فوانيس زينون للميجان ii ...شوف بنفسك...

[Hany Saad]

إزيكم يا وحوش...أنا لسه راجع من أوروبا...بس طبعا كنتم دايما فى بالى..

مع إن معلوماتى بتقول إن الميجان II الصالون مكنتش بتنزل أوروبا لكن لقيت منها و كمان كشافات زينون.....





لأ و إيه كمان مقلدنا و عملنها عربية شرطة لكن مش estate زينا......

[Hany Saad]

نسيت أقول إن أكتر حاجة حرقت دمى هى حالة العربيات هناك....

زى ما أنتم شايفين فى الصورة الميجان II دى phase I و شوف حالة الدوكو و الصاج عامله إزاى....و لا الإكصدام مفهوش خربوش واحد....بجد حاجة تنرفز جدا......

[Elsarrawy]

حمد لله على السلامة هو حضرتك كنت فين في اوربا؟؟؟
بالنسبة لموضوع الدهان والصاج تأكد ان احنا الدولة الوحيدة الي الشعب فيها وخصوصاً العيال الي في الشارع عندهم مواهب الفنون التشكيلية وبعدين الميزة هنا ان المواهب دي شيء رباني يعني اول ماينزل علي العيل من دول الوحي يمسك اي حاجه في ايده وعلى اي حاجه ادامه وهاتك يا نحت
وطبعاً اول حاجه بيقابلها وهو ماشي في الشارع هي عربيات الناس ويا سلام بقى لو العربيه لسه ماحدش نحت عليها قبل كده تبقى تحفه كراسة فاضيه بالنسباله ساعتها بيبدع

ولا الجماعة الحبيبة ما شوفتش شعب رومانسي زي الشعب دا والله بيعبر عن مشاعر الحب في صورة لوح فنيه على العربيات وبعدين البنت اللي بيحبها مش بتكتفي بالي عمله على العربيه لا دي كمان بترد عليه وبتعبرله هي كمان عن مشاعرها على نفس العربيه

المشكلة بقى لما يجيوا يسيبوا بعض بيفضلوا يشطبوا على النحت الي على العربيه علشان ينسوا الايام السوداء الي قضوها مع بعض
دا غير الجماعة الي بيلعبوا سيجا دول بقى مالهمش حل
وتضطر حضرتك تسيب اللوحة الفنية الجميله على عربيتك علشان لو فكرت تبيعها مايتقلش عليها راشه لان ثقافة الشعب بتاعتنا بتقول راشه دي يعني في مصيبه هو مداريها بالرغم من ان الي راشش العربيه دافع فلوس زيادة علشان يحافظ على العربيه ويحيي البويه اللي عليها
هي دي بلدنا

[didomotors]

مشكور على الكلام و هنا فى مصر فى عربيتين فيها الزينون ده اصلى valeo

[hossam_elwani]

حمد لله على السلامة

حضرتك بتقول معلومة جديده عليا ان الميجان 2 المفروض انها متنزلش اوروبا

سؤالى لو منزلتش اوروبا حتنزل فين يعنى امريكا و لا افريقيا ولا الخليج كل دول مبيحبوش الرينو او على الاقل نسبة البيع عندهم قليلة جداا للماركة دى

تعليقى على الصور انا هيا دى الحضاره :b4_556:

شكلك كده كنت فى ايطاليا او اليونان على ما اعتقد

[blazer]

بس شوف بتوع الشرطه بيبصوا عليك وانت بتصور ازاى :]

[Hany Saad]

بس شوف بتوع الشرطه بيبصوا عليك وانت بتصور ازاى :]

حضرتك فعلا دقيق جدا.....فعلا هما قلقوا منى و أنا بصورهم رحت لامم نفسى و مشيت بعيد.....

[Hany Saad]

حمد لله على السلامة

حضرتك بتقول معلومة جديده عليا ان الميجان 2 المفروض انها متنزلش اوروبا

سؤالى لو منزلتش اوروبا حتنزل فين يعنى امريكا و لا افريقيا ولا الخليج كل دول مبيحبوش الرينو او على الاقل نسبة البيع عندهم قليلة جداا للماركة دى

تعليقى على الصور انا هيا دى الحضاره :b4_556:

شكلك كده كنت فى ايطاليا او اليونان على ما اعتقد

حضرتك أنا بقصد فئة الصالون منها مبتنزلش أوروبا مش الميجان II مبتنزلش أوروبا....دى الHatchback خمسة باب و تلاتة باب مغرقة الدنيا ده غير برده الcoupe كان فى كتير منها....

أوروبا عامة بتفضل أو غالبا ما بتطلبش إلا الhatchback و لو عيلة كبيرة بيخشوا على الestate على طول..دى أكتر موديلات مطلوبة....طبعا المواتير الديزل هى الغالبة و الغريب إن غالبية الفتيس هناك مانيوال مش أتوماتيك....

أنا كنت فى البرتغال.....و كمان شفت واحدة فلوانس و شفت ميجان III estate ديزل....وهم برده و الفوانيس اللى ورا متغيره و أحسن من الهاتش باك و الجديد إن العربية مش طويلة بغباء زى الestate عامة...لأ كان مدروس قوى طولها علشان برده تديك الشكل الرياضى...يعنى فى الأول محستش إنها estate غير من شكل الفوانيس الورانية المميزة جدا....أنا صورتها

[momo10000]

بالنسبة لموضوع الدهان والصاج تأكد ان احنا الدولة الوحيدة الي الشعب فيها وخصوصاً العيال الي في الشارع عندهم مواهب الفنون التشكيلية وبعدين الميزة هنا ان المواهب دي شيء رباني يعني اول ماينزل علي العيل من دول الوحي يمسك اي حاجه في ايده وعلى اي حاجه ادامه وهاتك يا نحت
وطبعاً اول حاجه بيقابلها وهو ماشي في الشارع هي عربيات الناس ويا سلام بقى لو العربيه لسه ماحدش نحت عليها قبل كده تبقى تحفه كراسة فاضيه بالنسباله ساعتها بيبدع

ولا الجماعة الحبيبة ما شوفتش شعب رومانسي زي الشعب دا والله بيعبر عن مشاعر الحب في صورة لوح فنيه على العربيات وبعدين البنت اللي بيحبها مش بتكتفي بالي عمله على العربيه لا دي كمان بترد عليه وبتعبرله هي كمان عن مشاعرها على نفس العربيه

المشكلة بقى لما يجيوا يسيبوا بعض بيفضلوا يشطبوا على النحت الي على العربيه علشان ينسوا الايام السوداء الي قضوها مع بعض
دا غير الجماعة الي بيلعبوا سيجا دول بقى مالهمش حل
وتضطر حضرتك تسيب اللوحة الفنية الجميله على عربيتك علشان لو فكرت تبيعها مايتقلش عليها راشه لان ثقافة الشعب بتاعتنا بتقول راشه دي يعني في مصيبه هو مداريها بالرغم من ان الي راشش العربيه دافع فلوس زيادة علشان يحافظ على العربيه ويحيي البويه اللي عليها
هي دي بلدنا

[a7medalaa]

حمد لله على السلامة هو حضرتك كنت فين في اوربا؟؟؟
بالنسبة لموضوع الدهان والصاج تأكد ان احنا الدولة الوحيدة الي الشعب فيها وخصوصاً العيال الي في الشارع عندهم مواهب الفنون التشكيلية وبعدين الميزة هنا ان المواهب دي شيء رباني يعني اول ماينزل علي العيل من دول الوحي يمسك اي حاجه في ايده وعلى اي حاجه ادامه وهاتك يا نحت
وطبعاً اول حاجه بيقابلها وهو ماشي في الشارع هي عربيات الناس ويا سلام بقى لو العربيه لسه ماحدش نحت عليها قبل كده تبقى تحفه كراسة فاضيه بالنسباله ساعتها بيبدع

ولا الجماعة الحبيبة ما شوفتش شعب رومانسي زي الشعب دا والله بيعبر عن مشاعر الحب في صورة لوح فنيه على العربيات وبعدين البنت اللي بيحبها مش بتكتفي بالي عمله على العربيه لا دي كمان بترد عليه وبتعبرله هي كمان عن مشاعرها على نفس العربيه

المشكلة بقى لما يجيوا يسيبوا بعض بيفضلوا يشطبوا على النحت الي على العربيه علشان ينسوا الايام السوداء الي قضوها مع بعض
دا غير الجماعة الي بيلعبوا سيجا دول بقى مالهمش حل
وتضطر حضرتك تسيب اللوحة الفنية الجميله على عربيتك علشان لو فكرت تبيعها مايتقلش عليها راشه لان ثقافة الشعب بتاعتنا بتقول راشه دي يعني في مصيبه هو مداريها بالرغم من ان الي راشش العربيه دافع فلوس زيادة علشان يحافظ على العربيه ويحيي البويه اللي عليها
هي دي بلدنا

بجد تعليقك تحفة وموتني علي نفسي من الضحك لما قريتو تسلم ايدك

[chato_eg]

واضح درجة اعتزازك بعودتك سالما لأرض الوطن...
مقدر أنا الحالة دى إللى بتصيب أى شخص بيسافر لخارج مصر خصوصا لأوروبا
حمد الله على السلامة يا باشا

[Hany Saad]

واضح درجة اعتزازك بعودتك سالما لأرض الوطن...
مقدر أنا الحالة دى إللى بتصيب أى شخص بيسافر لخارج مصر خصوصا لأوروبا
حمد الله على السلامة يا باشا

الله يسلم حضرتك....أصل الواحد مش عارف يعمل إيه علشان العربية تفضل مشدودة بحالتها زى اللى الواحد شافهم كده....جراج و جبنا سواقة نظيفة و سوقنا صيانة فى التوكيل و عملنا مش عارف أعمل إيه .....كل الخرابيش من الشعب اللطيف اللى دايما بيحاول يسيب بصمته فى كل حاجه......نفسى ألاقى العربية بعد كام سنة لسه بتلمع و تضوى زى ما إستلمتها...العربية الميجان اللى فى الصورة بقالها أربع سنين ماشية مفهاش خربوش واحد.. لا فى الصاج و لا فى الإكصدامات و مش دى بس لأ ده كله كده....كأن البلد كلها مصروفلها عربيات زيرو .

[hossam_elwani]

انا مش عارف ليه بيحبو المواتير الديزل كده مع انها مزعجه من ناحية الصوت ولا انا غلطان ده العربيات بتكركر وهيا واقفه

وعايز اعرف كمان ليه ما بينزلش عندنا مواتير ديزل ؟؟؟؟

[Hany Saad]

انا مش عارف ليه بيحبو المواتير الديزل كده مع انها مزعجه من ناحية الصوت ولا انا غلطان ده العربيات بتكركر وهيا واقفه

وعايز اعرف كمان ليه ما بينزلش عندنا مواتير ديزل ؟؟؟؟

هى فعلا صوتها أعلى...لكن الموديلات الحديثة منها أصبحت أهدأ كثيرا عن ما قبل لكن طبعا أعلى من صوت مواتير البنزين...


هما بيفضلوها علشان أوفر فى سعرالتفويل بتوفر حوالى من 20% إلى 30 % عن البنزين + المواتير الديزل عزمها شديد مقارنة بالبنزين....بمعنى لو حضرتك بتجر حاجة (مشهور موضوع الجر فى أوروبا ...كارافانات و ما شابه ) يبقى الديزل أعفى...لو بتحب السواقة الsport و تطلع من الناس فى الإشارة و تجمع جامد فى السرعات الأولى....الديزل بيديك كده و زيادة و كمان صيانتها نسبيا أقل...هى دى أهم مزايا الديزل عن البنزين.....

مواتير الديزل نزلت عندنا على إستحياء فى البيجو ال408 الجديدة و بعض الموديلات البسيطة جدا الأخرى....لأن ببساطة سعر البنزين فى مصر مدعم و الديزل مش متوافر أوى فى كل المحطات داخل المدينة و كمان صيانة الديزل مختلفة عن البنزين و مش أى حد يفهم فيها.

[chato_eg]

العربية الميجان اللى فى الصورة بقالها أربع سنين ماشية مفهاش خربوش واحد.. لا فى الصاج و لا فى الإكصدامات و مش دى بس لأ ده كله كده....كأن البلد كلها مصروفلها عربيات زيرو .

غير التحضر المدنى...لاحظ مستوى الاتساخ و الأتربة عندنا
بس هأرجع و أقولك ما دول الخليج عبارة عن صحارى لكن الوضع مش مؤلم و الصورة مش بهتانة زى هنا