الفلوينس بتعتى اتخرمت فى السقف

[tarek7elmy]

السلام عليكم

لاحول ولا قوه الا بالله

يا جماعه انا معايا فلوينس من شهر تقريبا
وانا متعود اغطى العربية عند البيت و عند الشغل
ومن يومين "يوم الخميس 01-07-2010 " روحت الشغل
وانا بغطى العربية , فجائت بان فى خرم منتظم فى سقف العربية فوق الزجاج المامى مباشرة
وانا مخدش بالى خالص ان كان موجود و انا طالع من عند البيت و لا لاء
وحاولت اعرف حصل ازاى , معرفتش , علمان بانى ببعد عرن عربيات الزلط و الطوب فى طريقى من مدينة نصر الى حلون

مش عارف اعمل ايه يا جماعة ارجو النصيحة
اروح التوكيل و لا اعمل ايه ؟
و ايه ممكن يكون السبب , هل ظلطة وعت من عربية على الطريق الدائرى و لا ايه ؟
علشان الواحد ياخد باله و الموضوع ميتكررش ان شاء الله

[Eslam.Elrefaey]

متروح التوكيل والعربية لسا فى الضمان

[د.محمود صلاح]

نافذ على الفرش ؟

ان شاء الله تتحل في التوكيل أو عند سمكري بس حاول ما ترشش عشان ما تتعايبش لأن رش السقف مش كويس

[waleedrahmy]

ممكن عيل ببندقية رش يسبب ثقب في صاج العربية

[tarek7elmy]

هو السقف بتاع الفلوينس فيبر و لا صاج
علشان فى واحد قالى انه كان فى الكليو فيبر ؟

[ashrafsadany]

لو ممكن تحط صوره ليه علشان انا مش متخيل الموقف بصراحه حادث عجيب بس اقتراحى مبدئيآ ممكن تملاه سيلكون علشان متلعبش فى بويه العربيه

[Ahmed Amin]

متروح التوكيل والعربية لسا فى الضمان

+1 أنا شايف برضه أن دا احسن حل ليك
بدل ما تروح لسمكري برة يعك لك فيها

وإن شاء الله تطلع حاجة بسيطة

[heromiro]

'ylصوره ان امكن علشان توضح أكتر أنا بصرحه مش متخيل ازاي السقف يتخرم

[marwan_147]

لا حول ولا قوة الا بالله دى عين منيلة بنيلة احمد ربنا انهاجت لحد كدة

[ashrafsadany]

لا حول ولا قوة الا بالله دى عين منيلة بنيلة احمد ربنا انهاجت لحد كدة

+++++++++11111111111111

[Ahmed Selim]

قصدك خرم بمعنى خرم نافذ لداخل الكابينة و لا مجرد أن السقف متطبق شوية مكان ظلطة أو طوبة ؟؟؟؟

الكليو سقفها صاج.........الرفارف الأمامية و الأكصدامات هما اللى فيبر بس

[tarek7elmy]

قصدك خرم بمعنى خرم نافذ لداخل الكابينة و لا مجرد أن السقف متطبق شوية مكان ظلطة أو طوبة ؟؟؟؟

الكليو سقفها صاج.........الرفارف الأمامية و الأكصدامات هما اللى فيبر بس

نعم خرم و البطانة بتاعت السقف بينه و انا مش عارف ده من ايه

[Ahmed Selim]

لا يمكن يكون من ظلطة أو طوبة....قوتها مش هتكون كافية أنها تخرم السقف

ممكن تكون زى ما الأخ قال طلقة من بندقية رش أو حد متعمد يعمل كده بشنيور مثلاً.........طيب أنت مش لاقى جوة العربية طلقة بندقية رش أو اى حاجة غريبة ؟

[ecybrarian]

حضرتك منأكد من إنك استلمت العربية سليمة ومافيهاش الخرم دا؟؟؟

[mikeflyer]

ربنا معاك يا عم طارق حاسس بشعورك وبالخنقه الي انت فيها بس الاحسن انك فعلا تروح التوكيل وشوف هيقولولك ايه. ولو العمليه كبيره ممكن تستنى تعملها في التأمين او اسأل سمكري لو الخرم ده ممكن يتملي بسيليكون او بحاجه بس متخليهوش يدقدق على الصاج لأن العربيه جديده ومكملتش شهر معاك

وربنا يباركلك فيها ويكفيك شرها

محمد عادل