل تدريجيا
وبرده ده مش بيبقى ثابت , يعنى المفروض انك لو لسه مفول العربية وصفرت عداد استهلاك البنزين ومشيت فى البلد فى الزحمة هتلاقى الاستهلاك على الشاشة كبير وهيبدأ يقل كل ماتمشى بسرعة منتظمة........

[AMA]

لو بتمشى فى أماكن زحمه أو فيها أشارات و هكذا الأستهلاك بيبقى أعلى
لو ماشى فى طريق سريع أو سفر و سرعتك منتظمة الأستهلاك بيكون قليل

[Ahmed Amin]

أحسبها أفضل من الكمبيوتر بأنك تفولها مرة للأخر. أول تكة فقط
وتصفر عداد الرحلات وتشوف هتقطع معاك كام كيلو لحد ما لمبة البنزين تنور
وتشوف متوسط أستخدامك كام سواء سوقت بيها جوا البلد أو سافرت بيها بره.

دا من رأيي أفضل مية مرة من الكمبيوتر لأنه بيديك دايماً ال Average علي حسب دوستك علي دواسة البنزين.

[Moe86]

يالهوى, 17.6؟!!
دة أنا كنت فاكر أخر العربية مهما عملت فيها 13 لكل 100 كيلو

[Savorisky]

يعنى انا معايا العربية دى من 3 سنين فا ياترى يا هلترى تتوقعوا اني ماكونش عارف المعلومات دى؟
انا الى اقصده ان انا حاساس ان المشكلة دى ملهاش علاقة بالزحمة و كدا لانى اكيد حاحس لو الموضوع مجرد زحمة
المشكلة دى ليها علاقة بقطعة غيار لازم تتغير ، و عشان كده انا بسألكم هى ايه؟.

[Ahmed Amin]

تمام حضرتك ممكن تبدأ بفلتر الهواء تغيرة أو تنضفه أذا كان ممكن يستني شوية ومعاه فلتر البنزين دا كحل أولي.
لأن كل ما الهوا بيقل كل ما الحرق بيقل وبنزين بيدخل مش بيتحرق في لفة السلندر الواحدة. فا العربية بتكون مخنوقة وانتا دايس فبتسحب بنزين أكتر.
وتتأكد من الفرامل عندك متكونش قافشة لو كنت مغير تيل بره عشان لو قافشة حاجة بسيطة هتستهلك معاك الأستهلاك الفظيع دا

بعدين ممكن لو كان في وساخة في البنزين وكنت متعود تمشي عليها واللمبة منورة ممكن تكون في وساخة وصلت لل Injectors وساعتها يفضل تغيرها طبعاً بس دول أخر الحلول..
الحل الأخير اللي تلجأ له بعد ما تاخد اللي فات بالترتيب أنك تكشف علي الكمبيوتر بتاعها وتشوف لو في مشكلة فيه.

[mouraddesk]

سحب بنزين

انا عندى نفس المشكلة و شككك فى فلتر الهوا انه يتنضف

[mandomodern11]

بأمانة عربية مالهاااااااااااش حل
مع ابن عمى وبركبها دايما
عربية رررررررررررررررهيبة
بس انتوا والناس والشعب كرهتونى فيها
يعنى أشترى العربية بسعر
وأروح أجبلها قطع غيار أغلى من سعر العربية
لا ومش كده كمان أفضل ألف على قطع غيارها
وعلى ايه ده كله
ماتغور وأجيب عربية تانية وأريح دماغى
حتى لو حصلها حاجة لا قدر الله بكون مرتاح شوية