عايز فتوى من حد فاهم الرينو بجد

[mrmohamedali]

السلام عليكم و رحمة الله و بركاته


بصوا انا هحكي عالطول
العربية رينو كليو 2002 هاتشباك فرنساوي
المشكلة عندي لمبة الانجكشن .. بوابة كهربا .. مش عادية
لمبة الانجكشن بتنور عالطول و الاكسداتير يبقى ملهوش لازمة العربية بتزود بنزين لوحدها و كمان لو دوست دبرياج او فرامل اسمع صوت غبي جدا لان يعتبر بنزين وفرامل في نفس الوقت
المهم احتارت عند التوكيل كنت كل لما اروح اللمبة تطفي والعربية تعد يومين و في الاخر يقولوا مش عارفين السبب اية
اخر مرة قالوا المشكلة تقريبا كدة عندك في بوابة الانجشكن
بكام .. البوابة بتاعت العربية دي مش موجودة هنا تيجي من فرنسا باكتر من 7000 سبعة الاف جنية
ناس قالولي سيبك من التوكيل و روحت لواحد في صقر قريش تقريبا بيشتغل في التوكيل
المهم كشف بالجهاز اللي مش فاكر اسمة دة قالي اة المشكلة عندك بوابة الانجكشن عايزة تتغير
طيب اية الحل مفيش منها هنا ... قالي نقلبها عادية بدل كهربا الموضوع دة يتكلف 3 الاف جنية
سألت ميكانيكي كبير عندة مركز صيانة رينو في اسكندرية قالي اوعى تعمل الموضوع دة هياثر على حاجات كتير في العربية واكتر حجاة هتحس بيها الدركسيون هيبقى تقيل جدا معاك وهتأثر على abs
فأنا دلوقتي صراحة معييش حوالي 7 او 8 الاف علشان اغيرالبوابة
و كمان خايف اغيرها عادية تأثر على حاجة تانية
و طبعا لو بيعتها محدش هيشتريها بالحالة دي او لو حد اشتراها اكيد هيبقى مبلغ قليل اوووي


يا ريت اللي عندة حل كويس للمشكلة دي يشور عليا لاني بجد تعبت نفسيا و العربية بقالها 3 شهور مركونة

يعني مثلا لو في حل لتصليح البوابة
ولا اغيرها اخليها عادية
ولا ابيع وامري لله .. ولو حد يدي تمن للعربية في الحالة دي يقولي

[ramy_gamal]

لو حضرتك فى اسكندريه ممكن اروح معاك ل ميكانيكى كويس بتعامل معاة يبص ويقلنا ايه الاخبار

[ramykimo]

طب متغيرها بس بواحدة استيراد ... فى واحد اسمع عصام يشطر فى الحرفيين عنده كل اللى ممكن تتخيله

[albasha]

لو الأرقام الخرافيه ديه غير الموتور كله وخلي اللي معاك قطع غيار
الناس ديه بتستهبل ولا ايه يعني ايه بوابه ب 7 ألاف
حاول تروح الحرفيين وتشوف كده ممكن تلاقي بوابه أو شوف لو تقدر تلاقي منظومة الإنجكشن كلها وتغيرها وحاول تسأل أكتر من ميكانيكي وهنا الناس ممكن تساعدك كتير في الموضوع ده

[ghaith_peogeut]

يا اخي هذه الحالة تعتبر من الحالات الشائعه في انظمة كونترول المحرك الفرنسي ولا انصح اطلاقا برفع الكونترول وتحويله الى انجكشن ....اما بالنسبة للبوابة فان كانت المشكلة في الجزء الدوار من البوابة ممكن تجيب عضو دوار مشابه وتقوم باستبدالها في حالة لم يكن الجسم المحيط بالعضو الدوار بالبوابة متضرر ....ممكن حضرتك تفتح البوابة ككل وتحطها في ضوء الشمس وتشوف اذا كان الجسم المحيط بالعضو الدوار قد تجول شكله من دائري الى بيضوي فاذا كان بيضوي فيجب استبدال البوابة كاملة وليس فقط العضو الدوار

[ghaith_peogeut]

عفوا اقصد رفع الكونترول وتحويله من انجكشن الى كاربوريتور

[mmmmgogommmm]

اشترى موتور استعمال ماشى 30-40 الف كيلو كل مواتيرهم جديدة ومش ماشية كتير ولو تعرف تجيبة 1400 يبقى ممتاز وعمر السعر ما هيعدى 3000 /4000 جنية وشوف وبلغنا النتائج

[mrmohamedali]

لو حضرتك فى اسكندريه ممكن اروح معاك ل ميكانيكى كويس بتعامل معاة يبص ويقلنا ايه الاخبار

ربنا يكرمك يا استاذ جمال مش عارف اقولك اية و الله
بس للاسف انا مش في اسكندرية

[mrmohamedali]

طب متغيرها بس بواحدة استيراد ... فى واحد اسمع عصام يشطر فى الحرفيين عنده كل اللى ممكن تتخيله

متشكر جدا يا استاذ رامي انا فعلا اتصلت بية و قالي عنده بـ 300 جنية
بس انا متأكد ان مش هي دي لان نفس الموضوع حصل من فترة و كان واحد في صقر قريش و بعد ما روحتلة طلعت مش هي

[mrmohamedali]

لو الأرقام الخرافيه ديه غير الموتور كله وخلي اللي معاك قطع غيار
الناس ديه بتستهبل ولا ايه يعني ايه بوابه ب 7 ألاف
حاول تروح الحرفيين وتشوف كده ممكن تلاقي بوابه أو شوف لو تقدر تلاقي منظومة الإنجكشن كلها وتغيرها وحاول تسأل أكتر من ميكانيكي وهنا الناس ممكن تساعدك كتير في الموضوع ده

متشكر جدا يا باشا كتير اوي سبعة الاف في بوابة انا اتخنقت و الله من الموضوع دة
و انش اء الله هروح الحرفيين

[mrmohamedali]

يا اخي هذه الحالة تعتبر من الحالات الشائعه في انظمة كونترول المحرك الفرنسي ولا انصح اطلاقا برفع الكونترول وتحويله الى انجكشن ....اما بالنسبة للبوابة فان كانت المشكلة في الجزء الدوار من البوابة ممكن تجيب عضو دوار مشابه وتقوم باستبدالها في حالة لم يكن الجسم المحيط بالعضو الدوار بالبوابة متضرر ....ممكن حضرتك تفتح البوابة ككل وتحطها في ضوء الشمس وتشوف اذا كان الجسم المحيط بالعضو الدوار قد تجول شكله من دائري الى بيضوي فاذا كان بيضوي فيجب استبدال البوابة كاملة وليس فقط العضو الدوار

متشكر جدا يا بشمهندس غيث اة فعلا في مهندس قالي ان عيب الرينو في بوابة الانجكشن

بالنسبة للبوابة نفسها فأنا لا افقة اي شئ تماما فيها يعني حضرتك تنصح اجيب ميكانيكي يفكها ولا اعمل اية بالظبط
مع العلم انهم في التوكيل كانوا يقولوا مش عارفين العيب في اية بالظبط و يقولوا هي ممكن البوابة

[mrmohamedali]

اشترى موتور استعمال ماشى 30-40 الف كيلو كل مواتيرهم جديدة ومش ماشية كتير ولو تعرف تجيبة 1400 يبقى ممتاز وعمر السعر ما هيعدى 3000 /4000 جنية وشوف وبلغنا النتائج

متشكر جدا يا بااشا و رأيك الموضوع دة احسن من تغيير البوابة
و الاقي في الحرفيين ولا صقر قريش احسن ؟؟

[mrmohamedali]

يا اخي هذه الحالة تعتبر من الحالات الشائعه في انظمة كونترول المحرك الفرنسي ولا انصح اطلاقا برفع الكونترول وتحويله الى انجكشن ....اما بالنسبة للبوابة فان كانت المشكلة في الجزء الدوار من البوابة ممكن تجيب عضو دوار مشابه وتقوم باستبدالها في حالة لم يكن الجسم المحيط بالعضو الدوار بالبوابة متضرر ....ممكن حضرتك تفتح البوابة ككل وتحطها في ضوء الشمس وتشوف اذا كان الجسم المحيط بالعضو الدوار قد تجول شكله من دائري الى بيضوي فاذا كان بيضوي فيجب استبدال البوابة كاملة وليس فقط العضو الدوار

بشمهندس غيث لو حضرتك مهندس سيارات يا ريت تقولي هل افك انا البوابة و لا اجيب ميكانيكي افضل يفكها
مع العلم اني لا افقة شئ عنها

[ghaith_peogeut]

بشمهندس غيث لو حضرتك مهندس سيارات يا ريت تقولي هل افك انا البوابة و لا اجيب ميكانيكي افضل يفكها
مع العلم اني لا افقة شئ عنها

اسف لتاخري في الرد لغيابي لفترة عن المنتدى اتمنى ان تكون المشكلة اتحلت بعد هذه الفترة الطويلة ولو كانت متحلتش فانا مستعد لابداء اي نصيحة