كل ما تريد معرفته عن الداستر+(( تست درايف ))

[beeronasr]

ربنا يباركلك فيها و يكفيك شرها

[bebo2000]

الحمدلله اشتريت داستر 2011 دفع رباعي - تعليقى عليها ماشاء الله انها كفااااااااااااااااااااءة - عفشة غريبة متحسش بأي مطبات - ثبات عالي ينافس السيارات السيدان - تكييف ممتاز - واسعة بشكل غريييييييب - عزل متكلف -
على فكرة انا من هواة الاوتوماتيك - بس لما جربتها في السفر تمسكت بيها اكترو اكتر

اولا الف مبروك عليك العربية وربنا يباركلك فيها
ثانيا ممكن اعرف جبتها على كام

[omskmaher]

انا معايا اكثر من 100الف جنيه جاهزين بس عايز اشترى داستر كسر زيرو ارجوكم المساعده لو حد يعرف واحده كسر زيرو انا جاهز يفضل جر امامى فقط لا مش محتاج 4*4 ارجوكم ساعدونى عايز ابقى دستراوى بقى ارجوكم

[mm_nader]

داستر اوتوماتيك ؟.

السلام عليكم
عاوز اعرف الداستر الاوتوماتيك هاتنزل مصر امتى ؟ وهل ممكن ينزل الشكل الجديد ف اخر 2013 ؟

[takakan2005]

ياترى الداستر - من حيث الأداء والقوة والصيانة وقطع الغيار - أفضل ولا ال v5 البريليانس ال SUV - أحسن وتنصحوا أشترى أنهى واحدة فيهم ؟

[omskmaher]

ياترى الداستر - من حيث الأداء والقوة والصيانة وقطع الغيار - أفضل ولا ال v5 البريليانس ال SUV - أحسن وتنصحوا أشترى أنهى واحدة فيهم ؟

متابع يا برنس

[deriny]

please help me i copmare Peagut 408 between rinault duster and

[nouranwar]

مش عارف شايفها وحشة قوي من قدام بس ورا شكلها جميل
و العدادات مش لطيفة خالص بس المالتي شكله جميل جدا كانوا ممكن يعملوا حاجة احسن من كده بمراحل بس اول مرة 4x4 فممكن نعديها :)
مشكووووووووووور علي الصور و المشاركات الرائعة بجد مجهود شاق
جزاك الله خيرا

ديه كانت مشاركتي من فترة طويلة كنت شايف الداستر اللي بحلم بيها دلوقتي وحشة
الداستر لما بشوفها بعجب بيها جدا جدا

[ateeby]

ياترى الداستر - من حيث الأداء والقوة والصيانة وقطع الغيار - أفضل ولا ال v5 البريليانس ال SUV - أحسن وتنصحوا أشترى أنهى واحدة فيهم ؟

صعب تقارن الداستر ب البريليانس V5

من حيث الشكل
سوا بيعجبك الداستر ام لا لكن تقليد البريليانس لل BMW x1 ضيع برستيج العربية و فعلا حركة سيئة

من حيث الكماليات : البريليانس كمالياتها اكتر بكتير و فيها كل الاحتياج - الداستر كماليات قليلة
من حيث الامان : الداستر امان عالى و ثبات مشاء الله و اساسيات الامان المطبقة في اوروبا موجودة فيها - البريليانس معنديش فكرة عن امانها
من حيث الاداء - الداستر موتور عزم ممتاز - عفشة غير طبيعية مصممة للطرق الوعرة - بالاضافة الى الدفع الرباعي - تدريع معدني اسفل السيارة
قطع الغيار : تتفوق الداستر عن البريليانس لان موتور الداستر مرطط و حاجته موجودة في كل مكان
احساسي الشخصي - الداستر انا سافرت بيها طابا و الغردقة - السيارة تحس انها متينة و ثابتة و عفية
من الاخر عاوز اداء هات الداستر - عاوز كماليات عات البريليانس بس لو انت متوافق مع تقليد البي ام

حضرتك ابعت لموقع اتو اريبيا و هيفيدك في المقارنة جدا جدا

[sonybony]

عربيه جميله بس مين يسمع

[S O P H O S]

تسلم ايدك ..

[Moratoz]

بعد فترة من الاستعمال هل الانطباع هوا هوا عن الأداء والعفشه والاستهلاك واعتماديه السيارة وقطع الغيار

[stonecoldmido5]

بعد فترة من الاستعمال هل الانطباع هوا هوا عن الأداء والعفشه والاستهلاك واعتماديه السيارة وقطع الغيار

العربية بقالها معايا سنة و نصف الحمد لله فوق الممتازة بل بالعكس الموتور فتح اكتر من يوم اما جبتها

[the_first_knight]

ما شاء الله لا قوة إلا بالله
ربنا يبارك لك فيها

[beeronasr]

العربية كل ما بتقدم بتحلو - و العفشة زى الفل.
بقالها 9 شهور و الامور تمام