هى الميجان لازم تروح التوكيل للصيانه كل عشره الاف كيلو

[satamony007]

انا عايز اشترى ميجان بس لاحظت ان الشاشه بتاعه العربيه بتقفل كل عشره الاف لان لازم تروح الصيانه

السؤال

1-لازم اروح الصيانه لما الشاشه تقفل؟ انا احب اروح التوكيل فى مواعيد تغيير سير الكاتينه و الدينمو مش كل عشره الاف!!!؟

2- فى طريقه اشغل الشاشه لما تيجى تقفل على ميعاد الصيانه؟


ياريت اهل الخبره يفيدونى و ينورو بصيره الواحد

و شكرا

[mouraddesk]

صيانه 10000

بص يا سيدى انا معايا ميجان 2 موديل 2005 و مش بروح التوكيل و بغير الزيت فى شل و الفلاتر كمان و بالنسبه للشاشه هتلاقى فى الكتالوج ازاى تعمل لها reset و ترجع تانى تقول لك انها فاضل عشر الالاف على الصيانة القادمة

[bobo2009]

موضوع ال reset سهل جدا


حضرتك تغير فى القوائم بتاعت الشاشه لحد متوصل لعداد ال sevice وبعدين تفضل ضاغط زر التصفير مده بتاع عشر




ثوانى لحد اما العربيه تصفر وتشيل ايديك علطول هتلاقى عد من اول و جديد

[M_ElSherief]

عفوا يا جماعه بس معزره لاني ملياش اوي في الميجان و ان شاء الله ناوي اجيب واحده

حكايه ال reset دي بتصفر عداد الكيلو مترات الي عملتها العربيه ولا بتعمل ايه بالضبط

[M_ElSherief]

و من فضلكم فين زرار التصفير ده و بتاع ايه

[bobo2009]

يا باشا هتلاقيه عند العدادات زرار صغير شويه


وبيصفر الكيلوات بتاع ال sevice

[M_ElSherief]

شكرا bobo2009 علي سرعت ردك . استفسار تاني لو تكرمت الميجان ولا الكورولا بما ان معاك الاتنين

[bobo2009]

العفو يا باشا


بالنسبه للكرولا عربيه طبعا هايلة

بس الميجان احلى بكتتير و اشيك كمان جدا

بس طبعا الكرولا بردو مفيش كلام عربيه هايلة

[M_ElSherief]

طيب بص يا bobo2009 انا العربيه الي ان شاء الله هجبها دي اول عربيه ليا في حياتي و ماياش في الميكانيكيه ولا ايه حاجه خالص اخري اسوق وبس و بصراحه عجباني الميجان جدا جدا و مقتنع بيها جدا بس مفيش حد لا من اصحابي ولا من زملائي في العمل ولا من اقاربي بيشجعني عليها خاااااااااااااااااالص كلهم بيقولوا ميجان ايه قطع غيار نار محدش بيفهم فيها لازم توديها التوكيل سعر اعاده البيع ضايع ده لو لقيت اصلا حد ممكن يشتريها اعطالها كتيييييير جدا .... سيبك و خليك في اليباني كورولا او لانسر بس بصراحه ارجع و اقولك الميجان عجباني جدا و انا قدامي واحده موديل 2006 الشكل الحديث اوتوكاتيك عامله 55000 كم و مطلوب فيها 67000 جم مش قابل ينزل مليم واحد و ان شاء الله ناوي اكشف عليها في التوكيل ايه رأيك يا باشا في الكلام ده كله نصيحه من اخ ل اخ اتوكل علي الله و اجيب الميجان دي ولا اعمل ايه
و متشكر جدا يا bobo2009

[bobo2009]

بص يا باشا بالنسبه لقطع الغيار حضرتك الناس بتقارن بنها وبين عربيات اقل منها بكتيير تقدر حضرتك تقولى لو هنتكلم

على الكرولا او الانسر مين فيهم فى نص كماليات او اوبشن او شياكه الميجان طبعا مفيش ثانيا وده الاهم قطع غيار اليابانى زى الكرولا مثلا اغلى من الميجان الاصلى طبعا لكن الناس بتيجى تقارن بين المضروب او الصينى و قطع غيار اصليه للميجان طب ازاى

الميجان فيها فتيس ستبترونك و فرامل abs وطبعا غير المفتاح المشفر (الكارت) وكتيير طبعا ايه بقى العربيه الى ممكن تلاقى فيها كل دة و بنفس التمن مش هتلاقى طبعا

بالنسبه لسعر اعادة البيع كل العربيات العاليه زى المرسيدس و البى ام ملهاش سوق اعادة بيع وطبعا الامثلة كتيير


وعموما يا باشا استخير ربنا بردو و ربنا يوفقك ولو عوزت حاجة انا موجود

[A.Saad]

عدم اتمام الصيانة بانتظام قد يعرضك لفقد الضمان
كمان لازم تعمل الصسانة بانتظام لو مش هتروح التوكيل
يعنى ربط العفشة
الكشف على المساعدين
غسيل الماتور
علشان تحافظ على عمر طويل لسيارتك

[bobo2009]

عدم اتمام الصيانة بانتظام قد يعرضك لفقد الضمان
كمان لازم تعمل الصسانة بانتظام لو مش هتروح التوكيل
يعنى ربط العفشة
الكشف على المساعدين
غسيل الماتور
علشان تحافظ على عمر طويل لسيارتك

طبعا كلامك صح جدا لو انت مش هتروح التوكيل (وده غلط) لازم تكون عارف ايه الى المفروض يتعمل فى الصيانات

[mouraddesk]

بص يا باشا بالنسبه لقطع الغيار حضرتك الناس بتقارن بنها وبين عربيات اقل منها بكتيير تقدر حضرتك تقولى لو هنتكلم

على الكرولا او الانسر مين فيهم فى نص كماليات او اوبشن او شياكه الميجان طبعا مفيش ثانيا وده الاهم قطع غيار اليابانى زى الكرولا مثلا اغلى من الميجان الاصلى طبعا لكن الناس بتيجى تقارن بين المضروب او الصينى و قطع غيار اصليه للميجان طب ازاى

الميجان فيها فتيس ستبترونك و فرامل abs وطبعا غير المفتاح المشفر (الكارت) وكتيير طبعا ايه بقى العربيه الى ممكن تلاقى فيها كل دة و بنفس التمن مش هتلاقى طبعا

بالنسبه لسعر اعادة البيع كل العربيات العاليه زى المرسيدس و البى ام ملهاش سوق اعادة بيع وطبعا الامثلة كتيير


وعموما يا باشا استخير ربنا بردو و ربنا يوفقك ولو عوزت حاجة انا موجود

انا معاك فى اللى انت بتقوله انا معايا ميجان2 من شهر 12 اللى فات عربية فوق المحترمة و تحتاج الى معامله كويسه و حماله اسيه بس تهتم بيها و بالنسبة لسعر اعادة البيع كل الاوربى كده تجيب العربية بالشئ الفلانى و تبيعها بربع تمنها و بالنسبة لقطع غيار الميجان مش غاليه بالنسبة للى فى مستواها و ابتدى يكون فى ناس كتير بتشتغل فيها مش زى زمان التوكيل و بس و موجودين فى كل حته و قطع الغيار موجوده فى كل حته جديد و استيراد بس المهم ان الميكانيكى يكون بتاع رينو و سعر اعاده البيه لو انت جايبها زيرو يبقى وحش بس لو مستعمله مش هتخسر المبلغ اللى انت متصورة