عايزة أصلح تكييف رينو كليو

[soha]

السلام عليكم

التكييف عندي حالته سيئة جداً ... كأنه مش موجود ... وديته الحرفيين من شهرين و الرجل قال لي الإبرة بتسرب و هغيرها ... المهم غالباً ملقاش إبرة جديدة فمغيرهاش و قالي أنا ظبتها و شحن التكييف.

من أسبوعين التكيف أبتدى يبقى سيئ جدا. من فضلكم دلوني على حد بيفهم و بيتقي ربنا أظبط عنده التكييف و يا ريت يكون في وسط البلد لأن مشوار الحرفيين صعب قوي عليا


جزاكم الله خيرا

[soha]

يا جماعة محدش يعرف حد كويس أنا محتاجة أصلحه بكرة

[ramy_gamal]

ممكن حضرتك تدخلى على الرابط دة
مشاكل وصيانة تكييف السيارة - :: نــايــل مــوتــورز:: - :: NileMotors.net ::
فى كل حاجه عن التكييف وعناوين الناس الكويسه معلش انا من اسكندريه معرف حد فى مصر

[soha]

جزاك الله خيرا أستاذ R_gamal1

[ramy_gamal]

العفو وياريت حضرتك تقوللنا كان اخبار التصليح ايه ؟

[gym1974]

عندى واحد ممتاز فى فيصل اسمه ايمن وهو بيصلح كل أنواع التكيفات وهو اللى ظبط التكيف عندى كليو2003
والله بدون مبالغة ناس بتركب معايا العربية بتقولى تكيف عربيتك عامل زى تكيف التويوتا ودة رفم تليفونه 0123887280

[ashraf_msd]

خلي بالك يا باشا عشان المشكله دي حصلت معايا
لو الراجل شحن التكييف باعلي من اللي مفروض ياخده بيبقي التكييف سئ جدا لانه بيفصل safety بمعدل عاللي قوي ومش بيلحق يسقع
هتلاقي حاجه اسمها ضغط انفتاح صمام المبرد مكتوبه عالعربيه من قدام بعد ما تفتح الكبوت
خلي حد فاهم يقيسلك الضغط ده ويشوفه مظبوط ولا زياده